عرض للطباعة
السلام عليكم احبائي اعضاء وزوار المنتدي
بعد اذن العمالقه ممكن اجابه علي سؤالي ده
البطاريه اللي بتودع اللي قربت تبوظ ممكن تؤثر علي الدينامو للسياره اقصد الدينامو ممكن يبوظ الكل عارف ان الفولت الخارج من البطاريه 12فولت لكن لما تبتدي تبوظ اول ما تشغل المارش تلاقي الفولت يقل ويوصل 8او7.5فولت بس العربيه تشتغل بصعوبه
المهم البطاريه الضعيفه ممكن تبوظ الدينامو يعني بدل ما مصيبه شراء بطاريه جديده تبقي مشكلتين بطاريه ودينامو
يا ريت اتشرف بمشاركه الاساتذه
محمد ممدوح _طارق علاء
عصام غنايم
انت طلبت ناس عمالقة مقدرش ازايد عليهم محمد ممدوح _طارق علاء
عصام غنايم
بس ممكن ارد عليك في النقطة من تجربتى الشخصية
انا فعلا السنة اللى فاتت صهينت على البطارية لما كانت مش بتشحن كويس و عملتها معايا و انا راجع من على القاهرة و المصيبة فوجئت ان الدينامو و انا عطلان في الزحمة مش شغال
واضطريت اوقف تاكسي و امشي وراة و نبدل البطاريات اكتر من 180 كلم لحد ما وصلت لدمياط بلدنا وكانت ليلة منيلة
البطارية لما يكتمل شحنها المفروض هيا اللى تدى الكهربا و الدينامو بيفضل يشحنها لان عمق الشحن في بطاريات العربية مش عالى و مش زى بطاريات الموبايل مثلا او بطاريات العربيات الهايبريد
و بالتالى لازم تحترس جدا لما تكون البطارية وحشة او شحنها و حش لانها هترهق الدينامو معاك اوى و مع الزمن كتاوت و شربونات الدينامو بتبوظ و اللى للاسف تغييرها في دينامو الدايو صعب ولكنة مش مستحيل كونة بيحتاج زراجين في الفتح و القفل وكون ان بعض الحاجات مش بتبقى متوفرة فالناس بتسترخص و بتشترى واحد مستعمل و السلام
انا البطاريه ضعفت و فضلت اقاوح لحد ما لمبة الكومبيوتر نورت و دمي نشف لتكون حاجه باظت بس العيب راح لما الجديده ركبت
بالمناسبه العربيه كانت بتدور بيها بس لما كنت انور النور الكاسيت كان يفصل و ساعات التكييف كان يطفي و يشتغل لوحده
الاستمرارية هيا الموذية في الموضوع ده بمعني لو صهينت عليها لفترة كبيرة لكن مشوار او اتنين او اسبوع مفيش مشكلة اكتر من كدا خطر
على المدى القريب مافيش مشكلة على المدى البعيد المشكلة عندك هاتبقى فى تعتيل المارش عشان بتحمل عليه وعلى كتاوت الدينامو الى هى مسئولة على ان امتى الدينامو يشحن او لا
ممكن الكتاوت آه ... لكن شربون الدينامو ماله ؟؟ مهو كدا كدا الدينامو بيلف دايما سواء كان بيشحن أو لا ؟؟ ولا ممكن يكون الشربون بيقطع اللمس مع فصل الشحن ؟ ؟؟اقتباس:
المشاركة الأصلية كتبت بواسطة moko_2004