الموضوع: رابطة مالكي سكودا أوكتافيا MPI - 1600 - a7

المشاركة الأصلية كتبت بواسطة muhamed mohsen

ياباشا الفتيس فاجر مع الموتور ومفيش منه مشاكل وتم تحديثه عن السابق.وفى ناس عملت كيلوات عاليه بيه والحمدلله مفيش حاجه. والعيب فى استخدامه لبعض الناس .يعنى مثلا مش ابقى واقف فى اشاره وعلق الفتيس على d على الفاضى ودا غلط على اى فتيس عربيه على فكره ولازم الاستخدام السليم ومعرفة الطريقه المثلى فى الاستخدام . وعلى فكره دا المفروض يتعمل مع اى جهاز بنستخدمه مش مجرد العربيه لكن البعض منا بيسوق وخلاص .. ومينفعش يبقى عندى فتيس امكانياته عاليه زى دا وآداؤه عالى وسلس فى الاستعمال واحصل منه على متعه فى القياده ومحافظش عليه .يعنى لازم مقابل الرفاهيه وهذا الآداء العالى يكون فيه استخدام سليم علشان الحاجه تعيش معايا واحصل منها على متعه فى القياده والفتيس له وظائف عديده وكل حاجه فيه ليها استخدامها وليها وقت استعملها فيه مش مجرد امشى على d بس وخلاص ودا علشان متعة القياده وفى نفس الوقت المحافظه على الشئ. وعلى فكره النسخه القديمه من الفتيس دا موجوده فى انواع تانيه من العربيات وعايش زى الفل علشان الاستخدام السليم .وبالنسبه للبنزين العربيه ماشيه ب92 زى الفل وسحبها عالى ومفيش اى مشاكل وهيه نازله كدا على فكره ومتجربه يعنى مش كلام وخلاص

يا محمد باشا ، العربيه مع 95 هيحصل فيها مشاكل علی المدی البعيد زی ما حصل مع واحد صديقی بسبب نفس الشء
و كمان بالنسبه للفتيس اختلف مع حضرتك الفتيس ده مينفعش هنا فی مصر
الفتيس ده لما نزل مصر كان و اظن مازال العربيات الی جايبه فتيس فی توكيل فولكس بتبقی واقفه طابور كده :d
و فی الاول الاخر ربنا يبعد عننا كل شر يا رب يبارك لنا فی عربياتنا ان شاء الله

المشاركة الأصلية كتبت بواسطة ahmed sa3ed

التيل صدعني لما باجي ابتدي اطلع بيها او اجيب ورا وانا ببتدي اشيل رجلي صوت تزييق جامد ولا فرقه اوكستراوهاهاهاهاهاها


مش عارف اروح اديها دوش جامد في الطنابير ولا في حاجه كدا عايزة تتربط

يا باشا كل الاوكتافيا فيها نفس الصوت ده
فحاول تأقلم نفسك عليه
انا اخذت فتره عقبال ما اتعودت علي الصوت ده
الصوت مش معناه ان في حاجه غلط في العربيه
الاسكودا عفشتها كدا واسأل اي حد
الفانتازيا معايا فيها نفس الصوت