انا لسه جايب اربع كاوتشات بريدج ستون 175/70 13 للشاهين اللي اشتريت منه قالي صناعه تايلاندي زي الياباني بالظبط في الاداء وخدت الفرده ب 350 جنيه دي كويسه ولا ايه ؟؟
وتاريخ الصناعه 2010 عادي ولا ايه انا لسه ماركبتهمش ياريت افادي لاني مش واثق في التايلاندي ده
الحق رجعهم تاريخ الصناعه منتهى 2010 واحنا داخلين على 2015 حرام الفلوس فيهم
متشتريش اقل من 2014 عشان يعدو معاك اطول فتره
فعلا 2010 دي انتهت صلاحيتها اصلا
لأ مش عادي رجعهم بسرعة
إحنا داخلين علي الشهر التامن في 2014 و الكاوتش سنة الصنع بتاعته 2010 و ده خطر لو مشيت بيه
بص يا ريساقتباس:
المشاركة الأصلية كتبت بواسطة محمود الغندور
البريدجستون ماركة محترمة
والسعر اللى انت شارى بيه كويس
وتاريخ الانتاج متدهوش اى اهمية ولو من عشر سنين فاتوا حتى طالما التاجر مخزنهم بعيد عن الشمس
لكن ليا تعليق واحد
لأ
التايلاندى مش زى اليابانى ميعرفوش بعض اصلا فى الكفائة والتحمل و....
اليابانى فى م.نصر عند مستورد فى الحى السادس الوحيد اللى عنده بريدجستون يابانى
لكن سعره هيبقى اغلى طبعا من التايلاندى وانتاجه اخر 2013 اول 2014
صلاحية الكاوتش 5 سنين على ما اعتقد
رجعهملو
التايلندى مش زى اليابانى طبعا
طبعا انتاج 2010 ده ترجعه فورا ---- صلاحيه الكاوتش من 5 الي 6 سنوات من تاريخ الانتاج في حاله التخزين الجيد (تخزين رأسي في غرف مبرده Cold Room)
بالنسبة للمقاس ده 175 70 R 13 مفيش عند الوكيل ياباني الموجود عنده اندونيسي نقشه اسمها B250 وسعرها 375 جنيه او 395 مش فاكر بالضبط مع النيتروجين مجاني
الوكيل بتاعه شركه فيت اند فكس رقمهم المختصر 19187
بالنسبة لتاريخ الانتاج فدول منتهين الصلاحية , الراجل لو ما قالكش انهم منتهين الصلاحية و سعرهم اقل كتييييييييييييييييييييييي يييييير من الجداد يبقى نصب عليك
بالنسبة للبريدجستون التايلاندي هو كويس جدا لو my-02 , لكن لو b250 يبقى هات كومهو اكستا اجدع
رجعهم للحرامى النصاب ده اللى مستهتر بحياتك و حياة عيلتك
طبعا ترجعهم .. و الياباني مرحلة و التايلاندي مرحلة تانية خالص ..
بس اللي يجيب شلل ان المنتدى ده فيه شوية فتي مالوش 30 الف لازمة ..