بفكر اشتري رنجلر ٢٠١٤ بس محتار

**haithmageddon** · 26-07-2014 05:58 AM

السلام عليكم يا شباب
انا في وضع محير جدآ صراحه .. كان معي bmw 225 e39 موديل ٢٠٠٠ و عزلت للتجمع و الشوارع مدغدغه كلها فا بعتها و جبت kia sportage.
طبعا العربيه عمليه جدا بس حاسس ديما إن في حاجه غلط.
بفكر ابيع العربيه دي كمان و اجيب رنجلر ٢٠١٤.
المشكله ان كل الناس مخوفاني من العفشه و الضريبه وًنقص الكمليات .

الموضوع محير جدآ صراحه بزات بعد اسعار البنزين الجديده
لدركت إني فكرت اجيب x3 bmw نفس السعر بس عربيه ورق

افيدوني افادكم الله ☺️

**haithmageddon** · 26-07-2014 08:09 AM

المقصود x1 و ليس x3

**kantofanto** · 27-07-2014 12:04 AM

العربية تعملها حوالى 333000 ج و العفشة بتاعتها قوية جداً و الضريبة بتتكلم فى حوالى 7000ج او اكثر ممكن حد يفيدنا بالضبط من الاعضاء بس هى غول بنزين 3800 سى سى فهتحس بده لما تغير من الكيا و تركب جيب.
و ربنا يوفقك و رمضان كريم .

**Land_Cruiser** · 27-07-2014 02:54 AM

عفشه الرانجلر ناشفه فعلا و حضرتك محتاج تعمل لها تست درايف علشان تقدر تحكم علي الموضوع ده بنفسك و تشوف هتستحملها و لا لأ. بالنسبه للضريبه و استهلاك البنزين هما شريحه تانيه غير ال ١٦٠٠ سي سي طبعا فلازم تكون مستعد للموضوع ده و في حاله لو كنت عايز بدائل تانيه عندك الفورتشنر و عفشتها انعم بس هي برضه كمالياتها مش كتيره. لو عايز نصيحتي خليك في السبورتيج بس بالراحه عليها في المطبات و شويه شويه هتعرف اماكن المطبات و الحفر و تتعود تتفاداها علي قد ما تقدر

**8HaSSaN8** · 27-07-2014 02:51 PM

انا رائي انك تروح لل x1 او تويوتا فورتشنر الرنجلر شكلو مش حلو و دة رئى

**haithmageddon** · 27-07-2014 05:42 PM

الف شكر يا شباب علي الردود . بس انا احب اضيف تعليقا علي رددكو ☺️

ضريبه الرنجلر حوالي ٥٥٠٠ تناقصيه كل سنه

البنزين بلاعه طبعا مقارنه بل ١٦٠٠ بس انا علشان كان معي ٥٢٥ ٢٥٠٠سس ٦ سلندر بردو فا عندي فكره عن الموضوع و اعتقد
ان زي ال ب م لو احترمت نفسي مع الدواسه الموضوع هيكون حنين

ال x1 كعربيه جميله لو مركبتش ب م ابل كده بس انا شايف انها مش عربيه cross over علي حق.

نفسي اجرب ال رانجلر test drive بس مش عارف ،التوكيل الك مليش فييه ، لو حد يعرف اروح فين و ازاي يكون مشكور ☺️

الفورشنر عربيه جميله طبعا بس كبييره اوي صراحه و الصلون صعب اوي اوي اوي و مخلع. إلي ركبها ها يفهم اصدي.

**stonecoldmido5** · 01-08-2014 06:00 AM

يا فندم الرانجلر عربية مش مريحة صحيح بس متتقارنش باي عفشة في مصر و كنت دافع ترخيص حوالي 15 الف في التلاث سنين , و العربية الموتور بتاعها 3600 و استهلاكها متوسط مش خيالي زي ما بعض الناس متخيلة بس ده لو حضرتك مش بتقرص علي دواسة البنزين و سرعة حضرتك معقولة

**hugan** · 01-08-2014 02:51 PM

لكنها عربيه قويه بجد
مش اي اكس ولا قشقاي او سبورتاج
وتمشي بيها في اي مكان واي منطقه
والكل هايعمل ليها حساب
ومبيعاتها عاليه مش ضعيفه
انا ركبتها فتره
هي تقريبا بالظبط زي ماتكون راكب ميكروباص رامو
مش تويوتا

**احمد فهمى** · 03-08-2014 06:33 PM

لا غبار على الرانجلر كقوة هى الوحيده اللى على شاسيه بمعنى الكلمه وعفشه طبعآ لكن للآسف استهلاك بنزين خرافى وضريبه 7 الاف جنيه وفى المطبات حتى العاديه شئ يكره الواحد فى الدنيا حاجه تخرب العمود الفقري وطبعآ ده بسبب انها على شاسيه منفصل فمفيش مجال لتوزيع الحركه نصيحه خليك فى الكيا ووفر فلوسك فى اليومين دول