تجربتي مع كاربرتير الفليشا
السلام عليكم و رحمة الله و بركاتة
سيارتي فليشا 99 كاربرتير
المشكلة ظهرت معايا منذ حوالي 4 شهور
اولا كنت بستخدم بنزيين 92 و غيرت لبنزيين 80 و مش دية المشكله
روحت للمكانيكي ياخر شوية الاسبراتير عشان العربية متكركرش عشان بنزين 80
تاخير الاسبراتير بينتج عنه التاخير شوية في دوارة السياره في الصباح و بردوا مش دية المشكله
المشكله بدات بعدها بحوالي 3 شهور اي بعد ما غيرت لبنزين 80 -- المهم العربية كانت بتتاخر في الدوارة قوي زيادة عن اللزووم
واستهلاك البنزين زاد كنت 10 لتر لكل 100 كم زاد الاستهلاك الي 11.5 لتر لكل 100كم
المهم روحت لبتاع كاربرتير في شبرا - بين شبرا و الترعه قالي فك الكاربرتير و هاتة فالمهم روحت لواحد تاني في الساحل
فك الكرابرتير و غير فيه الابرة و كاوتشة و قالي البوابة التانية بتاعت الكاربرتير مكنتش شغاله
و خليتة يغير فلتر البنزين و هو بيغير وجد ان الخرطوم الي قبل الفلتر و الي بعده الاتنين كانوا مشققيين و اعتقد هما دول كانوا سبب زيادة استهلاك البنزين و سبب ريحت البنزين داخل العربية
المهم مشكلتي اتحلت الي هي التاخير في الدوار قوي و بقت تدور العربية عالطول
بعد اسبوع من تصليح الكاربرتير كنت لما ادور و مجرد لما اشيل رجلي من علي البنزين تبطل
ودة مشكله غبية بتخنق الواحد و كنت لازم ادوس بنزيين جامد عشان متبطلش تاني و كل مرة شوية ترجع المكشلة دية
المهم روحت للميكانيكي قالي بص ارجع لبتاع الكاربرتير هو الي هيظبطلك عشان ممكن يكون عامل حاجة في الكاربرتير خنئوهولك
روحت لبتاع الكاربرتير تاني بس اتعاملت مع الاسطي الكبير قالي بسيطة المهم ظبط حاجة و مخلنيش اشوف هو عمل اية
و الحمد لله بقالي اسبوعين الدنيا تمام
بالنسبة لاستهلاك البنزين بقي 8.5 لتر لكل 100كم ودة متوسط دائري و جوة البلد
بردوا مازلت بستخدم بنزيين 80
