عاوز اشتري عربيه بالتقسيط وبعدين اروح مديها مكتب تأجير ؟؟؟

**ManSouR_84** · 19-10-2008 05:46 AM

عاوز اشتري عربيه بالتقسيط وبعدين اروح مديها مكتب تأجير

انا فكرت في الفكرة دي عشان استفيد مالياً

دلوقتي انا معايا حوالي 25 الف جنيه فقط لاغير
وطبعا للاسف مايجبوش ربع عربيه حتى في الزمن دا

ولاني مش حمل التقسيط وهيتخرب بيتي

ففكرت اني اجيب عربيه بالتقسيط بحيث يكون مقدمها مش اكتر من 15 الف
وقسطها مش اكتر من 2000 جنيه في الشهر

واروح مديها لمكتب تأجير عربيات وبعقد لمده تلات سنوات مثلا
والعائد المرجو من من المكتب حوالي 2500 الى 3000 آلاف جنيه

يعني بزياده 500 جنيه في الشهر

كل الخوف من المكتب والتأجير والناس اللي ممكن تبوظ العربيه في الامركه والسرعه الزياده و و و

بفكر اني اديها لمكتب تأجير بشرط خروج العربيه بسواق

وطبعا لازم يتعمل اجراءات تأمين ع العربيه والمكتب مسؤول عنها مسوؤليه كامله

ايه رأيكم ياجماعه في الفكرة دي ؟؟؟؟؟؟؟؟؟؟؟؟؟؟؟؟؟؟؟؟

هل ابدأ في تنفيذها ولا شايفين انها مخاطرة

**Tamer-Ezzat** · 19-10-2008 05:53 AM

لو شركة بترول او اى شركة استثمارية بعقد أقولك ماشى ... بس الناس دى عايزة عربيات كبيرة يعنى على الاثل تويوتا أو أوكتافيا ....

انما مكتب ايجار ومن اللى حاسه انك كمان متعرفش مكاتب معرفه شخصية احسن بلاش علشان مع احترامى دول بتوع تلات وورقات واول شهرين تلاثة بالكتير حتلاقى العربية فتحت بقها وابتدت المساومة على تقليل السعر مش عاجبك خد عربيتك .. طب الاقساط حتدفع ازاى ... وحدخل نفسك فى دوامه كبيرة ...

**major123** · 19-10-2008 10:54 AM

لو عايز تشغلها في مكاتب ايجار يبقي لازم انت اللي تسوق العربية
علشان لوحد تاني سائق العربية يبقي علية العوض في العربية

**Samir Elshahawy** · 19-10-2008 12:50 PM

انا جربت الفكرة دي قبل كده و فشلت بالتلاته و سحبت العربية من مكتب الايجار رغم ان صاحب المكتب صديق قديم , بعد سنة وجدت الاتي :
- أحيانا بدفع انا القسط بحجة ان السوق نايم و الغربية واقفة
- الصيانات مابتتعملش صح و بالتالي وجدت العربية في النازل
- حتي لو العربية متأجرة بسواق كتر الرجل عليها مش كويس
- العربية اتخبطت أكتر من مرة و أنا اللي صلحت ده كله علي حسابي

باختصار لاقيت الموضوع مش جايب همه فأخدت العربية و قولت الحقها و فعلا دلوقتي هي معايا و بحالة جيدة جدا و أحسن مما كانت جديدة كمان

**ManSouR_84** · 29-10-2008 02:41 AM

طب ياجماعه ماهو اكيد في عقود وبنود في العقد

ان اي اضرار تلحق بالسيارة يتحملها مكتب الايجار

انا مالي وذنبي ايه انها اتخبطت

اومال يعني اللي بيأجر بيمضي على وصل امانه ليه مادام انا اللي اصلحها ع حسابي

وبعدين انا عاوز أأجرها لشركات وقطاعات احسن

يعني هضمن حقي

وغير كدا لازم أأمن عليها في مكتب تأمين

لان الخطوة دي مهمه جدا ومش سهله

ولاايه ؟؟؟؟؟؟؟