بأذن الله حط بنزين 80 لانوس2014

ان شاء الله ناوى اشترى لانوس 2014 زيرو وحطلها بنزين 80 وده قرار نهائى وان شاء الله ناوى ابيعها بعد 5 سنوات واجدد ......فبالتالى مش ناوى استقر عليها للابد...الاستفسار هنا احط بنزين 80 بعد 5 الاف كيلو وفى الاول احط 92 اثناء فترة التليين والا احط من الاول بنزين 80 ...وفيه ناس بتحط النصف والنصف فرأيكم ايه ؟؟؟؟:dirol:
وياريت اللى هيجاوبنى يكون عن تجربة سواء تاكسى او ملاكى او كانت العربية مع حد من اصحابه وشاف العيب بعينه او شاف انها تمام بعيمه يعنى مش كلام منتديات:argue1: .....وقرارى نهائى علشان الظروف المادية وانا جايب العربية مخصوص علشان موضوع بنزين 80 وقطع غيارها رخيصة ومش هسافر بيها ولا محتاج السحب العالى اوى...فى انتظار خبراتكم يا شباب

بص يا باشا انا من رأيى ان حضرتك تحط92 فى فترة التلين وبعد كدة حط 80 عادى بس ابقى اغير فلتر البنزين على فترات اقصر وابقى استخدم عبوة منظف الرشاشات بأستمرار

حرام تحطلها بنزين 80 بس لو حضرتك مصمم وده باين يبقي تحط صفحية 92 وصفيحة 80

اقتباس:

---

المشاركة الأصلية كتبت بواسطة jojojojo

حرام تحطلها بنزين 80 بس لو حضرتك مصمم وده باين يبقي تحط صفحية 92 وصفيحة 80

---

لو حطيت 80 هاتحس انك راكب كراكة او جرار زراعى

هات شاهين مو ديل 2010 ولا 2011 اوفر وارخص بكتير من الزيرو وحط 80 براحتك وركبلها تكييف

مش قادر عليها ماتشتريهاش أصلا

السلام عليكم عيد سعيد انا معايا لانوس 2007 من سنه 2010 وثابت على بنزين 80 كل الموضوع انك تظبط فيشه الاوكتان وده موجود على المنتدى انا بعمل التالى تغيير فلتر بنزين كل 5000 ك وتنظيف البوابه بالاسبراى المخصص لكده الفرق الملاحظ طبعا او العيوب انك عدد نقلات الغيار فى السرعه القليله او الزحمه هتبقى زياده شويه من الاول والتانى وطبعا السحب هيقل مع استخدام التكييف انا شايف ان كل ده عادى جدا ومش مشكله بس فرق الفلوس كبير بين 80و92 على الفكره العربيه شغاله تمام الحمد لله وفى السرعه جميله اوى وكل قطع غيارها متوفره سعرها معقول جدا وفكك من اللى بيقولك اركب شاهين اوعربيه موديل قديم اما بالنسبه للتليين امشى بيها 5000ك على بنزين 92 وبعد كده غير ل80 على فكره انا عربيتى ماشيه 260000ك وبعمل كل الكلام السابق بنفسى يارب اكون افدتك ولو عايز اى حاجه عن الانوس موجوده على المنتدى المحترم او ابعتلى رساله

هو مكتوب فى الكتالوج بتاع السيارة ايه ؟؟؟؟

الف شكر يا استاذ وليد والف شكر لكل الاعضاء

ركب غاز وريح دماغك
وكل شهر هتفولك تفويلة 92

.

فيه مره واحد رجع البيت قال لمراته تعرفي كنت ها جيب للعيال لبشه قصب وانا جاي
ردت وقالت له ليه بس يابو سعيد تغرم نفسك ما احنا عندنا برتقال
قال لها ياوليه خلي العيال يمصوا ..!!!!

..

...

طيب مسش ده بياثر على الماتور على المدى الطويل و يقصر عمره و لا لا؟؟ حد يفهمنى ياجماعة ؟؟؟

ياباشا انت كده بتوفر دلوقتى بس قدام هتدفع كل اللى انت وفرته فنصيحة ملهاش لازمه وخليك فى 92

اقتباس:

---

المشاركة الأصلية كتبت بواسطة أمجد هووز

.

فيه مره واحد رجع البيت قال لمراته تعرفي كنت ها جيب للعيال لبشه قصب وانا جاي
ردت وقالت له ليه بس يابو سعيد تغرم نفسك ما احنا عندنا برتقال
قال لها ياوليه خلي العيال يمصوا ..!!!!

..

...

---

ايه علاقة دة بالموضوع ..؟

انا كلمت سواق تاكسى بقاله 4 سنين بنزين 80 وقالى بظبط البوجيه وقالى على خاجة تانية بينظفها دوريا واقسم لى ان الدنيا ماشية مغاه تمام..وسألته الميكانيكى بيبص فى عربيتك قالى ايوه وبيأكدلى ان مفيهاش اى عيب وموضع البوجيه والتنظيف بسائل تنظيف الرشاش دوريا محافظ على الماتور.....وعلى فكرة انا مش ناوى اخلى العربية 15 سنة ....ان شاء الله ربنا يوسعها اكتر ماديا واجيب فى المستقبل حاجة اعلى

قلبك مش هيطاوعك
انت اساسا اول ماتستلمها ان شاء الله وتركبها
مش هيهون عليك تحطلها 80 وهتلاقى نفسك بتحطلها 92
حرام عليك
تضيع زهوة العربية الجديدة وحلاوتها
ولو عايز حاجة تستحمل بنزين 80
هات لادا زيرو
او سوزوكى ماروتى زيرو
الاتنين كاربيراتير وينفعوا ع البنزين 80

كان معايا لانوس 99 وقعدت سنتين احطلها 80 وكانت شغاله زى الفل بس كنت ظابطها عليه

اقتباس:

---

المشاركة الأصلية كتبت بواسطة أمجد هووز

.

فيه مره واحد رجع البيت قال لمراته تعرفي كنت ها جيب للعيال لبشه قصب وانا جاي
ردت وقالت له ليه بس يابو سعيد تغرم نفسك ما احنا عندنا برتقال
قال لها ياوليه خلي العيال يمصوا ..!!!!

..

...

---

هانهجص ولا ايه ..

نصيحه ابعد عن ال 80 لان المشكله ان اغلب محطات ال80 هتلاقي خزانتها مش نضيفه يعني حتى لو البنزين هيشتغل كويس فالشوائب اللي هتدخل مع البنزين هتبوظلك الدنيا
والاخ المحترم أمجد هووز ابو دم خفيف الله يباركلك كفايه نكت من الحلوه دي

اشترى لانوس استعمال احسن

العربية الزيرو مش بتحتاج تليين
اهم حاجة الموتور مش يسقف او يكركر بغض النظر انت بتستخدم بنزين كام

من الاخر موضوع بنزين 80 او 92 او 95 ملوش اي علاجه بالفلتر و لا البواجي او اي حاجه و خزنات البنزينات ال 95 زي ال 85 و ال 80 مفهوش شوائب
الموضوع بيتلخص فى ان فى حاجه اسمها معامل انضغاط للمحرك و دي بتحدد امتي خليط الوقود يتحرك و فين بالظبط
حضرتك لم بتحط بنزين مختلف عن الموصي بيه بتلاقي العربيه بتكرر زي ما بنتقول الي بيحصل ان البنزين بيتحرك قبل ميعاده عشان كده بتسمع الصوت ده
و اكيد عدم انتظام الدوران فى الاجزاء الميكانيكيا حياثر على المحرك بالسلب و ممكن يكلفك اكتير بتكتير طبعا
نصيحتي ليك شوف عربيه بتستخدم بنزين 80 او حتي 92 بس موفره فى البنزين
اكيد طبعا فى تجارب فرديه كتير زي تظبط الكهربا و الرششات الخ لك كل ده اجتهاد

هات عربية على قدك لادا او فيت ينفعوا ل80 ولما تعلى معاد ماديا ابقى هات اللانوس وحط 92 لان اللانوس الافضل ليه 92 عشان عمر الماتور

اللانوس فيها فيشه اسمها فيشه الاوكتان فيها ظبطه علي بنزين 83 الكلام ده من الكتالوج
فلو ظبطها على 83 و حطيتلها 80 كانك ظابطها على 90 و بتحط 92 مثلا
القصه مش ف الرقم هنا
القصه فى الشوائب و دى تحلها بأنك تمون من بنزينات محترمه زى وطنيه مثلا
و الحاجه التانيه اللى بيحظر منها الكتالوج هو البنزين اللى فيه نسبه رصاص و هنا فى مصر مفيش رصاص فى البنزين
دى خلاصه كلام كتير اوى هنا فى المنتدى لموضوع قتل بحثا و كلاما
القصه كلها بس انك هتبقى متضايق و انت بتعمل كده فى عربيه " زيرو " انما لو عادى توكل على الله
صياناتها فى وقتها و تهتم بنضافه البنزين بس

اقتباس:

---

المشاركة الأصلية كتبت بواسطة j a g u a r

هانهجص ولا ايه ..

---

بص علي راي محمد ممدوح اللي ما يعرفش يقول هجص
دا الباشا الكبير اللي بيقول
وطالما انت مافهمتش المقصود من موضوع لبشه القصب وقلت هجص

ها اقولها بطريقه تانيه اوك ...
تاني مره علشان البيه ان ما فهمش الحق عليه امال ايههههههههههههه

يابني شيل التعابين من علي الارض يابني لم التعابين الله لا يسيئك
لم يابني التعابين لحسن الظابط يخدك
ما تلم التعابين ياشوكت
فين التعابين ؟؟؟ فين التعابين....؟؟؟ فين التعابين...؟؟؟ فين التعابين؟؟؟
هو يعني كان فين الظابط

ها اقول كمان مره ولا وصلت ؟؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة أمجد هووز

بص علي راي محمد ممدوح اللي ما يعرفش يقول هجص
دا الباشا الكبير اللي بيقول
وطالما انت مافهمتش المقصود من موضوع لبشه القصب وقلت هجص

ها اقولها بطريقه تانيه اوك ...
تاني مره علشان البيه ان ما فهمش الحق عليه امال ايههههههههههههه

يابني شيل التعابين من علي الارض يابني لم التعابين الله لا يسيئك
لم يابني التعابين لحسن الظابط يخدك
ما تلم التعابين ياشوكت
فين التعابين ؟؟؟ فين التعابين....؟؟؟ فين التعابين...؟؟؟ فين التعابين؟؟؟
هو يعني كان فين الظابط

ها اقول كمان مره ولا وصلت ؟؟؟؟؟؟؟؟؟؟؟؟؟؟؟

---

بصراحة انتا شخص ********* جدا جدا (ي) والناس بتتكلم جد وبتساعد الراجل اللى محتاس يحط بنزين اية وانتا عمال تستظرف بمنتهى الرخامة اللى فى الدنيا بصراحة انا لو مشرف اطردك من المنتدى وقتى

ايقاف اسبوع لمخالفة القاعدة 12

مشرف عام 1

يا جدعان بلاش يبقى عندنا مسلمات بحاجات غلط و تفضل عايشه معانا للأبد

البنزين بالأوكتان مش بالشوائب على كده العشرين لتر سولار فيهم 10 لتر شوائب (السولار في مصر غير منزوع الأصماغ)
إجراءات رقابة الجوده على صهاريج المواد البتروليه واحده على بنزين 80 و 90 و 92 و 95 ولو في 60 كمان بنزين 80 ميأثرش على الرشاشات ولا الفلتر حتى لو الميكانيكي قالك غير كده

تحاشي تسقيف الموتور و امشي بدون مشاكل و الدليل في كلمتين ملهمش تالت (التاكس الابيض)

اقتباس:

---

المشاركة الأصلية كتبت بواسطة lutenit030

اشترى لانوس استعمال احسن

---

مظبوط
شايف انك تشتري مستعمل طالما هتستخدم 80