حد يعرف المنتجات عالية التقنية دي اجيبها منين ضروري عشان اطفالي :)

بمناسبة اني اعيش في القاهرة الجديدة
وبمناسبة اني من اول رمضان المياه مبتجيش الا ساعة قبل الفطار وساعة قبل السحور وطول اليوم مقطوعة

الحياة اصبحت مع الاطفال صعبة جدا وفعلا محتاج المنتجات دي ضروري
المشكلة اني لقيتها على النت مش لاقي مين بيبيعها

محدش يعرف البرميل الازرق ده فين وينوبه ثواب :)

او لو حد عنده اختراع علما باني ساكن في الرحاب وممنوع تركيب خزانات يعني اوبشن تركيب الخزان مش موجود فعايز اعمل حاجه اخرها خمسين لتر في الحمامات


[sor2]http://nileup.com/up/uploads/nilemotors_14063995811.jpg[/sor2]

[sor2]http://nileup.com/up/uploads/nilemotors_14063995812.jpg[/sor2]

[sor2]http://nileup.com/up/uploads/nilemotors_14063995813.jpg[/sor2]

[sor2]http://nileup.com/up/uploads/nilemotors_14063995814.jpg[/sor2]

[sor2]http://nileup.com/up/uploads/nilemotors_14063995825.jpg[/sor2]

اول واحد فوق(البراميل الازرق) فيه منه حتى 250 لتر كنت سائل عليه لتخزين بنزين ومجبتوش بس ال250 كان فى حدود 120 جنيه على ما اتذكر مع مراعه اختلاف الاماكن
وانصحك بالبراميل ده لانه ربع متر ميه يعنى ينفع تستحمى منه

بس انا مش عايز 250 لتر كتير

انا عايز مش اكتر من 50-100 لتر عشان اعرف انظفه كل شوية وبعدين عايز احط واحد على كل حوض ويبقى خفيف وهو فاضي

حضرتك متعرفش اجيبه منين ؟؟

دور عند بتوع البلاستيك ان شاء الله تلاقى طلبك

لو ليك حد في المنصورة هتجيبة بكل سهولة
شوفتة علي الطريق الزراعي كتيير

السلام عليكم ورحمه الله
حضرتك دى براميل صناعية سعة من 50 لتر الى 150 لتر ويوجد منها المربع والمدور
وانا بحسب خبرتى فى شراء تلك البراميل بكميات كبيرة طبقا لظروف شغلى عايز أقول لحضرتك ان اهم حاجة أن أغلب المصانع المصنعة تدخل فى مكونات البرميل خامات أعادة تدوير البلاستيك (ريسيكل) مما يؤثر على رائحه البرميل وايضا الاشياء التى توضع به ولا أعلم سوى مصنع للبراميل هو يستعمل 100% بيور بولى أثيلين بدون أدنى درجات الشك وهو مصنع أركوباك فى العاشر من رمضان ويمكنك اختيار لون الغطاء من أبيض الى أحمر من خامات عالية الجودة لو أحتجت أى مساعدة أخرى أنا تحت أمرك تحياتى.

في واحد في السوق بتاع الرحاب بيبيع جراكن من اللي فيها حنفيه زي اللي حضرتك حاطط صورتها دي و هتلاقيه حاططها بره المحل و باينه