الموضوع ده كل ما حد يرفعه اقراه تانى من الاول واضحك كأنى بشوف لأول مرة
عرض للطباعة
الموضوع ده كل ما حد يرفعه اقراه تانى من الاول واضحك كأنى بشوف لأول مرة
موضوع دمه زي العسل
اجمل اشتغاله سمعتها من حوالى 6 او 7 سنين من واحد اول مره فى حياته يركب عربيه اوتوماتيك
كانت عربيه مرسيدس عيون بتاعت واحد قريبه جايبها معاه جمرك والاخ ده بيحكى مغامره ليه مع العربيه
خير اللهم اجعله خير هو كان بيعدى من مقطوره فى طريق رايح جاى وهو فى نص المقطوره شاف اوتوبيس جاى من بعيد راح دايس بنزين للاخر وطبعا هنا بقا حصلت المفاجاه
اول حاجه بيقول لقيت فى تكه كدا تحت الدواسه هو عرف بعد كدا ان دا زرار اسمه زرار الطوارئ تحت الدواسه
وبعدين فجاه العربيه هديت خالص وسمع صوت حاجات بتتحرك فى الفتيس
وبعدين فجاه العربيه جريت بسرعه جدا لدرجه ان عدى المقطوره بحوالى 20 متر وهو مش واخد باله
وبعدين بقا كان تفسيره للموضوع ان فى ترس كبير رياضى ده برا الفتيس لما بتدوس على زرار الطوارئ الترس ده بيتعشق فى الفتيس مكان الغيار ويشغل النقله الرياضيه اللى بتخلى العربيه تجرى كدا
طبعا كل ما فى الموضوع انه عمل كيك دون :)
موضوع روعه
انا بقى رحت بورسعيد اجيب حاجات للعربيتى 132 المهم جبت ورحت اخرج من الجمارك وقفت للتفتيش المهم طبعا كلكم عرفين قطع غيار العربيات المستعمله مش بتتجمرك اصلا لانها اتجمركت وقت دخولها البلد طبعا صعب على البيه مفتش الجمارك امشى من غير ماينهب اى حاجه المهم قالى معاك تصريح خروج بالحاجه عموما لو مش معاك مش مهم انت عارف الحاجه دى بتخضع ( خدوا بالكم )
للضرائب العقاريه وانا هعفيك منها وهاتى 20 ج وانا امشيك وخدمهم وانا فطسان على روحى من الضحك ومشيت
واقف مرة مع صديق ليه عند الميكانيكي بتاعه هوه شاطر بس مخه علي قده
و كان لسه العربيه الشفورليه لانوس نزله و لسه منتشرتش .
فشاف الميكانيكي العربيه و قعد يضحك باستهتار
الميكانيكي : بص ..... شوف ..... العبيط حاطت علامه شفورليه علي الانوس :)
صديقي : لا يا اسطي دي شفورليه اشترت دايو و نزلت العربيه باسمها
المكانيكي ( متأثر و يكاد يبكي ) : الله يخرب بيوتهوم ..... باعو البلد
اول مره اشتري عربيه في حياتي كانت لانوس عام ٢٠٠٤
و كانت زيرو
و مره كنت مسافر بالعربيه و رحت احط بنزين علي الطريق
عامل البنزين قعد يحط بنزين لغايه ما البنزين بينزل من تحت العربيه
و انا كانت خبرتي صغيره جدا و معرفش ان الزياده في البنزين بتنزل من مكان تحت العربيه ( تقريبا اسمه الفايظ )
المهم الراجل في البنزينه قالي : ايه ده ..... ينهار اسود ...... الحق يا برعي بص العربيه دي بنزل بنزين
و لقيت برعي جي من بعيد و هو ملي بالثقه و الشموخ : ايه ايه ...... فيه ايه ....... اه.... ok ...... ده تنك البنزين مخروم و عاوز يتلحم و هيتكلف ٣٠٠ جنيه
انا : بس يا باشمهندس العربيه لسه زيرو
برعي : مش مشكله الحجات دي نصيب يا بيه .... دخل العربيه و انا هفك تنك البنزين دلوقت و هياخد حوالي ٣-٤ ساعات
لحظه صمت :rfds:
ركبت العربيه و طلعت اجري . :B4_048::B4_048::B4_048:
و اكبر اشتغاله حصلتلي في حياتي لما اشتريت عربيتي الانوس
الزمان :
صيف ٢٠٠٤
المكان :
مدينه نصر
الكاميره تدخل من باب المعرض
يقوم الرجل القصير الي قاعد وره المكتب يتنفض و يقول ::36_9_4:
اهلا يا باشا أأمر
انا : الامر لله عاوز اشتري عربيه لانوس
الراجل : تمام الانوس جميله .... امتي باذن الله ؟؟
انا : كمان شهر عشان انا سمعت ان العربيات هتنزل شويه كمان شهر
الراجل : انت باين عليك انك ابن حلال .. بص معلومه مهمه جدا ...... (بصوت خافت و هو يتلفت ) فيه حاجه اسمها ضريبه التنميه هتطبق علي العربيات من اول الشهر الجاي و دي هدزود العربيه حوالي ٣٠٠٠ جنيه :B4_444::B4_444:
انا : بجد ينهار اسود ... طيب هيه دلوقتي بكام ؟؟
الراجل : ٧٥٠٠٠ الهاف اوبشن :B4_237:
انا : طيب هات وحده
و بعد ثلاث اسابيع العربيه بقت ب ٦٣٠٠٠ جنيه :Copy of majd(4): :_Alshmokh11::_Alshmokh11::_Alshmokh11:
شكلك اتضبط في اللانوس بتاعتك ههههههههههه
انا اكبر اشتغاله من التربيه والتعليم فضلوا يفولوا العربيات هتمشى فى 2010 بعصير القصب وفى الاخر ولا قصب ولا حتى عرقسوس
انا بقا اشتغلوني اشتغالة
عربتي فيورا .. والميكانيكي المفتكس غيرلي ابلاتين وكوندنسر مستعملين ب 70 ج وهما بالتركيب جديد 30 ج
وماستر فرامل خلفي ( اسمه ضدفدعة ) هههههههههههه ركبه ب 80 ج وهو ب 20 ج
ده غير نصبة تانية ب 250 ج .... لسة بدعي عليه لحد دلوقتي
مش عشان الفلوس ... عشان الضمير المعدووووم
عادي جدا .. مرحلة وعدت
ميكانيكي تاني كنت بروح أقولو النصايح إللي أخدتها من مستشارين المنتدى ... كان يبوصلي متأفف قوي .. ويقوللي يا مدام متسمعيش كلام أي حد ده كلام يبوظلك العربية زيادة هههههههههههههههههههه
بس على مين
شكرا نايل موتورز انقذتني في حاجات كتيير
موضووووع جميل . ومتابعة