ههههههههههههههههههههههههه هههالسلام عليكم
من كام سنة اتنشر موضوع في صفحة كاملة في ملحق الأهرام للسيارات. بيحكي ان فيه سفينة كانت ماشية في المحيط شايلة عربيات كورية الصنع. قامت جت عليهم موجة تسونامي و السفينة اتقلبت و غرقت في البحر بعربياتها. قام الناس جم و طلعوا العربيات دي من المحيط و نشفوها :f_eyeb1[1]: و جه واحد مستورد مصري اشترى كمية العربيات دي و نزلها السوق. و طبعا تحذير من شراء العربيات دي لأن المية المالحة اكلتها من جوة. و تحذير اشد بأن شراء عربيات من برة التوكيل ممكن يوقعك في عربية من دول.
و أصل الموضوع ده تقريبا ان كان فيه مستورد منزل جيتز بره التوكيل فقام عم غبور شاري صفحة في الأهرام في صورة موضوع و ليس اعلان و نزل فيها الإشتغالة دى.
بس اللي كان نفسي اعرفه بخصوص تطليع العربيات من المحيط ياترى كان بمعرفة الضفادع البشرية و لا اصطادوها بالسنانير.
مع تحياتي
د.عيد
المفضلات