فلوسى جمدتها كلها دولارات وأسترلينى ..محتاج نصيحة

**jackson_75** · 27-07-2014 01:32 AM

انا أشتغلت فى مجال السياحة سنين طويلة وللاسف جمدت فلوسى كلها فى الدولارات والاسترلينى .. حال السياحة فى مصر نايم جدا جدا وبقالى اكتر من سنة بسبب ركود السياحة قاعد فى البيت وكل شوية افك من الدولارات عشان أصرف وأعيش منها وللاسف البنك لايعطى عليهم فوايد زى العملات بالجنيه المصرى ولكن العكس بياخد منى فلوس عشان الحساب يفضل شغال
انا مش عارف اعمل اى مصلحة بالفلوس دى عشان اشغلها ومحتاج دخل ومصاريف للبيت نصيحتكم أعمل أيه ولا أشغلهم أزاى ؟

**foxhonda2008** · 27-07-2014 03:16 AM

اشتري خامه

**hilal** · 27-07-2014 03:47 AM

استثمرها في شراء شقة وقم بتأجيرها مفروش
قيمة الشقة تزيد والعائد من الايجار يساعد في نفقات المعيشة

**hesham fawzy h** · 27-07-2014 05:50 AM

متابع

**lolnk** · 27-07-2014 07:41 AM

معلش سؤال المبلغ قد ايه بالظبط

**KemozTanta** · 27-07-2014 09:41 AM

حولهم مصري وروح اعمل شهادة بلاتينية 3 سنين ، الدولارات خسارة تبقي معاك كدا هتصرفهم حته حته
او شوف لو تشتري شقة بيهم وتأجرها
بس الاسهل و الاضمن " حاليا " حولهم مصري من اى صرافة واعملك شهادة ب 100 الف تطلعلك عائد حوالي 900 شهرياً لمدة 3 سنين ويبقي اديك بتصرف ومش بتقرب من الاصل
لكن انك تحول وتصرف انت كدا بتضيع اصل المبلغ اللي ممكن ميتكررش لاقدر الله

**ali ashraf** · 27-07-2014 01:13 PM

المشاركة الأصلية كتبت بواسطة hilal

استثمرها في شراء شقة وقم بتأجيرها مفروش
قيمة الشقة تزيد والعائد من الايجار يساعد في نفقات المعيشة

فك الله كربك وكرب كل المصريين .........موضوع الشقة كويس لان سعر العقار يتزايد مع زيادة التضخم عيبه مشاكل الايجار المفروش و عدم الانتظام شوية و من جهة اخرى الفائدة الان على الجنيه المصري 12% و يصرف العائد كل 3 شهور يعنى مائة الف جنيه تدر 1000 جنية شهريا بس عيب الموضوع هنا ان قيمة الجنية تتاكل مع الوقت و ربنا يوفقك

**lolnk** · 27-07-2014 04:11 PM

المشاركة الأصلية كتبت بواسطة ali ashraf

فك الله كربك وكرب كل المصريين .........موضوع الشقة كويس لان سعر العقار يتزايد مع زيادة التضخم عيبه مشاكل الايجار المفروش و عدم الانتظام شوية و من جهة اخرى الفائدة الان على الجنيه المصري 12% و يصرف العائد كل 3 شهور يعنى مائة الف جنيه تدر 1000 جنية شهريا بس عيب الموضوع هنا ان قيمة الجنية تتاكل مع الوقت و ربنا يوفقك

معلش سؤال الفائده 12% موجوده فين دى ؟ اللى اعرفه 10.5% ياريت تقولى فين النسبة دى

**Batman372** · 27-07-2014 04:29 PM

اسهل الحلول و اسرعهم و اضمنهم ... كما نصحوك الاخوه بالتحويل للمصرى و عمل شهادات بفائده ...
بكدا حتضمن دخل ثابت و اصل المبلغ كما هو ... افضل من السحب من اصل المبلغ بالدولار و مش حيتعوض ...
و لو تحسبها حتلاقى ان بعد مجموع الفوائد على رأس المال حتلاقى انها افضل ( او على الاقل مثله ) من صعود سعر الدولار مقابل الجم ...
تحياتى ...

**drcobra** · 27-07-2014 04:55 PM

لو اشتريت شقة هتفضل قاعد فى البيت
وجهة نظرى المتواضعة اشترى عربية ملاكى او سياحة
اهم حاجة يكون استهلاك البنزين كويس وشغلها مع السياحة لو رجعت
او شغلها مصريين انا شايف محل اقامتك جنوب سيناء يبقى مشوار طوالى ويجيب مبلغ معقول جدا وبتخصم استهلاك البنزين واستهلاك العربية وبيطلع مكسب كويس

اهم حاجة فى المشروع ده اللسان الحلو هتلافى كل الناس عايزاك انت

عموما انا من عندى للقاهرة المسافة 600 كيلو 3 افراد بيدفعوا 400 جنية
استهلاك البنزين فى حدود 100 الى 120 جنية استهلاك العربية من كاوتش وتيل وصيانات وتمن العربية اللى بيقل مع الوقت نقول 50 جنية بمعدل 750جنية فى الشهر هتوفرهم لو اشتغلت يوم ويوم
ونقول 30 جنية شاى للعطشانين فى الكماين

يبقى صافى ربح 200 جنية يوم شغل ويوم راحة

مع اعتبار انك بتحوش من تمن العربية الجديدة اللى هتشتريها وتبيع اللى معاك بأقل من سعرها

وطبعا شغل السياحة افضل كتير من المصريين

انا عندى فى البحر الاحمر واحد عمل مليون كيلو بتيوتا كورولا وباعها بمبلغ محترم ما شاء الله

وانا شايف انسب عربية اعتمادية وبقت فخمة تويوتا كورولا مانوال 160 الف افضل صفقة
وربنا يوفقك للى فية الخير