ولا اى كورى
ولا اى كورى
أعتقد الأفيو هاتشباك افضل اختيار في ظل المطروح
ماتريكس......
لو عايز الصح ومش هتندم نيو اكسنت وانت مغمض او جيتز ولو ممكن تنتظر شوية يبقى 20 i ودة من الأخر شوف المواصفات وانت تحكن انهى ينفع بس انا جبت جيتز للمدام اوتو و فتحة سقف من اسبوع ب 83000 وبعدها قليتلى يا ريتنى كنت جيبت اكسنت
النيو اكسنت اوتوماتيك احسنهم اوتوماتيك
بس البيكانتو تمشى طالما للمدام وانت اللى هتكع ولما هتبيعها هتريحك اوى
بصراحة انا رأى مادام العربية للمادام تكون ماتريكس اختى الصغيره جبته وفعلن بتقل عليه انه عربية نص نقل لانها مع تحميل العجل والشنط فى السفر بتكون ممتاز وده رايى لشخصى
استاذ سبعاوي
انا قلت افيو ليه؟
بما ان عندنا لانوس 99 اوتوماتيك و محصلش منها اي دقة نقص بخصوص الجير بوكس و ده اهم حاجة في العربية الاوتوماتيك
1500 سي سي بحسه اول رقم معقول لعربية اوتوماتيك و الموتور 85 حصان يعني هيتعامل مع الحمولة و المطالع بشكل جيد
كما ان موتورها عمره طوييييييييييييييييييييييي ل و بسيط التركيب و بتنزل بطارية ايه سي ديلكو نضيفة قوي بصراحة
و بما ان الافيو نفس مبدأ الانوس فيما يتعلق بالنواحي دي اذن اكيد العربية هتبقى تحفة و مش هتقابلك مشاكل تقنية تتعلق بالفتيس او الموتور لمدة محترمة
المشكلة الوحيدة انها ممكن يكون سحبها ضعيف شوية خاصة في الاول "الطلعات" و لكن بعد ما تجري قشطة و تهيألي ان دي حاجة مش هتدايق المدام اصلا
قطع الغيار الداخلية 80% منها دايو لانوس ده حتى مختصرين سير الينامو و التكييف في سير واحد و طبعا قطع الانوس عند البقال
كما انني ملاحظ في الاختيارات ان فيه سيدان و هاتشباك و بصراحة انا بفضل السيدان دايما علشان وجود شنطة اكيد مفيد في حالات مش محتاج احكيلك عنها
سعر اعادة البيع: كفاية تروح تحاول تحجز افيو و هتعرف الطلب عليها ازاي
كان ممكن اقولك برضه على الماتريكس لكنها مع اختي سفاحة بنزين بطريقة مش معقولة كما ان غبور توكيل مثير للجدل و القلق و الفيرنا بالمناسبة برضه "الاوتوماتيك" مع زميلي في الشغل و باعها علشان موضوع البنزين
الأفيو حصلت على 1/5 في اختبارات الأمان euroncap, و من اللي قريته هنا في المنتدى هي كمان مشاكلها مش قليلة.
الماتريكس معتقدش انها مناسبة كعربية للمدام لأن حجمها كبير, و كمان في رينج سعرها أنا أعتقد ان فيه اختيارات أحسن زي الHonda City.
الفيرنا كويسة بس هي الAccent بشكلها القديم. أنا شخصيا مشتريش عربية مبيتصنعش منها جديد غير في مصر و الهند.
بالنسبة للi10 و البيكانتو, فهم ممتازين كحجم و سهولة قيادة و ركنة, و لكن موتورهم أعتقد انه شوية ضعيف على انهم يكونوا أوتوماتيك...
بالنسبة للi10, فهي أحدث و أحسن من البيكانتو (من أول الشكل الخارجي لغاية التابلوه و السماعات) و لكن الi10 الأوتوماتيك سعرها مبالغ فيه جدا و البيكانتو توكيلها بيدي ضمان أطول.
في الآخر القرار يرجع لك بس لو عليا أوفر فلوسي و أشتري الi10 مانيوال ب63 ألف تقريبا.
الاخ سبعاوي:
طبعا لو هتقرص على نفسك في اختيارات كتير زي او احلا من الماتركس
احسن تقرص بس مش أووي وهات النيو اكسنت لو شكلها مقبول بالنسبه للمدام ولو مش مقبول خليك في الجيتز والافضل متنزلشي عن 1500 سي سي في الاوتوماتك.
انا عارف ان من واقع خبرتك الطويله مش مستني مشاركتنا بس انا قلت أساعد
ويا ريت تقولنا رسيت على ايه في الاخر.