السلام عليكم
كل سنة وانتوا طيبين يا شباب...
عاوز اشترى عربية جديدة وبفكر فى البيرسونا او افيو او كيا ريو بس بصراحة انا ميال للبيرسونا بس انا سمعت عن مساوئ التوكيل وسعرها فى البيع واقع جدا وصعبة البيع....
وهل الاحسن انى اجيب عربية زيرو ولا اجيب حاجة مستعمل زى البولو مثلا لانى اول مرة اسوق عربية فخايف اجيب زيرو الصراحة
ياريت الاقى اجابات مفيدة ومقنعة لانى متردد جدا جدا
وهل البيرسونا احسن ولا الجين 2 ؟؟؟
و حضرتك طيب
بالنسبة للمقارنة بين الريو و البيرسونا البيرسونا افضل و الافيو لا تقارن بالبيرسونا
مشكلة إعادة مش هقول مفيش فيها مشكلة لكن زيها زي عربيات محترمة كتير اوي سعرها بينزل وقت البيع و إن كانت البروتون سعرها وقت البيع بدأ يعلي.
التوكيل للأسف زيه زي كتير دلوقتي في مصر و قطع الغيار اللي بتتأخر بتيجي بالحجز.
بالنسبة لأن حضرتك بتسوق جديد في حاجة من الاتنين لو جبت عربية زيرو تكون مأمن عليها او تجيب فيرنا او لانوس مستعمل تسوقها كام شهر لحد ما تتعود عليها و بعد كدة هتبيعها بنفس سعرها و تجيب عربية زيرو بعدها.
الفرق بين الجين 2 و البيرسونا
شكل الاكصدامات مختلف في الاتنين
اكر الابواب في البيرسونا لونها لون النيكل و الجين بنفس لون العربية
عدادت البيرسونا بتنور علي طول عكس الجين 2
عدادات الجين 2 برتقاني و البيرسونا ابيضx احمر.الrpm ماشي 10 20 في الجين2 و في البيرسونا 1 2.
جنوط البيرسونا و الجين 2 مختلفين
البيرسونا شنطتها اكبر شوية و اوسع عن الجين 2(حضرتك تقدر تشوفها بنفسك لاني محستش بفرق كبير في الحتة دي)
غير الكدة الاتنين واحد في كل حاجة شاسيه و عفشة و موتور و فرامل و فتيس حتي قطع الغيار الميكانيكية واحدة.
بالتوفيق.
أنا مع رأي الأخ عمر في إنك تجيب حاجة مستعملة الأول لانوس أو فيرنا تتعلم عليها وتتعود عليها كويس وبعد كام شهر ممكن تجيب زيرو
مشكور يا استاذ عمر وعيد سعيد عليك
المبلغ بتاع المقدم ميجيبش لانوس ولا فيرنا دول 28 الف
لو تدخل النيو لوجان في المقارنة متأكد انها هتتفوق عليهم كسعر و امكانيات
الافيو مينفعش تبقى مع الريو ولا البرسونا .. بس انا بفضل عربية مستعملة اياً كان السبب لان الاسعار في الزيرو كتير اوي على عربيات كانت بتتباع في يوم من الايام ب 80 الف زي البيرسونا وطبعاً مع بعض الاختلافات بين الموديلات الجديدة والقديمة بس مش اختلافات جوهرية
البولو حلوة وحاجتها رخيصة زي الابيزا ومنتشرة بردو في الحرفيين ولو جبتها هتبيعها بعد كدة تقريباً بنفس السعر
لعلمك الفئة بتاعت البيرسونا مفيهاش عربية تستاهل تتجاب غير الجين2 والبرسونا .. ولا تقولي بيجو 301 "مع اني كنت معجب بيها" ولا الصني الهندي ولا الاتراج .. كله بلح
تصدق و تؤمن بالله ....حضرتك قولت حجات اول مرة اخد بالي منها :) مه تنى بركز قوى فى الفروقات :)اقتباس:
المشاركة الأصلية كتبت بواسطة omar mahmoud
مابلاش موضوع اللوجان ده :)اقتباس:
المشاركة الأصلية كتبت بواسطة amr axel
انا كان معايا سانديرو 2011 و الفروقات واسعة شوية بين البيرسونا و السانديرو :) .....اوعى تقولى ان ديه شكل جديد :) هيا اه شكل جديد من بره لكن الاساسيات واحد موتور و فتيس و عفشة :) من راى توكيل رينو بيلعب على وتر الاوبشن و الكماليات و ناسي الاساس :)
شيل الافيو من المقارنة
حاضر :)اقتباس:
المشاركة الأصلية كتبت بواسطة S O P H O S