-
مشاكل مشاكل النترا 2006
السلام عليكم ورحمة الله وبركاته
كل عام وانتم بخير وعيد فطر سعيد عليكم وربنا يتقبل منا طاعتنا في رمضان
الحكاية من اولها اني اشتريت النترا 2006 من اخر مايو 2014 وبعد ما اشتريتها بدأت رحلة التظبيط العادية تغيير سيور وزيت موتور وزودت زيت فرامل وغيرت بوجيهات ومساعدين ورا ومقصات قدام ولقيت ان عداد السرعة مهيس ظبطه وباشغل التكييف لقيت مفيش خالص هوا سخن وبس ودورت عشان اعرف فيه ايه وطلع كومبروسور وسرنتينة وحساس تكييف عادي غيرت وتمام
وسافرت بيها اول مرة للغردقة وكانت سفرية جميلة اولا حربت العربية في الجري وكانت ما شاء ثابتة وصلت بيها 170 والعربية كومبليت والتكييف شغال وكان لسه ممكن تجيب تاني لولا ان المدام خافت وبعد ما هديت علي طول فوجئت بكسر حجارة علي الارض يادوب فاديته بالعافية بس فردة الكاوتش ضربت مش مشكلة فضلت ماشي بالراحة علي الاستبن لغاية راس غارب وهناك اشتريت فردتين جداد وتمام لسه ماشي شوية المدام زقت عصاية الفتيس (اوتوماتيك) جابته علي n والعربية صوتها علي ومهيسة اخر حاجة طفيت ووقفت شوية عقلت وهديت ورجعت زي ماكانت طبعا اليوم ده وصلنا الساعة 3 العصر بعد كل المغامرات دي
هناك بعد يومين اكتشفت ان عداد البنزين كمان مهيس مابينزلش عن الربع ولا لمبة البنزين بتنور
اخر المشاكل واحدثها غريت الزيت وحطيت توتال 9000 تخليقي في الاول العربية بقت اهدي ومابتاخدش وقت انها تسخن وصوتها يهدي بس فجأه لقيت مؤشر الحرارة بيهيس هو كمان يطلع ل3/4 وينزل تاني تحت النص لوحده بدون اي حاجة وممكن اطفي العربية وادور تاني في اقل من نص دقيقة الاقي الحرارة نزلت تحت النص بابص علي الزيت لقيته ناقص اكتر من نصه روحت للميكانيكي حكيتله قالي تلاقيه الزيت كان مضروب مع اني مغير في بنزينة توتال روحت جبت زيت تاني شل 5000 وغيرت الزيت ونظفت البوجيهات بس بردو المشكلة لسه زي ما هي مش عارف هل ده من مؤشر الحرارة بس يعني اروح لبتاع العدادات يظبطه هو والبنزين ولا حاجة تانية مع العلم ان مياه الرادياتير زي ماهي مانقصتش خالص وكنت عاملها دورة غسيل وحاطط مياه خضرا
معلومة العربية مغيره موتور بموتور فيرنا ويمكن ده يكون احد اسباب تهييس الفتيس مع الموتور لأنه بيعمل حاججات غريبة اخرها اول امبارح كنت رايح المطار وعمل كيك داون عادي لقيت العربية صوتها علي اوي وكأن دواسة البنزين علقت بقت اكني دايس عليها علي طول وقفت ودوست عليها بايدي بعد ماطفيت طبعا وشديتها عقلت وهديت عادي خالص
عاوز حد يقلي اعمل ايه في موضوع السخونية ده وعاوز اروح لحد شاطر يشوفلي حل لموضوع الموتور مع الفتيس مع العلم اني من حلوان
كل سنة وانتوا طيبين
-
ايه يا جماعة كل سنة وانتوا طيبين لغاية دلوقتي مفيش اي رد
-
انت باللي دفعنه عليها ده كنت تجيب واحده جديده اسهلك :d :d ..
العموم مبروووك ^_^ السخونيه دي اعمل اتشيك علي الماسورة الميه للماتور
-
Content Relevant URLs by
vBSEO 3.6.0 PL2