واحد اتقدم لخطبة اختك . تسأل عنة ازاي ؟

**zorg** · 28-07-2014 02:15 PM

اللى بيقوله بيبان من الاول على فكرة مفيش حاجة بتبان احنا فى زمن الناس فيه ب100 وش

**r0xer** · 28-07-2014 02:51 PM

المشاركة الأصلية كتبت بواسطة ahmed1981

الأول بتسأله هو نفسه عن نفسه
بطريقة ظريفة مش إستجواب

وبعدين بتاخد عنوان بيته وشغله

وتسأل عليه عند بيته وفي الجامع جنب بيته
وتروح شغله تسأل عليه زمايله

بس خللي الموضوع خفي شوية

أحياناً بينفع لو هو إنسان متدين وفاهم
ممكن تسأله مباشرة أسأل مين عليك
ويديك نمرة صديقه اللي تسأل عليه
وطبعاً دي حاجة نادرة
ولو حصل روح قابل صديقه ده وهتعرف منه كتير

تسأل على إيه ؟؟
الدين والخلق
أساسيات الدين ومجمل الأخلاق

الأخلاق أهم حاجة
ممكن واحدة تتجوز واحد بيصوم النهار ويقوم الليل
لكن متكبر أو بخيل أو لسانه زفر
الحياة لن تمر بسلام

يمكن الموضوع ده يفيدك

http://www.nilemotors.net/nile/311855-a.html

اكتر شخصية احتارت فيها في الموقع دا هو انت يابشمهندس احمد.. :d

تحياتي ليك وللمشاركة الجميلة دي وفعلا دي خير نصيحة..

**zorg** · 28-07-2014 02:51 PM

صراحة موضوع جميل بس برضه مثلا يعنى الواحد هيمشى فى الشارع وعند الجامع ويسئل وخلاص مالواحد كده شكله هيبقى وحش وبعدين هسال مين فى الشارع او الجامع وبعدين ممكن ميكونوش يعرفه حاجة عنه ولو سئلت الجيران ولا البواب ممكن ميقولوش الحقيقة او يبقوا حاقدين عليه فيقولوا حاجة تضر والعمل نفس القصة

**al_manara** · 28-07-2014 04:43 PM

شكرا جزيلا لك من شارك .

فهمت من اجابتكم ان السؤال بيكون قبل قرائة الفاتحة .

ثانيا في الايام دي الجيران ماتعرفش حاجة عن بعضها للاسف كل واحد قافل علي نفسة ومحدش لية دعوة بالتاني
ممكن تختلف لو في حي شعبي بيكون السؤال فية اسهل لان ناس كتير تعرف بعضها .
خلينا نقول لو المعادي او مدينة نصر او اي حي جديد . تقريبا محدش يعرف حد .
(احتمال الوصول لمعلومة هايكون صعب)

ثالثا العمل ياتري تسال الناس الموجودة معاة في المكتب ؟ ممكن يكونوا اصحابة وحبايبة ويقولوا هانعمل معاة الواجب ونقول انة تمام .
وممكن يكون فيهم حد عامل معاة مشكلة ويقولك دة اخلاقة ا معاملتة زفت .
(يعني احتمال اني اوصل لمعلومة صحيحة مش سهل او اكيد )

**waleed0** · 28-07-2014 09:28 PM

اقعد معاه كذا مره واختبره في الكلام وشوف ردود افعاله ويستحسن تاخد راي حد يكون بيعرف يحكم علي الناس كويس , في ناس عنده الخبرة فى المواضيع دي وتقدر تعرف شخصية اللي ادامها من اول جلسه .

**al_manara** · 30-07-2014 06:45 AM

شكرا لكل من شارك .

لو حد عندة معلومة جديدة ياريت يفيدنا

**S O P H O S** · 07-08-2014 09:36 PM

شايف الاخوة قالوا اراء مناسبة
يعني تقعد معاه وتحاول تتكلم الكلام هيبين الشخصية شوية
وتكمل بالسؤال عنه عند البيت وفالعمل تحديدا والخير مش بيروح
يعني اذا كان شخص طيب هيبان وربنا يوفقك فناس تقولك الحقيقة