** محتاج راي " بنات و سيدات " المنتدى في هدية لو سمحتم :) **

السلام عليكم ,

عيد ميلاد خطيبتي كمان اسبوع و بصراحة الموبايل الي معاها خلاص بينتحر ..Siemens قديم اوي كدة و نص الحاجات الي فيه بايظة بس هي من النوع القنوع اوي بتقاوح !

فنا عايز اشتري موبايل جديد ليها بس مشكلتي اني بحكم قعدتي قدام الكومبيوترات و الالكترونيات مبقدرش اشتري حاجة لحد اللا لما تكون متوافقة مع شروطي انا ! حتى لو حاجة هي مش حتسخدمها ...

فبصراحة احترت جامد جدا .. و مبفتش عارف اشتري انهي موبايل ..

هل اشتري حاجة شكلها بناتي و خلاص بس مميزاتها عادية ؟

و لا اشتري موبايل عادي مش بناتي اوي بس متفوق في كل امكانياته ؟

السعر مش مهم اوي يعني .

ايه رايكم !

معلش عارف انه موضوع تافه اوي بس مش لاقي حد يساعدني خالص :P

انا حاليا محتار مابين

http://www.itechnews.net/wp-content/...lide-phone.jpgNokia 3600 Slide

Sony Ericksson K810
http://www.esato.com/gfx/news/img/K8...lden_Ivory.jpg


هل حد عنده اقتراحات اخرى ؟

اولا كل سنة وانت وهى طيبين وعقبال فرحكم
انا رأييى النوكيا النبيتى اشيك وراقى
شوف بقى رأى باقى البنات

ana ely ba7'od baly meno en l banat by7ebo el hagat el slide aw el mobilat ely btfta7 be bab we kda
fana shayf bardo en el slide helw awy

bas ka mobile ana m3aya el k810, mobile to7fa we zy el fol we gamel awy awy awy

Try to get her a new mobile diffrent in the design from the old siemens that she got

If she have a sliding mobile get her a Slim bar mobile

If she got a Bar mobile get her a sliding one (But also slim)

I got my wife K800i and there is another one k770i which is similar to K810 exactly but slimmer.

N76 النبيتي :thumbsup:

كل سنه وهى طيبه

انت بتشترى التليفون على حسب احتياجاتها هى لو امكانياته عاليه وهى استخدامها للتليفون عادى مجرد مكالمات ورسائل يبقى متجبش جهاز مواصفاته عاليه لانها مش هتستفيد منه

هفيدك فى النوكيا بس لانى استخدمت كل موديلات نوكيا لحد ان 95
بص الاجهزه العمليه والشيك والبناتى من تجربتى

اولا ابعد عن اى تليفون شاشته منزلقه بعد كم شهر الشاشه ذى ما تقول بتنعم وبيقى وحش

وابعد عن n 76 بعد اسبوع لوحه المفاتيح بتاعته وقعت وسيئ جدا جدا

ارشح لك موديلاتها حجمها صغير وعجبتنى جدا فى استخدامها
3500 الكلاسك صوته فى الميوزك عالى جدا وامكانياتها حلوه
6131 بيتفتح بزرار من الجنب صغير وعملى
6300 السلفر خفيف ورقيق جدا بس بطاريته ساعتين كلام وتفضى
6500 الجولد
6120 فيه كفر الوان روز وجولد تحفه ونبيتى واسود الجولد والروز فيه تحفه
n 72 اللون الروز جهاز تحفه جهاز هائل
n73الميوزك ده جهاز معمر يخربيته ولا بيبوظ وكل امكانياتها حلوه جدا


وده ويب سايت تشوف منه الاسعار لو حبيت

اتفــــــضل

Thanks alot
بجد شكرا جدا لاهتمامكم .

انا حاليا حاطط ال3600 SLIDE في المقدمة .

بس المشكلة ان كان نفسي انا و هي نجرب ال3g Video Calls

بس 3600 مفيهوش :(

في حطيت ال k770 امامه
موبايل متكامل تقريبا - شكله ظريف و في الوان تنفع بنات منه .

حشوف بقى الموقع بتاع دموع الثلج ( الف شكر بالمناسبة - موقع هائل ).

اجمل هديه للبنت
الدهب

خاتم
محبس
حلق
عليقه


هو دي اللي بيخليها مبسوطه

اقتباس:

---

المشاركة الأصلية كتبت بواسطة ahmodium

اجمل هديه للبنت
الدهب

خاتم
محبس
حلق
عليقه


هو دي اللي بيخليها مبسوطه

---

شكلك متجوووووووز
نييييييييهههههههههههههههه هه
:k41::k41::k41:

اقتباس:

---

المشاركة الأصلية كتبت بواسطة ahmodium

اجمل هديه للبنت
الدهب

خاتم
محبس
حلق
عليقه


هو دي اللي بيخليها مبسوطه

---

ده صحيح بس مش في حالة خطيبتي انا لانها لابسة الدبلة بس و قالعة حتى " المحبس " علشان بتكره الدهب و الاكسسوارات .

الهدية عنها هي " شيء كان ناقص او مطلوب " .

الحمد الله .. واحدة ست مختلفة اخيرا XD

.

كريم تعالي هنا !! دخلت هنا يبقى طول راي ! انا بحذرك ! :winkiss:

ده جميل يا كريم خصوصا موضوع الشاشة اللي في الخارج دي جامده بجد

http://img.gsmarena.com/vv/pics/sony...on-z750-00.jpg

اقتباس:

---

المشاركة الأصلية كتبت بواسطة أبو عبدالله

ده جميل يا كريم خصوصا موضوع الشاشة اللي في الخارج دي جامده بجد

http://img.gsmarena.com/vv/pics/sony...on-z750-00.jpg

---

الموبايل ده فعلاَ شكله حلو و بناتي يا كريم
و كمان موبايلات سوني إريكسون محترمة أوي

و كل سنة و إنت و خطيبتك طيبين

انا كمان شايف ان السامسونج متفوق اليومين دول عشان هو الوحيد في مصر دلوقتي كوري

و النوكيا و السوني اريكسون صيني

ز موديلاته كتير جدا و شيك

خش اتفرج عليهم هنا http://mea.samsungmobile.com/ARB/pro...00000000000001

و ربنا يوفقك

حلو مووووووووووووووت السونى اركيسون اللى حاطه ابو عبد الله بجد شكله تحفة و انا بعشق اى حاجة سوني اركسون و بطاريتها فعلا اجمد بكتيييييير من نوكيا

بس هو لازم موبايل؟؟ اصل انا ماليش اوى فى الموبايلات و التكنولوجيا عشان كدة موش هتبسط اوى بموبايل لو جالى هدية!!

يعني لو بالنسبة لي لو حد جابلي perfume في set كدة مع body lotion و ( مش او :biggrin24: ) ساعة حلوة كدة guess ولا حاجة و بجد منزلين شوية حاجات تهبل اليومين دول بجد اتعقدت و يا سلام بقا لو معاها شنطة و جزمة من charles & keith :biggrin24:

اقتباس:

---

المشاركة الأصلية كتبت بواسطة Noha.M

( مش او :biggrin24: )و يا سلام بقا لو معاها شنطة و جزمة من charles & keith :biggrin24:

---

:D:D:D:D

أحلي حاجة في البنات .. القناعة :D

اقتباس:

---

المشاركة الأصلية كتبت بواسطة MoToRiZeR

:D:D:D:D

أحلي حاجة في البنات .. القناعة :D

---

هههههههههههههههههههه

انا بعترف بصراااااااااحة انى قنوووعة جدا و محمود يشهد :rofl4:

اقتباس:

---

المشاركة الأصلية كتبت بواسطة Noha.M

يعني لو بالنسبة لي لو حد جابلي perfume في set كدة مع body lotion و ( مش او :biggrin24: ) ساعة حلوة كدة guess ولا حاجة و بجد منزلين شوية حاجات تهبل اليومين دول بجد اتعقدت و يا سلام بقا لو معاها شنطة و جزمة من charles & keith :biggrin24:

---

الله يكون في عونك يا محمود باشا :)

اقتباس:

---

المشاركة الأصلية كتبت بواسطة Mohamed_ElNaggar

الله يكون في عونك يا محمود باشا :)

---

والله بهزر مش اوى كدة يعني :D

بعدين واخد صفه ليه يعني ولا عشان رجالة زى بعض :pissedoff:

بس بجد والله انا مبتفرقش معايا الحاجات دى والله :) و ممكن اجيبلك محمد يقوللك بنفسه

انى مش بدق فى الحاجات دى ولا بتفرق معايا :) بس اهو الواحد بيحلم شوية :D

اقتباس:

---

المشاركة الأصلية كتبت بواسطة دموع الثلج

وابعد عن n 76 بعد اسبوع لوحه المفاتيح بتاعته وقعت وسيئ جدا جدا [/URL]

---

على فكرة الموبيل n76 مع اختي بقاله اكتر من سنة و ما شاء الله عليه مجارالوش اي حاجة .. و أكيد لو كان مش كويس مكنتش هقول عليه اصلا ..

اقتباس:

---

المشاركة الأصلية كتبت بواسطة roadmaster

على فكرة الموبيل n76 مع اختي بقاله اكتر من سنة و ما شاء الله عليه مجارالوش اي حاجة .. و أكيد لو كان مش كويس مكنتش هقول عليه اصلا ..

---

والدى عنده محلات موبيلات فى السعوديه
واى تليفون ينزل لازم اجربه ا76 الاحمر كنت هموت اول ما وصلنى اسبوع ولوحه الارقام كانت واقعه فى الارض واتغير شكله بقى كانه موبيل ميكانيكى بعته ساعته 1500 تدبيسه :D:D:D لصاحبتى

اقتباس:

---

المشاركة الأصلية كتبت بواسطة CryptonX

كريم تعالي هنا !! دخلت هنا يبقى طول راي ! انا بحذرك ! :winkiss:

---

يا كيمو مقدرش ماقولش
بس انا رايي هايبقى مختلف شوية
انا بشوف ان اجمل هدية هيا حاجتين
حاجة الشخص المهدى اليهيكون محتاجها
وفي الحالة دي مثلا موبيال ب 500 جنية احسن من لاب توب مش محتاجاهة ب 4000 جنية
تاني حاجة في الهدية تكون تفصيل
ايون يعني حاجة وانا بختارها ابقى شايف فيها نفسي وشايف فيها الشخص اللي رايحالة قوي
ابقى حاسه فيها
شوية فلسفة بس انا كدة
يعني ممكن اتعب قوي لغاية ماعمل بروش لمراتي مثلا بفصوص معينة وشكل معين
او انقي خاتم يكون بشكل معين واغير الحجر براحتي بعدين واطلب انه يكون مشطوف من كذا جنب عشان يدي انعكاس معين
المهم اللي قدامك يقدر
وخد من كلام نهى حكمة
الستات لا يتميزن بالقناعة اطلاقا حتى لو قالو عكس كدة
دي طبيعة يا حبيبي
انا كنت لسه جايب هدية لمراتي التليفون ده
http://www.gsmarena.com/lg_kg800-pictures-1533.php
بيسموة في مصر شوكلات ورغم انه اصدار قديم شوية لكن هو امكانياتة مكفياها قوي لكن بيتميز بشكل هايل والزراير لمس وكان اكتر حاجة عاجباها انها ضامنه ان محدش غيرها ماسكة :D:D
تميز وانفراد

هو ده قصدي فحاول تدور على حاجة مميزة ومع البنات صدقني محدش بيستعمل امكانيات اهم حاجة شكل شيك وانيق ولايق على الهدوم
نيييييههههههههههههههههههه ههه

الف شكر ليكم كلكم و منك لله يا نها :)

السنة الي فاتت فكرت في فكرة هايلة و عملتلها كارت كريدت كارد فيه 1000 جنيه تعمل الي هي عايزاه بيهم

خلصتهم بازازتين برفان من محل " مزايا " في سيتي ستارز و اعدت ادعي علي كل مصممين الازياء و البرفانات في العالم .

ابو عبد الله _
الف شكر يا اخي
ال Z610 انا بحبه لانه كان معايا اصلا :) و فعلا موبايل ظريف جدا و سعره حاليا كمان ممتاز ! حشوف كدة لو عرفت اجيب K770 احمر .. يبقى كان بها معرفتش يبقى الZ610 او حنط علي LG .

كريم فهمت قصدك .. علشان فعلا الواحد ساعات بيجيب هدايا انت متخيل انها " احسن مافي الارض " و لكن مستقبل الهدية مش فارق معاه اذا كان فيها قمر صناعي كامل مبني فيه علي اد مثلا اذا شكله بيمشي مع اللبس ولا لآ :) .

بالنسبة للشكولات انا كنت حجيبه لنفسي اصلا .. و علي فكرة موبايلات LG ماهي الا موبايلات سامسونج ولكن مصممة من LG بخصائص و موديلات مختلفة ..

يعني لو مراتك صورت صورة بال LG حتكون صورة من كاميرا سامسونج برده يا كريم XD
lol

انا شفت موبايل LG في اعلانات السينما في سيتي ستارز بينور كدة وبيلعب مع الموسيقى و حركات كدة ... ممكن ابقى اشوفه .

الف شكر ليكم جميعا علي اهتمامكم و امنياتكم اللطيفة :)

بس اصله ده اول عيد ميلاد ليها و احنا مخطوبين و انا مهتم اوي بيه .

ربنا يوفقكم في الخير جميعا .
--------------

انت ششششششششاغل نفسك بالموبيلات ليه اختصر الطريق الى قلبها

وخدها وانزل على اى فرع من محـــــــلات دمــــــــــاس وصدقنى هى هتدعيلى

بس اوعى انت تدعى عليا


البنات لو بيكرهوا الذهب والالماس موت بس بيحبوا يحتفظوا بيهم اسالنى انا

اقتباس:

---

المشاركة الأصلية كتبت بواسطة دموع الثلج

انت ششششششششاغل نفسك بالموبيلات ليه اختصر الطريق الى قلبها

وخدها وانزل على اى فرع من محـــــــلات دمــــــــــاس وصدقنى هى هتدعيلى

بس اوعى انت تدعى عليا


البنات لو بيكرهوا الذهب والالماس موت بس بيحبوا يحتفظوا بيهم اسالنى انا

---

Shaklik hatfalseeeeh :):)

Kidding ;)

اقتباس:

---

المشاركة الأصلية كتبت بواسطة CryptonX

الف شكر ليكم كلكم و منك لله يا نها :)

السنة الي فاتت فكرت في فكرة هايلة و عملتلها كارت كريدت كارد فيه 1000 جنيه تعمل الي هي عايزاه بيهم

خلصتهم بازازتين برفان من محل " مزايا " في سيتي ستارز و اعدت ادعي علي كل مصممين الازياء و البرفانات في العالم .

--------------

---

انا عاوزة بس اخدم يا كرييم :D

بس والله سيبك من الموبايلات خسارة الفلوس فيها و كل شوية تخسر و موضتها تقدم :pissedoff:

بجد شوف فى guess شوية ساعات تهبل .يعني في واحدة كدة هي لونها دهبي و فيها فصوص لولي و شفتها فى كارفور المعادى . بص هي شبه اللى في الصورة دى بظبط بس بدل ما هي silver coated هي gold coated فعاملة contrast احلى مع اللولي
http://s157581767.onlinehome.us/exte...30L1_large.jpg

wdi kanet bkaaam ??

اقتباس:

---

المشاركة الأصلية كتبت بواسطة askoda

wdi kanet bkaaam ??

---

لا والله مسالتش يا اسكودا بس ان شاء الله هبقي اسأل

____________________

متنسااااااااش يا كرييييييييييم تقولنا عملت ايه و جبت هدية ايه اصل انا بحب الحاجات دى اوى :Dبس بليز يا كريم اهتم بعنصر المفاجاة و الحركات و الحبشتكنات :Dعشان بتبقي احلى من الهدية نفسها :sweatdrop:

اقتباس:

---

المشاركة الأصلية كتبت بواسطة Noha.M

انا عاوزة بس اخدم يا كرييم :D

بس والله سيبك من الموبايلات خسارة الفلوس فيها و كل شوية تخسر و موضتها تقدم :pissedoff:

بجد شوف فى guess شوية ساعات تهبل .يعني في واحدة كدة هي لونها دهبي و فيها فصوص لولي و شفتها فى كارفور المعادى . بص هي شبه اللى في الصورة دى بظبط بس بدل ما هي silver coated هي gold coated فعاملة contrast احلى مع اللولي

---

حلوة اوي الساعة بجد شكرا يا نها .
انا كدة احترت !!

اقتباس:

---

المشاركة الأصلية كتبت بواسطة دموع الثلج

انت ششششششششاغل نفسك بالموبيلات ليه اختصر الطريق الى قلبها

وخدها وانزل على اى فرع من محـــــــلات دمــــــــــاس وصدقنى هى هتدعيلى

بس اوعى انت تدعى عليا


البنات لو بيكرهوا الذهب والالماس موت بس بيحبوا يحتفظوا بيهم اسالنى انا

---

صدقيني انا مصدقك :)
بس المشكة بجد اني لو جبتلها دهب مش حتلبسه !!

دي لابسة الدبلة بالعافية و قلعت المحبس كمان :P

اقوم اجبلها دهب تاني !!

اقتباس:

---

المشاركة الأصلية كتبت بواسطة Noha.M

لا والله مسالتش يا اسكودا بس ان شاء الله هبقي اسأل

____________________

متنسااااااااش يا كرييييييييييم تقولنا عملت ايه و جبت هدية ايه اصل انا بحب الحاجات دى اوى :Dبس بليز يا كريم اهتم بعنصر المفاجاة و الحركات و الحبشتكنات :Dعشان بتبقي احلى من الهدية نفسها :sweatdrop:

---

اه ماهي خبيرة في الحاجات دي ... انا الحمد الله عندي مساعدين كتير ( اخواتها 3 بنات ) XD .

بصوا انا اخر مازهقت حاخد ال 3 بنات كلهم ووريهم كل الاختيارات اذا كانت ساعة - موبايل او دهب .

و هما ينقولي بقى .. وانا عليا ادفع ! كالعادة ...

الف شكر ليكم مرة تانية و حبقى احط صور الهدية الي اشترتها :) .

اقتباس:

---

المشاركة الأصلية كتبت بواسطة CryptonX

الف شكر ليكم مرة تانية و حبقى احط صور الهدية الي اشترتها :) .

---

اهه حتي بعد الجواز تفكرها بيها و تكون دليل مثبت للأبد علي صفحات النت

انا رأيي تكون عملي

و توفر الفلوس لتجهيزات الشقة

تروح تدفعهم مقدم للموبيليا :k18::k48::k5:

اقتباس:

---

المشاركة الأصلية كتبت بواسطة Ahmed Anwer

تروح تدفعهم مقدم للموبيليا :k18::k48::k5:

---

لأ
انسى :)
:k5:

صعب جدا جدا تلاقي موبيلات أشيك من موتورولا!!!
و ده مثال Moto RAZRV3i Dolce&Gabbana

أولا كل سنة وانتوا مع بعض باذن الله

بص يا باشا
كلام كريم عجبني جدا بصراحه
فعلا المهم الحاجه والاحتياج لشئ بصرف النظر عن قيمته
وصدقني اي حاجه منك هتعجبها :)

بس اجمالا
انا عاجبني الموبايل اللي ابو عبد الله اختاره
وعلى فكره انا معايا سوني اريكسون
وفعلا موبايل محترم وبتحس انه مميز

ولو نوكيا
اعتقد اللي مناسب
n 72 اللون الروز جهاز تحفه جهاز هائل زي ما دموع قالت

تحياتي

انا من راي موتورولا من افضل الشركات اللي بتصنع موبيلات نسائية و ارشحلك موتورازر او v3i بجد العدتين دول تحفة بجد الرازر مع اختي و v3i مع واحد صاحبي

لو عايز سوني اريكسون يبقى اللي حطه ابو عبدالله شكله في الحقيقة احلى بجد

لو عايز سامسونج u700 بجد تحفة

لو نوكيا يبقى اللي انت حطه 3600 slide

اتمنى اني اكون افدتك بخبرتي المتواضعة في المجال

الk810 شكله وحش وانا كنت هجيبه بس لما شفته في الحقيقة معجبنيش رحت جايب الموديل اللي قبله k800 شكله احلى و نفس الامكانيات

اقتباس:

---

المشاركة الأصلية كتبت بواسطة Mohamed-Saoud

صعب جدا جدا تلاقي موبيلات أشيك من موتورولا!!!
و ده مثال Moto RAZRV3i Dolce&Gabbana

---

http://www.postimage.org/Pq2c9u1i.jpg

الف شكر يا جماعة علي الردود ..

العيد ميلاد يوم الخميس ( بكرة تقريبا ) .

و انا لسة مشترتش الموبايل .. و بقيت محتاس جدا ...

حاليا اختيارتي كالاتي :

- Nokia 3600 Slide
Sony Erickson Z750i
Motorola U9
LG KF510

النوكيا " اضمن " اختيار علشان سهل جدا و كل كماليته متوفرة و لكن اغلسهم شكللا ! و كاميرا 3.15

يليه السوني اريكسون - اعتنادية علية و شكل شيك جدا و لكنه قديم اوي ( سنتين )

يليه ال LG شكله رهههههههههههههيب و Touchpad ومش عارف ايه و كاميرا 3.15 بس ال Software بتاعه غبي جدا ...

الموتورلا بصراحة انا عمري ماجرته بس ال U9 ده شبه ال Z750i بس غير كدة ملوش اي لازمة

الMotorla D&G ظريف ... بس المدام بتكره الدهب اصلا