السلام عليكم
الحقيقه دي اول مرة ليا اشارك في منتدى سيارات
انا اشتريت سي ال ايه سبورت ب 437 والحقيقه انا معرفش هل ده مناسب او كتير لكن لما رحت الوكيل قاللي الاستلام 25/2/2016 فكان سبب ادعى اني ادفع اوفر برايس واجبها
انا عندي عربيتين تاني وهي سيراتو كوبيه و كيا سبورتاج ودي كانت اول تجربه ليا مع الالماني
السيارة باختصار كمميزات وعيوب
1-شكل السيارة الخارجي اكثر من رائئع الحقيقه وهم وبرستيج الناس اللي بتحب المنظره العربيه دي هترضي غروره
2-السيارة من الداخل تقدر تقول متوسطه الفخامه لكن اكثر ما يميزها الكاسيت و الثبات على السرعات التكييف ممتاز
3-الكنبه الخلفيه ضيقه جدا جدا باختصار لو واحد طويل مش هيقدر يقعد حتى وان كانت فئه الكوبيه منا معايا السيراتو والكرسيين اللي ورا واسعين
4-الشئ الملاحظ اني بحس بمطبات الهوا على الطريق كاني راكب السيراتو الموضوع ضايقني الجنط 18 بالمناسبه واحد اصدقائي كان راكب ورا وكنت بجري على الدائري واتبهدل
5- اخيرا هسالكم النصيحه انا عرضت السيارة للبيع هي مشيت 1000 كيلو بالمناسبه اعاده البيع لللسيلرة ممتازه ممكن اشتري ايه لحد 500 الف ويكون ارقى من سي ال ايه