عاملة 118 الف و العربية ممتازة علي فكرة
عرض للطباعة
ماتدخلش دماغك دي ليها شقين الاول انك خايف من الصيني و التاني انها مترضيش طموحاتك ومن الناحية التانية انا اضمن انها هتعجبك انما الجزء الاول دة يرجع ليك وبصراحة امبارح بتمشي في البلد لاقيت واحدة سيلفر قدامي ماشية بسم الله ما شاء الله قلت في دماغي يارتني كنت اشتريت التيجو وجيت علي نفسي شوية وجبتها وبعدين قلت الحمد لله علي النصيب ولما ربنا يكرم هبقي اجيب الموديل الي هينزل جديد منها
العربية حلوة وعملية value for money تكون معاك عربية SUV بسعر معقول وامكانيات حلوة واستهلاك اقل بكتير من العربيات الكبيرة الى معاهم شيروكي بيجيبوا التيجو للمشاوير الكتير عشان توفير البنزين 3700 من 1600 بنزين بيطير وهوا نفس المشوار انا مع قريبي موديل 2009 وعربية ممتازة . وبالنسبة للشكل الجديد جميل واحلى من القديم بس طبعا السعر غالي وهيغلى عرض وطلب والايام الى داخلين عليها ربنا يسترها وان شاء الله ربنا يوفقك للاختيار الأنسب يا أ/ هيثم . تحياتي.
الله المستعان
انا بصراحة شايفها عربيه جميلة جدا ... انا والدي جابها من الزيرو 2010 ... و انا اللي كنت نصحته بيها ... و بعد التجربة معاه لاقيتها كويسه خصوصا ان معاملته للعربيه بتكون غير أدميه ... يعني ينقل بضاعة او ينقل عمال و كده ... و بعدها اتكلت على الله و جبت واحده نفس الموديل بالظبط 2010 لكن حالتها أحسن ... جبتها من شهر 5 و كانت عامله 18000 كم يعني زيرو ... و بصراحة مريحاني جدا
العربية فعلا صفقة رابحة للي هيقتنيها بس الأهم تحافظ على الصيانات
و ربنا يوفقك يا باشا