المشاركة الأصلية كتبت بواسطة almohaor
نسيت اقول لك ان فيه خطأ فنى كبير فى تركيب الوحدة الخارجية
وصلات مواسير التبريد العجلاتى اللى ركب لك الجهاز مررها من وراء الحامل والجهاز وده اكبر خطأ لانها بكده ملاصقة لسربنتينة التبريد وفى مواجهة مروحة التبريد يعنى تيار الهواء الساخن الناتج من وحدة السربنتية راح يضرب فى هذه الوصلات ويرفع حرارتها مما يقلل من كفاءة تبريد الجهاز وكمان سرعة تآكل الغلاف العازل من الكاوتش اللى بيعزل مواسير التبريد الواصلة بين الوحدة الخارجية والداخلية لان مروحة التبريد تسحب الهواءالبارد من امام الوحدة الخارجية ليندفع من خلال السربنتية ليخرج الهواءساخنا من ظهر الجهاز جهة الحائط خلال عملية التبادل الحرارى بالسربنتية
المفر وض انه يمر ر هذه الوصلات من اعلى فتحة الشباك وليس من خلف الوحدة وخاصة انه ياتى مع الجهاز وصلات طولها 5متر ودى ميزة لاتجدها الا فى شارب وهو طول كافى ليمرر الوصلات بعيداعن ضلف الشباك كمان
بصراحة الفنى ده شكله سباك او بتاع بوابير اعانك الله