الموضوع: حل لصوت الوحدة الخارجية المزعج تكييف شارب

واضح ان الحامل مش بتاع الحهاز لان صغير عليه
الحامل الصح موجود به شفة تحيط بالجهاز من الاربع جوانب

بص القاعده راكبه غلط .. يعني ضهر القاعده بقى اسفلها واسفلها بقى هو ضهرها

لو ركزت في الضهر عندك على وضعه كده هتلاقي الشفه نايحة الحيط وهتلاقي الضهر اكبر من الارضيه .. لانه الضهر ده اصلا المفروض هو الارضيه

انا مستغرب ازاي يغلط غلطة زي دي

بس غالبا بيكون معاه واحد بيساعده وهو اللي بيكسر ويركب .. وممكن يكون الحامل جه غلط صغير

وهو كان مستعجل فراح مخترع النصيبه اللي عملها دي

في جميع الاحوال الحامل راكب غلط فعلاً " بسبب الإستعجال الشديد ورمضان والصيام وموسم شغل التكييف "

اتصل بالشركه وقولهم الحامل صغير وراكب مقلوب والوحده ممكن تقع في الشارع

وبالمره حضر كاوتش .. التكييف مش بيجي معاه الكاوتش ده .. ومتتوقعش ان الصوت يقل تماماً بعد ضبط الحامل والكاوتش بس هيقل شويه

المشاركة الأصلية كتبت بواسطة hazemhany

يا باشا النقطة دي مش مشكلة خالص لأن كده كده اتجاه دفع الهواء للأمام مش للخلف ..يعني بالعربي المروحة بتنقل الحرارة الموجودة في السربنتينة للأمام ..فبالتالي مش هتأثر ع الوصلات في حاجة ..النقطة الخطيرة اللي في الموضوع هي القاعدة المقلوبة دي ..ده ممكن صاحب الموضوع يوديهم في ستين داهية ...

معلهش كلام حضرتك للاسف موش مضبوط وكلامى هو الصح ان مروحة التبريد تسحب الهواء البارد من امام الوحدة وتدفعه الى السربنتيةالمتواجدة فى ظهر الجهاز اى جهة الحائط فيمر الهواء من خلال ريش السربنتينة ويحدث تبادل حرارى فيخرج الهواء المندفع ساخنا جهة الحائط وبالتالى يصطدم بالمواسير الموجودة بين السربنتينة فى ظهر الجهاز والحائط اى تكون فى مواجهة هذا الهواء الساخن فترفع حرارة تيار الفريون البارد المار فى المواسير الواصلة بين الوحدةالداخلية والخارجية عند عودته من الوحدة الخارجية الى الوحدة الداخلية ليقوم بعملية تبريد الهواء بالغرفة وعشان تتاكد من صحة كلامى فك غطاء الوحدة الخارجية وشوف اتجاه مروحة التبريد رايح فين او مد ايدك خلف الجهاز راح تحس بمرور هواء ساخن على راحة او اصابع يدك وعلى فكرة انا بافك غطاء الوحدة الخارجية شبه سنويا لعمل صيانة لها بتنظيفها من التراب المتراكم ببلور يدوى ثم بواسطة خرطوم من الماء اغسل السربنتينة بالكامل لاذالة التراب الموجود بين اجنحة التبريد ويرجع الجهاز كانك لسه شاريه فى كفاءة التبريد