سلام عليكم وكل سنة وانتم طيبين
عندي مشكله بسمع صوت تزييق من الفرده الشمال بيظهر بعد مامشي
بالعربيه شويه و مع السرعق فوق 80 مش بيظهر/لو دوست سنه فرامل
يختفي ارفع رجلي يظهر ممكن يكون ايه؟
عرض للطباعة
سلام عليكم وكل سنة وانتم طيبين
عندي مشكله بسمع صوت تزييق من الفرده الشمال بيظهر بعد مامشي
بالعربيه شويه و مع السرعق فوق 80 مش بيظهر/لو دوست سنه فرامل
يختفي ارفع رجلي يظهر ممكن يكون ايه؟
التيل عندك مش مظبوط فك الفردة واكشف على التيل حتلاقى واحد متاكله وغالبا الذى بالداخل دى اللى بتعمل المشكلة دى وممكن تكون مشكلة طنابير وهى اللى بتتلف التيل سريعا ***
شكرا علي الاهتمام يا عم صبحي بس الطنابير مغيرها معملتش 10000كم
و لمارفعت العربيه و فكيت الكاوتش كنت حاسس ان التيل قافش شويه فممكن
يكون هو اللي بيعمل صوت التزيق ده او عامل زي صوت احتكاك بيروح لو دوست فرامل؟
اؤييد بشده راي sakr_skoda ..
رحت للميكانيكيفك العجله و التيل كان قافش شويه علي الطنبوره
نضف التيل في الاسفلت والصوت اختفي يومين ورجع تاني ده ممكن يكون ايه؟؟؟ ؟
كدا يبقى المشكلة تتركز فى ثلاث نقاط ::.
اولهما انسداد فى خرطوم زيت الباكم
الثانيه: صدك ورايش فى بيت بستم الفرامل**
الثالثة :مستر الفرامل العمومى::
وعلشان نعمل الحاجات دى كلها بنفسنا حنفك الفردة وكلابش الفرامل مسمارين 12 ونفك خرطوم الزيت يبقى كدا الكالبش فى ايدنا نحاول نخرج البستم من مكانة ونغسلة تمام ونشقى ونركبة مع الجلد الواقى من الاتربة**
خلى واحد يركب العربية واقفل الخرطوك بابهامك (صابعك الكبير )طبعا صابع ايدك ها اة احسن تفتكر صباع رجلك ولا حاجه هههههههههههه المهم خلى صاحبك يدوس فرامل وشوف كد ضغط الزيت اخبارة ايه فى ضغط شديد ولا لاء وما فيش مناع تسمح بخروج بعض الزيت لترى قوة اندفاعة من هنا نحكم على انسداد الخرطوم من عدمة **
عملت الحاجتين دولا تمام والنتيجة تمام يبقى خلاص مش قدامك الا المستر العمومى ودا بتحتاج الى مفتاح 10 بلدى ومفتاح 14 بس بلدى بلدى مش بلدى صينى**
حتفك الاربع صواميل اللى فى نهاية المواسير و وفك الصاملتين ال14 اللى فى السيرفة واسحب المستر الى الخارج وركب الجديد اعتقد انى هريت كتير واعتقد كمان ان حضرتك حتبقى صعبة عليك بس انا قلت اقول للى عاوز يعملها بنفسة**
فى النهاية ياسيتف روح للميكانيكى تانى خلى يكشف على الحجات اللى انا قلتها ويستبدل التالف منها واشاء الله يكون خبر***
شكراً يا عم صبحي بس خرطوم الزيت ده لسه مغيره من حوالي شهرين
تم تنظيف كلابش الفرامل الصوت مختفي حتي الان
باشا ده رومان بلي هات الايطالي 128 غير الفردتين الل قدام ب100 جنيهاو فرده الشمال بس لو حبيت وادعيلي