عرض للطباعة
انا عندى بيجو 504 2000 سىسى Gr موديل 79 ....
وطبعا بعد ضريبة المبيعات العالية ... فكرت انى ابيعها لو هى عالية اوى ....
لكن لو الضريبة مش كبيرة ممكن اخليها واوظبها كويس .....
كنت عايز اعرف رايكم يا شباب ابيع ولا اخليها ؟؟؟؟؟
لو حد يعرف الضريبة السنوية للعربية كام ؟؟؟؟
شكرا يا شباب ...
فين جماعة البيجو 504 ؟؟؟؟
ضريبتها 316 جنيه فى السنه وشويه مصاريف توصلك لحد 350 جنيه
فرقها مش كبير عن ال 1500 حوالى 175 جنيه فى السنه
لو انت مالكش نية ف البيع اصلا.. و بتبيع عشان المصاريف..؟؟
يبقي خليها و كده افضل..
عربيتك و انت عارفها و عارف حالها..
اما لو انت ناوي تغير و تحدث الموديل شوية.. اوك توكل علي الله..
اللى انا عرفته ان الضريبه 200 فى السنه بس ده غير التامين الاجبارى وعلى فكره انصحك ماتتسرعش فى البيع العربيه دى محترمه جدا والضريبه هى مره فى السنه بس عليك بالبنزين وده متعودين عليه من الاول روبنا يقوينا على الاسعار
انا سيارتي موديل 1978وكنت حسبت ضريبتها قبل كدة و كانت حوالي 200 في السنة تقريباً يعنى لو موديل بعد كدة هاتبقي أكتر شوية و لو قبل كدة هاتبقي أقل شوية.... يعني بيع لأي سبب تاني لو عايز, لكن الضريبة كدة مش كتيرة
انا لسه مرخص و دفعت 600 جنيه تامين و ضرايب
ماتبيعشي احسن
مش هتلاقي عربية زيها
انا اديلي سنة بفكر ابيع عشان مشاكل الصيانة و البارومة وكل كمين العساكر يتراخموا عليا و يبقوا عايزين يركبوا معايا .... بس مفيش عربية تستحمل و تشيل زيها و قطع غيار رخيصة
انا عارف والله ان العربية دى قوية وزيها مش هلاقى ....
انا اخويا جاب لانوس وكل لما بركبها بحس انها عربية لعبة ... ده مش تقليل من الدايو .... بس بعد لما تسوق 504 تسوق لانوس ....هناك فرق .....
انا ناوى اجيب عربية تانية إن شاء الله على الصيف الجاى بأذن الله ...
استاذ MaZaGAngeE لما انت دفعت 600 جنيه تامين وضريبة ... ده ترخيص كام سنة ؟؟؟؟
اما بالنسبة للبنزين يا استاذ hashem هحاول اشوف كربيراتير رشاش .... يقلل من استهلاك البنزين من غير لما ياثر على السحب بتاع العربية ....
شكرا لاهتمامكم يا شباب ....
لو حد عنده معلومات يفيدنا ...
اوعي تبيع وخصوصا دلوقتي علشان أسعار البيجو في الارض والضريبه 200 جنيه والتأمين 200 جنيه يعني هتقفل 430 جنيه ونصيحه مش هتعرف تلاقي زي البيجو تاني وكان فيه عضو هنا في المنتدي ركب كربراتير بتاع 132 في ال504 كانت بتعمل معاه 230 كيلو في الصفيحه ومن غير ما سحب العربيه يتأثراقتباس:
المشاركة الأصلية كتبت بواسطة kisho55555
اقتباس:
المشاركة الأصلية كتبت بواسطة kisho55555
600 جنيه لتلات سنين يا ريس
طيب هو ولا كاربيراتور Zenith كهرباء اللي عندي؟اقتباس:
المشاركة الأصلية كتبت بواسطة islambana
أنا متهيألي العربية عندي بتعمل تقريباً 140 في الصفيحة ماحسبتهاش بالضبط يعني ممكن أنسى أحسب مشوار مثلاً
230 في الصفيحة ده مش مبالغة ولا ممكن فعلاً
والله انا مش بحسب بتعمل كام فى الصفيحة بالظبط ....
بس اعتقد انها على طريق السفر بتعمل 250كيلو فى 22 لتر .....
بس جوه البلد بتاكل كتير .... تقريبا 100 كيلو فى 22 لتر ...
شكرا ليكوا يا شباب .... بجد استفدت منكوا كتير ..
انا إن شاء الله هبدا التوضيب فى العربية .... وهقول لكوا على كل حاجة ... واستفيد منكم برده
بص ياباشا أدي لينك الموضوع اللي قولتلك عليه ممكن تكلم صاحبه وتسألهاقتباس:
المشاركة الأصلية كتبت بواسطة abo_hosni
http://www.nilemotors.net/Nile/showthread.php?t=19226
وما اتعاملتش قبل كده مع الكربراتير الكهرباء بتاع ال504 علشان حساس فمحدش بيرضي يركبه بس كان مع واحد كان بيقولي أن كل الفرق اللي حصل بين الكربراتير العادي والكهرباء أن الاستهلاك زاد لتر لكل 100 كيلو في العادي عن الكهرباء وأي استفسار أنا في الخدمه
متشكر جداً، تصدق قرأت الموضوع قبل كده بس كنت ناسي :)اقتباس:
المشاركة الأصلية كتبت بواسطة islambana
بس لاحظ أنه مركب فتيس 5 سرعات يعني طبيعي يوفر في البنزين عند السفر. و طالما هو شايف أنه فرق معاه يبق فرق فعلاً
هاحاول أحسب كويس بتعمل كام في الصفيحة. طيب هو ايه الاستهلاك المقبول للعربية دي و اللي لو زاد عنه يبقى عايزه تتظبط؟
بنزين 80 طبعا و مشيت حوالي 2000كم بعد العمرة اللي غيرت فيها كل حاجة تقريباً ما عدا ال distributor و الـ ignition coil. هل ليهم علاقة و هل في طريقة لاختبارهم؟
وتعبتك معايا يا إسلام :)
ولا تعب ولا حاجه ياباشا أنت تؤمراقتباس:
المشاركة الأصلية كتبت بواسطة abo_hosni
بص ياسيدي الاستهلاك المعقول أن العربيه تعمل 10 لتر لكل 100 كيلو ع الزراعي وخلي بالك الاستهلاك بيعتمد علي طريقه سواقتك وبيختلف من شخص لشخص اقراء الكلام اللي تحت ده علي فكره ده منقول من العضوmollaELolla
اقتباس:
على فكرة ال 504 اصلا المفروض يتحطلها 80 لان الضغط بتاعها فى البساتم 7.5:1
( و ال 90 بينحط للمواتير اللى ضغطها 9:1 و ال80 بينحط للمواتير اللى ضغطها 8:1 يعنى بالبلدى كده العربية دى لو عندك حاجة اقل من ال 80 ممكن تحطها)
اولا عيوب ظبط (ليست اعطال):
فاكيد العربية بتاعتك كان الحرق فيها متظبط على 90 . ومادمت غيرت ل80 اكيد لازم تراجع تظبيط الكهرباء(ماهى مش لازم تكون كهربتها زايدة بردك العربية ممكن تكون ماخرة كهرباء)
و بعدين مش شرط ان طالما صوت الموتور واطى يكون ده معناه ان الكهرباء مظبوطة!!! ممكن تكون التاكيهات هى اللى مديالك الشعور المزيف ده.
عيد ظبط التاكيهات (فى هذا الموديل يستحسن تكون التاكيهات مبوشه، فيها مساحة زيادة شوية تقوم صوت الموتور يكون عالى حبه و تسمع تكتة التاكيهات فى السلانسيه) ماهو ممكن صوت العربية يكون واطى عشان الباشا مديقلك ظبط التاكيهات عاشان الصوت يكون انعم ( والنتيجة الموتور يبقى مخنوق و صوته اوطى بس يسخن اسرع و ياكل بنزين اكتر)
والاهم من ده الهوا والبنزين اللى داخلين للكربراتير لان ممكن يكون الدخول غير منتظم و ساعتها تلاقى الاهتزاز بتاع العربية فى السلانسيه بيزيد شوية و يقل شوية. و ده معناه ان الموتور حرقه مش منتظم فالهوا بتاع الكربراتير عايز زبط.
وممكن تلاحظ ان رائحة العادم اللى طالع من الشكمان مختلفة اليومين دول، ركز كده ممكن تحس ان دى مش ريحة بنزين دى ريحة حاجة بتنحرق و كان والعياز بالله العربية فيها حاجة ولعت.
اذا قدرت تميز الرائحة دى فاماتتخضش، الميكانيكى اللى بتصلح عنده لو شاطر اول ما يقف جنب العربية و هى دايرة و يشم الريحة دى يقول " العربية دى حريقها نى"
ياعنى مابتحرقش البنزين كويس و طبعا تاكل بنزين
الكام حاجة اللى قلتهم دول ( ظبط كهرباء، ظبط تاكيهات، ظبط رتم دخول الهوا و النزين الى الكربراتير) مش اى ميكانيكى يعرف يظبطهم. و برغم انها حجات هايفه اوى لكن بتفرق اوى فى اداء العربية و السحب و استهلاك البنزين. و خد بالك دى مش اعطال دا ظبط عشان كده لازم يكون واحد متخصص بيجو
ثانيا الاعطال بقى:
1-الكربراتير حالته تعبانه و مهما عملت فيه و ظبطته تجد العيب يرجع تانى او المحرك ينتظم فترة و بعدين يرجع يتبركل تانى ( كده بالسلامة الكربراتير. يائما بقى تفكه و تخده عند واحد بناع كربراتير)
2- الشكمان ممكن يكون مخروم يبرجلك الربية. و دى سهلة تعرفها. هتلاقى صوته مكتوم. و ازا ما عرفتش، دور العربية و سخنها و بعد كده سيبها فى السلانسيه و انزل و سد الشكمان بايدك( سده بكف ايدك تماما ماتخافش. لو العربية طفت يبقى مافيش خرم. لو العربية ماطفتش يبقى فيه خرم و حتلاحظ ان فيه صوت هوا طالع من حته انتا مش عارفها. تروح لواد بتاع شكمان يلحمهولك او بيغير علبة الشكمان اللى فيها المشكلة لة تعبانة خالص
شكرا ليك يا أستاذ أسلام وأستاذ mollaelolla ...
انا عملت موضوع فى تعديل عربيتى . ياريت كلكوا تفيدونى..
ها انا عدت اليكم من جديد و لا شكر على واجب
و انتظرو مغامراتى مع ال504 و الشكمان العجيب.
اصلى عملت حوار من يومين فى الشكمان فرق فى سحب العربية بشكل هلامى
احكيلنا يا باشا..
+111111111اقتباس:
المشاركة الأصلية كتبت بواسطة Ahmad Allawy