أسئلة سهلة للبعض وصعبة عندى

**mesaharaty** · 19-10-2008 12:06 PM

السلام عليكم يا شباب

لو أمكن تساعدونى فى إستفسارى بتاع النهاردة تبقو مشكورين جدا

الإستفسار الأول :- هو لو إنى مثلا كنت على الغيار الرابع وداخل على مطب فلازم أهدى طبعا علشان ما آخدش المطب . طيب كيف يتم تنفيذ هذه العملية يعنى هل دبرياج مع فرامل ولا فرامل متقطعة من غير دبرياج ولا فرامل متقطعة مع دبرياج
وطبعا السرعة سوف تقل فهل أعمل غيار أقل (على الثانى مثلا) علشان أفضل مكمل فى السير بتاعى .

الإستفسار الثانى :-
كيف تصعد كوبرى وتنزل منه ؟
وماذا لو السيارة توقفت لسبب عطل أو زحام وهى لسه طالعة يعنى (ضد الجاذبية) ماذا أفعل علشان العربية ماترجعش لورا وتخبط اللى ورايا
وكمان أعمل إيه لما العربيات اللى قدامى تمشى (يعن الإشارة مشيت بقى) إيه اللى أعمله برضه علشان ما أريحش على اللى ورايا

أرجو الشرح
والله أنا محرج منكم جدا ياجماعة وشاكر لسعة صدركم معى

أخوكم

**M!NA** · 19-10-2008 01:06 PM

المشاركة الأصلية كتبت بواسطة الطنطاوي

ثاني طريقة إنك تضغط سنة بنزين وسنة دبرياج وانت جايب الغيار الأول بحيث العربية تقف عن طريق الموتور و أول ما الطريق يمشي تشيل رجلك من على الدبرياج وتزود على البنزين

الطريقة ديه تلجأ ليها لو فرامل اليد مش شغالة... لكن في الحالات المعتادة بلاش عشان ديه بتقصف عمر طقم الدبرياج...(اسطوانة و ديسك)

**mesaharaty** · 19-10-2008 01:51 PM

شكرا ليكم يا جماعة

بس من فضلك يا أستاذ الطنطاوي

تشرح لى أكثر يعمى كما لو كنت راكب السيارة فعلا
ولكم الشكر

**دموع الثلج** · 19-10-2008 03:24 PM

المشاركة الأصلية كتبت بواسطة mesaharaty

السلام عليكم يا شباب

لو أمكن تساعدونى فى إستفسارى بتاع النهاردة تبقو مشكورين جدا

الإستفسار الأول :- هو لو إنى مثلا كنت على الغيار الرابع وداخل على مطب فلازم أهدى طبعا علشان ما آخدش المطب . طيب كيف يتم تنفيذ هذه العملية يعنى هل دبرياج مع فرامل ولا فرامل متقطعة من غير دبرياج ولا فرامل متقطعة مع دبرياج
وطبعا السرعة سوف تقل فهل أعمل غيار أقل (على الثانى مثلا) علشان أفضل مكمل فى السير بتاعى .

الإستفسار الثانى :-
كيف تصعد كوبرى وتنزل منه ؟
وماذا لو السيارة توقفت لسبب عطل أو زحام وهى لسه طالعة يعنى (ضد الجاذبية) ماذا أفعل علشان العربية ماترجعش لورا وتخبط اللى ورايا
وكمان أعمل إيه لما العربيات اللى قدامى تمشى (يعن الإشارة مشيت بقى) إيه اللى أعمله برضه علشان ما أريحش على اللى ورايا

أرجو الشرح
والله أنا محرج منكم جدا ياجماعة وشاكر لسعة صدركم معى

أخوكم

الاجابه فى كلمتين

اركب اتوماتيك

الاتوماتيك مفيهوش كل الحاجات دى لان دواسه الدبرياج هى نفسها دواسه الفرامل
وعلى المطلع العربيه مش بتزحلق لورااء وفى الاشاره العربيه مش بتطفى منك

بس هجاوبك على اسئلتك برضوا فى المانيول

السؤال الاول اول ما تلمح المطب من قبله بشويه طبعا تفضى الغيار تخليك على الموووووور وفرامل سنه سنه لحد ما توصل وتعدى المطب بهدوء بعدها تعشق على الثانى وتمشى

السؤال الثانى بتطلع الكوبرى عادى على سرعتك اللى ماشى بيها لو الطريق فاضى مع سنه فرامل لو احتجت تهدى ولو زحمه هتنزل غيار ده على حسب درجه الزحمه

موضوع وقوف العربيه ضدد الجاذبيه ارفع الهاند بريك(( فرامل اليد )) كده العربيه هتكلبش العجلات الخلفيه ومش هتتحرك

لما تيجى تمشى بئه هتجيب على الاول جميل ترفع رجلك من على الدبرياج سنه وتدوس على البنزين سنه وتنزل فرامل اليد بشويش مش مره واحده عشان العربيه متزحلقش منك لحد ما تتحرك لقدام

**abo_hosni** · 19-10-2008 03:46 PM

المشاركة الأصلية كتبت بواسطة الطنطاوي

ثاني طريقة إنك تضغط سنة بنزين وسنة دبرياج وانت جايب الغيار الأول بحيث العربية تقف عن طريق الموتور و أول ما الطريق يمشي تشيل رجلك من على الدبرياج وتزود على البنزين

أتمنى إني أكون أفدتك

بلاش الطريقة دي :) زي ما vw_driver قال

و مكتوبة في كتالوج العربية بوضوح كده:
"Do not "balance" the car on a slope using the clutch"

**محمد أنور** · 19-10-2008 04:13 PM

واضح انك لسة متعلم سواقة جديد .. و طبيعي انك تلاقي صعوبات فالأول .. بس ان شاء الله هتتعود عالحاجات دي و هتظبط
اجابة الاستفسار الأول : أول لما تلاقي مطب دوس عالدبرياج و اهدى سنه سنه بالفرامل لغاية ما توصل للسرعة المناسبة انك تعدي المطب .. و بعدين اديها الغيار التاني و اطلع
اجابة الاستفسار التاني : بطلع كوبري بسرعة العربية .. ف لو لقيت العربية سرعتها بتقل اقوم مديها الغيار اللي قبله .. يعني مثلا ماشي على60 ومديها الغيار الرابع قامت العربية سرعتها قلت بقت 40 اقوم مديها الغيار التالت عشان ترجع تاني لسرعتها 80
و بنزل الكوبري اني بشيل رجلي من عالبنزين و بدوس عالدبرياج و بهدي بالفرامل .. لأني لو سبتها من غير فرامل هتسرع لوحدها عشان المنزل .. فلازم تهدى بالفرامل
و لو العبية وقفت عشان عطل ولا حاجة ارفع فرامل اليد عشان مترجعش على اللي وراك
و لما تيجي تطلع من اشارة و انت في مطلع " طبعا بتكون رافع فرامل اليد و لما تعوز تمشي تديها الغيار الأولاني و ترفع رجلك من عالدبرياج سنة بسيطة يدوب تحس العربية هتطلع قدام .. قوم نزل فرامل اليد على طول و ارفع رجلك من عالدبرياج و امشي عادي بقى

أرجو اني اكون افدتك و يلا بقى شد حيلك عايز المرة الجاية تسألنا ازاي تاكل غرزة و تعمل كيك داون :):)

**zarkoor** · 19-10-2008 05:16 PM

طبعا من العادات الخاطئه انك تمورالفتيس او انك تدوس دبرياج مع الفرامل

دوس الدبرياج بس لما العربية سرعتها تكون واطيه و حتبطل منك ... لكن غير كده عود نفسك انك ما تدوسش دبرياج و فرامل مع بعض او انك تخش على مطب و انت ممور و لسة بسرعتك علشان كده حتاكل تيل الفرامل بسرعة

كمان غلطة كبيره انك تنزل منزل و انت ممور (وغلط اكبر انك تطفى العربية) علشان سيرفو الفرامل مش حيكون شغال ... فيه كمان ناس بتنسى ان الدركسيون ممكن يسوجر مع الكونتاكت ... و كمان باور الدركسيون حيبطل لو الموتور مطفى ... دى بتعمل حوادث كتيرة

لما تدوس فرامل .... خلى غيار الفتيس زى ما هو ... لحد ما سرعة العربية تنزل و تقدر تدى غيار اقل

ربنا يسلم طريق الجميع

-

-

الموضوع: أسئلة سهلة للبعض وصعبة عندى

LinkBack

أدوات الموضوع

عرض

-

-

المواضيع المتشابهه

العربية بتقطع بنزين فجأة وصعبة التدوير

طريقة سهلة جدا

للبعض ........ هذا لا يليق

عندى خمس أسئلة أرجو التوضيح

لوجاناوى جديد و عندى شوية أسئلة كتير

الكلمات الدلالية لهذا الموضوع

المفضلات

المفضلات

ضوابط المشاركة