تجربتى مع موتور هواية الفيليشيا

**ahmedvaio** · 28-07-2014 12:39 AM

السلام عليكم و كل عام و انتم بخير
ذهبت بالامس الى الكهربائى لضبط الانوار و تشغيل موتور الهواية .. تم ضبط الانوار و كله تمام , و لكن موتور الهواية كان محروق بعد توصيل كهرباء خارجيه مباشرة و لابد من شراء آخر . فطلبت من الكهربائى ان يحل الموتور القديم للكشف عليه خارجيا فقال لى انه يجب ان يقوم بحل التابلوه لنزع الموتور و طبعا الكلام بالنسبة لى غير منطقى فطلبت منه ان اقوم بتجربه
و بالفعل قمت بفك غطاء الصندوق الاسود عن طريق كلبسات صغيرة بداير الصندوق و بعدها وجدت الموتور مباشرة مع مروحتين عراض على كلا الجانبين من فوقهم 2 كفر بكلبسات من فوق و يتم سحبهم من اسفل بعد ذلك الموتور من الوسط داخل مشقبية من الاسفل و من الاعلى يتم فك مسمار واحد و بعدها فصل السلك و كده الموتور فى ايدك
قمت بتنظيف الموتور جيدا بالهواء و فرشاه قلم ووضع wd40 على الاكس من كلا الجانبين لتخفيف الحركة لانه ايضا كان قافش
المهم بعد ذلك ان المشكله كانت بسيطة جدا .. الشربون اللى على الموتور داخل بيت الشربون ثابت لا يتحرك و كان قد وصل الى الحافة البلاستيكية و بذلك لا يتم توصيل الكهرباء الى (الكوليكتور) الجزء الذى يأخذ الكهرباء من الشربون
قمت بكسر الجزء العلوى من بيت الشربون و حركت الشربون الى المسافة المناسبة و لزقت الشربون فى البيت مع الجزء المكسور بجلو
و بعد ذلك اشتغل الموتور زى الفل و بعد العيد ان شاء الله سوف اقوم بتركيبه

**A_Baidak** · 28-07-2014 01:07 AM

تسلم اديك يا غالى وكل سنه وانت طيب

**ahmedvaio** · 28-07-2014 02:15 AM

المشاركة الأصلية كتبت بواسطة a_baidak

تسلم اديك يا غالى وكل سنه وانت طيب

و انت طيب و بصحة و سلامة يا استاذ احمد

**المنسي** · 29-07-2014 05:33 AM

الله ينور عليك هو ده الشغل
كويس انك عملت الحاجة بايدك الله اعلم لو كان فك التابلوه كان عمل ايه
تقبل تحياتى

**ahmedvaio** · 29-07-2014 10:51 AM

المشاركة الأصلية كتبت بواسطة المنسي

الله ينور عليك هو ده الشغل
كويس انك عملت الحاجة بايدك الله اعلم لو كان فك التابلوه كان عمل ايه
تقبل تحياتى

ربنا يخليك يا استاذ منسى .. الفضل بعد الله يرجع للناس الحلوة اللى موجودة هنا بالمنتدى و بالقسم خاصة اللى مش بيبخلوا بوقتهم و بيقدموا خبرتهم و تجاربهم لنفع باقى الاعضاء
المهم يا باشا مبروك مقدما وربنا يسهل لك و تجيب احسن زيرو , بس ماتحرمناش من طلتك علينا

**ahmedvaio** · 29-07-2014 11:04 AM

المشاركة الأصلية كتبت بواسطة zezo20

الله ينور يا باشا بس هو الشربون ده هو ايه عبارة عن ايه؟ وكنت بستفسر عن حاجة انا لسة شارى فليشيا جديدة من3ايام فيها كاسيت بيونير سي دى المشكلة الاريال مكسور ومحتوط حلية مكانه جبت اريال جديد صينى ب70 جنيه وركبته مش جايب اشارة الكهربائى بيقلى الاريال ضعيف هو فى الاصلى ولا ممكن تكون من السلك او الكاسيت ولا ايه لحسن العربية من غير راديو زفت ممكن رد عالمشكلة دى ولكم الشكر

و عليك يا باشا .. الشربون عبارة عن قطع كربونية موصلة للتيار االكهربائى على عضو دوار (الموبينة) و هو قابل للتآكل و لهذا لا يوصل الكهرباء الا بعد تغييره بجديد
اما بالنسبة للراديو فأعتقد انه عيب بالراديو نفسه هذا ان كان الايريال متصل بمكانه فى الكاسيت لانه عند توصيل قطعة سلك عادية بالكاسيت يقوم بلقط بعض الاشارات و مهما كانت رداءة الايريال يجب ان يكون هناك اشارة حتى لو مش كل المحطات
انا مركب ايريال صينى ب 8 جنيه و شغال زى الفل

**zxcv38** · 29-07-2014 12:00 PM

شكرا علي الموضوع انا قرئته واتشجعت وفكيت البلور وكان الاكس الخاص بالماتور افيش والحمد الله الهواء جامد بس لمه الماتور يسخن الهواء بيجي ساخن

**ahmedvaio** · 29-07-2014 02:34 PM

المشاركة الأصلية كتبت بواسطة zxcv38

شكرا علي الموضوع انا قرئته واتشجعت وفكيت البلور وكان الاكس الخاص بالماتور افيش والحمد الله الهواء جامد بس لمه الماتور يسخن الهواء بيجي ساخن

الله ينور عليك يا استاذ محمد و مبروك عليك التجربة الناجحة اولا و ثانيا البلاور ..
اسباب سخونة الموتور .
الاكس مش حر بالدرجة المطلوبة بعد ما كان آفش
او الشربون مش موصل جيدا لو انت حركته
بس الاحتمال الاكيد ان الهوا اللى جاى سخن بطبيعته

**zxcv38** · 29-07-2014 04:24 PM

شكرا على اهتمامك عيد سعيد عليك انا أقصد ماتور السيارة اوحيز الكبوت هوالبيسخن مش ماتور البلور

الموضوع: تجربتى مع موتور هواية الفيليشيا

LinkBack

أدوات الموضوع

عرض

تجربتى مع موتور هواية الفيليشيا - انشر الموضوع فى :

-

-

-

-

المواضيع المتشابهه

يا فرحة الفيسكو في موتور الفيليشيا.... أخيرا نال الشرف وجربناه

الرجاء المساعدة بخصوص موتور الفيليشيا

سعر موتور الفيليشيا 97 واية ينفع يركب عليها

سؤال كهربائى عن موتور الفيليشيا

عاجل و مهم لأصحاب الفيليشيا فقط حل مشكلة الفيليشيا نهائيا

الكلمات الدلالية لهذا الموضوع

المفضلات

المفضلات

ضوابط المشاركة