عايز اعرف لو سمحتو السمسار بتاع الشقق ( مش مكتب ده بواب شغال سمسار) ياخد كام لو اشتريت شقه عن طريقه؟
عرض للطباعة
عايز اعرف لو سمحتو السمسار بتاع الشقق ( مش مكتب ده بواب شغال سمسار) ياخد كام لو اشتريت شقه عن طريقه؟
المفروض انها تكون 1% من قيمة الشقة بس انت ممكن تتفاهم معاة وخلي بالك لانهم بيبقوا شفاطين فلوس يعني يقولك (العيد قرب وكل سنة وانت طيب عاوزين العيدية- او يقولك العيال عاوزين يتعشوا وكلام من دة.
ااتفق معاة على العمولة الى انت شايفها مناسبة لانها مش محددة انت وشطرتك
انما لو سمسار اصلى نسبة 2.5%دى النسبة القانونية
طالما معندهوش مكتب يعنى لا مصاريف ولا غيره
يبقى تقوله بعد ما تتفق مع صاحب الشقه اللى هتشترى منه
تاخده على جمب وتقوله بالنسبه لعمولتك كم
هيقولك تروح قاسم السعر على اثنين على طول وتقعد تفاصل معاه كمان
لو اتكلمت على العموله وفاصلت قبل ما تتفق مع الطرف الثانى هيطير منك الشقه
لو شراء شقة .... ممكن يبقى من 500 الي 1000
سيبك من النسبة دي
النسبة دي للحاجات الرسمية وبتبقي 1.25 علي البائع و 1.25 علي المشتري
ابدأ ب 500 و زود شوية شوية ... وبالكتير 1000 جنية
وما تنساش انه ح ياخد اكتر من كدة من البائع
وما تقولوش انها عموله ... قولو دي الحلاوة ....عرقك .... وهبتك ..... حسنتك ...
لو بقت عمولة ح تبقي نسبة