خطوات تنظيف دورة البنزين فى السيارات الانجكشن
السلام عليكم ورحمه الله ، وبركاته ،،،
كل سنة وانتم طيبين
لكل مالكى السيارات الجديده زات محرك انجكشن, هل تريد تنظيف دوره البنزين والانجيكشن؟
حسنا ساقوم بأخباركم عن افضل طريقه لتنظيف دوره البنزين بالكامل بداية من تانك البنزين وصولا الى غرفه الاحتراق .
FUEL INJECTION CONTROLLER او وحده التحكم فى حقن الوقود.
الانكشن عباره عن رشاشات صغيره جدا يمر من خلالها الوقود ويتم التحكم فى كمية البنزين اليكترونيا حينما تضغط على دواسه البنزين.
كل السيارات زات محركات الحقن الالكترونى ' الانجكشن ' تحتاج الى صيانة كل '50,000' الف كيلو ويجب عمل الصيانه فى موعدها خصوصا للسيارات الكورى واليابانى حتى لا تنسد رشاشات الانجكشن بسبب شوائب ورواسب البنزين حتى لو كنت تستخدم بنزين 92, لان البنزين لدينا فى مصر ليس نظيف بالدرجه الكافية هذا بالاضافه الى تجمع رواسب الاتربة والغبار الذى يملا بلدنا العزيزه مصر.
لذا يجب عليك فعل الاتى وبدون اهمال:
قبل الشروع فى عمل الصيانه يجب عليك ان تقوم بشراء مجموعه بوجيهات جديده + فلتر بنزين جديد + زيت محرك جديد ايا كان النوع الذى تستخدمه فى سياراتك + علبة سبراى FUEL INJECTION AIR INTAKE CLEANER ويفضل النوع الامريكى + علبة STP امريكى لونها اسود من اى محطه بنزين.
اعلم الان انك تتسأل لماذا اشترى كل هذا؟
الاجابة يا سيدى الفاضل ان كل ما سبق ذكره يعتبر جزء من دوره البنزين, فلذا نحن نريد تنظيف دوره البنزين من بدايه تانك البنزين وصولا الى المحرك.
اولا تنظيف التانك
الان ستقوم بعمل اول شى قبل تغير اى شىء اخر فى السيارة, الا وهو أضافه علبة ال STP الاسود (منظف رواسب وصداء تانك البنزين) على اقل من نصف تانك البنزين, ثم اطلع بيها مشوار طويل مع الحرق على دواسه البنزين يعنى بالكتير 3000 لفه امبير فى الثانية.
تحذير هام http://www.nmisr.com/vb/images/smilies/eek.gif يجب ان تقوم بعمل مشوار طويل بالسياره بعد إضافه ال STP لان به ماده حارقه لنظيف دوره البنزين تقوم بـتأكل كل الرواسب حتى تصل الى رشاشات الانجيكشن وتحترق داخل الموتور وتخرج من الشكمان فى صوره عادم. لذا انصح بعدم وضع الماده والانتظار اكثر من نصف ساعه حتى لا تصاب خراطيم البنزين و كاوتش الحساسات بالتأكل.
ثانيا تغير فلتر البنزين
بعد استخدام الماده وقبل نفاد البنزين أذهب مره اخرى لمحطه البنزين وقوم بتفويل التانك, ثم قم بفك فلتر البنزين القديم وتركيب الجديد.
ثالثا تنظيف الانجيكشن بأستحخدام السبراى
أذا كنت لا تعرف الطريقه فقط أطلب من فنى او عامل محطه البنزين تنظيف الانجيكسن باستخدام السبراى, انا عن نفسى بعمل كل ده بنفسى وببقى مبسوطه جدا وانا بعمل صيانه عربيتى بأيدى, ما علينا حاقلوكم على الطريقة, قم باستخدام مفك صليبه وفك مساسمير فلتر الهواء او بيسموها "العمه" بعد كده هتلاقى الفتحه الى بتدخل الهواء للانجكشن او المتور, بشويش وبراحه ابدأ برش الاسبراى داخل فتحه الهواء أثناء العربيه وهى دايره طبعا, لازم تبقى بتزود بنزين فى نفس لحظه رش الاسبارى والا العربية حتبطل منك, لذا قم بتزويد بنزين من الاكسرارتير او الفراشه زى ما بيسموها مع رش الاسبراى على ضغطات متتالية وليس مره واحده. بقم بالاستمرار فى الرش وتزويد البنزين فى نفس الوقت حتى ينتهى على الاقل نصف العلبة.
ازاى بقى تعرف ان الاسبراى فعلا بينضف, حتلاقى اثناء مانتا بترش الاسبراى وبتزود بنزين إن الشكمان بيطلع هباب, ايوه هباب والهباب ده نتيجه احتراق الرواسب اللى جوه الانجيكشن وعلى وش السلندر. بس كده انت خلصت الخطوه دى. ندخل على الخطوه الاخيره
تغير البوجيهات و زيت الموتور
أحنا ليه خلينا تغير البوجيهات وزيت الموتور فى الاخر؟
علشان احنا نضفنا من ورا الى قدام, بمعنى اخر البنزين حيفضل ماشى فى طريقة من التانك الى الموتور نضيف وبدون قطره شوائب وحيجى فى غرفه الاحتراق عند الشمعات او البوجيهات وحيتحرق, علشان كده لازم نغير البوجيهات علشان نضمن انضف عملية احتراق للبنزين واللى حتحس بيها فى سحب العربية بعد منخلص كل الخطواط. اما بالنسبة لتغير الزيت ده الاننا لما استخدمنا اسبراى التنظيف طبعا نضفنا الجزء العلوى من وش السلندر من اى رواسب او شوائب علشان كده لازم ننزل الزيت القديم ونحط زيت جديد على نضافه.
ودى كانت نهاية الخطوات عن كيفية تنظيف الانجكشن او الحقن الالكترونى واتمنى تعميم المعلومة و إفاده الاخرين.
