عرض للطباعة
بقالى فتره بدور على شقة و كان نفسى اعرف يعنى ايه بحرى ؟ هل معناه ان انها تطل على الشمال north ؟
و هل البحرى ده فعلا احلى هوا و جو ولا ايه بالضبط ؟
عشان انا شقتى بحرى و ساعات بتبقى حر
و ساعات بحس ان الهواء جى من الجنوب - القبلى قصدى و ساعات الشرقى
نفسى حد يفهمنى !!
ألبحرى هو اتجاه الشمال فعلا
مش دايما بيباه الجو حلو ..ساعات تباه ف الهواء الطلق مش لاقى هوا تتنفسه بس فعلا اتجاه الرياح بيجي من الشمال
وممكن تكون شقتك بحرى لكن مقفول عليط بعمارة او مبنى عالى حاجب عنك الهوا..
طبعا البحرى احلى هوا واحلى جو ولو ساكن فى دور عالى ومفيش ادامك عماير مش هتعرف تمسك نفسك من الهوا ....لمعلوماتك فى مقاولين مش بيبنوا الا بحرى فقططططططط لانه بياع
طبعا البحرى اى اتجاه الشمال لان هناك تيار هوائى من شمال الدلتا و متجة الى الوجه القبلى و طبعا بيعطى تيار هوائى ممكن تحسه في بلكونة او غرفة مفتوحة بس لازم او الافضل يكون فية مساحات بين العمارات و بالنسبة للعقارات ممكن في نفس العمارة و نفس المواصفات و المتر في البحرى يكون اعلى في السعر بكتير و دائما تكون واجهة العمارة بحرى
بالبلدى كده البحرى الغربى هو اللى الشمس بتكون عليه مثلا من الساعه 6 لحد الظهر تقريبا ده فى الواجهه وهو الافضل فى السكن طبعا البحرى الغربى ...لكن الشرقى الشمس بتستلمه من اول الساعه 11 مثلا للغروب ولذلك
تفضيل البحرى عن الشرقى
لكن لو مكان امامه عمارات مرتفعه مش بتفرق كتير بس بيكون حر جدا فى الصيف
اليحري عموما و بالبلدي اللي هواها دايم والله اعلم
مش حضرتك الشمس بتطلع من الشرق .... ف ده معناه الصبح مفروض الشرقى بيشوف ال شمس لحد 12 مثلا و بعدين الغربى يستلم لحد المغرب ..... يعنى عكس الكلاماقتباس:
المشاركة الأصلية كتبت بواسطة طارق _عبد السلام
ولا تزعل نفسك قبلي ولا بحري اقفل البلكونه والشبابيك وشغل التكيف وكده بقى بحري البحري هههههههههه
بصراحه الهوا الربانى احلى من التكييف مليون مره
بيبني وبينك الصيف فمصر مبقاش نافع معاه بحري ولا قبلياقتباس:
المشاركة الأصلية كتبت بواسطة dodge2013
اهم شئ عندي مبقاش فالدور الاخير مباشر مع الشمس
لا مش هو المقصد كتبت شرقى بدل كلمه قبلى بالظبط لاحظ حضرتك ان المنازل مش واجهتين فقط بيكون فيه اربع واجهات واكتر حسب المكان والعشوائياتاقتباس:
المشاركة الأصلية كتبت بواسطة japrulez
وخلى بال حضرتك ظروف المنطقه والمبانى حولك بتفرق كتير
هو البحرى الغربى افضل واجهه لان تقريبا اكثر الاوقات اتجاه الهواء فى مصر بيكون غربى
وحتى فى المصايف لما بحب ااجر مكان شرطى الاساسى يكون بحرى غربى وليس قبلى
القبلى لانه بيستقبل الشمس اطول مسافه والبحرى الشمس يادوب كم ساعه بسيطه
ولعلم حضرتك انا بيتى بحرى غربى لكن خلفى اكثر من منتصف العماره لايوجد مبانى فالشمس عليها طول النهار والجزء الاخير من المنزل بيكون فظيع فى الصيف وكنت فاتح شباك خلفى كان مخلى الشقه مملكه لكن صاحب الارض طلب منى اقفله لانه حرمه جار مع انه لسه لم يقم بالبناء لكن حقه