صليت مع محافظ مطروح النهارده:)
بسم الله الرحمن الرحيم
الموضوع انى من اسكندريه و اليومين دول قاعد فى مرسى مطروح بقضى العيد و اصيف
جيت امبارح كنت سايق عربية والدى الجديده و جيت اركنها قدام الجامع بعد خناقة مع السايس فى مكان تانى لاقيت واحد من الجامع بيقولى متركنش هنا علشان المحافظ هيصلى العيد فى المسجد هنا و عربيته بعربيات الحرس هتركن قدام المسجد روحت ناقل فى مكانى تانى
المهم انا قاعد فى شقة بتطل مباشرة على المسجد اللى المحافظ هيصلى فيه فنزلت لاقيت الدنيا كلها لبش و موتوسيكلات و شرطه وكان رئيس الجمهورية هو اللى جاى
كان المحافظ واقف قدام المسجد و دخل قبل الصلاه ب 5 دقايق و صلينا عادى
روحت بقى علشان اخد الجزمة بتاعتى والمفاجئة ان الكابينه اللى انا حاطط فيها جزمتى هى نفسها اللى كان فيها جزمة المحافظ (اصل مكنش فيه مكان فجزمته كانت فوق جزمتى بالظبط ) :10D5C8w1107::10D5C8w1107:
لاقيت المحافظ بيسلم عليا و بيقولى شكلك راسم على الجزمة بتاعتى اهاهاهاهاهاهاها
وبعدها ركب عربيته الكيا سورينتو :tumb: بالحرس و مشى
وبس كده
كل سنه و انتم طيبين و عيد فطر سعيد