-
لسة الدنيا بخير
أنا أسمى أبو يوسف
عندى عربية ماتريكس ( معاقين )
وعندى فيسبا ( مجهزة ) اللة بعجلتين فى جنب الفيسبا
المهم كان عندى مشكلة فى التجهيزة بتاعة الفيسبا ,,, روحت يوم وقفة العيد علشان أصلحلها
فطلع العيب فى البلى , روحت عند بتاع البلى سألته على تمن البليتين قالى الاثنين بـ 40 جنيه
المهم قولتله هاحى أخدهم باليل , وفعلا روحت باليل وأخذت البليتن وجيت ادفع الفلوس , قالى خلاص
ياأستاذ كل سنة وانت طيب , انا كرته بعيد عليا , قلتله وانت طيب ياباشا , رنا يزيدك , اتفضل الفلوس ,
قالى لأ واله مش هاخد منك قلوس , قولتله بس أنا مش محتاج , الحمد لله مستورة , ومش معنى أنى معوق ومعايا فيسبا مجهزة ابقى محتاج , ممكن تعمل الموضوع دة مع حد محتاج , قالى أنا ماليش دعوة انت محتاج ولا لأ , وفعلا مرديش ياخد الفلوس
شكرته جداً , وروحت للميكانيكى والله ما أعرفه انا لايقيته فقلت اركب عنده البلى وخلاص , المهم روحت سلام عليكو يا اسطه , من فضلك عاوز اركب البليتسن دول فى التجهيزة , عينيا يا أستاذ اتفضل اقعد على الكرسى , وانا هاعمل اللى انت عاوزه , وفعلا ركب البلى , وقالى عاوز حاجة تانى , قولتله ركبلى سلك فرامال , قالى عينيا وركبه ,بطلع الفلوس وبحاسبه , قالى خلاص ياأستاذ حاجة بسيطه انا معملتش حاجة
قولتله لا يا اسطى انت تعبت جداً خد حقك , قالى والله ما هاخد حاجة دة الواحد ما بيصدق يقابل الناس الذى حضرتك علشان يساعدهم , قولتله بس انا الحمد لله مش محتاج مساعدة قالى بس انا اللى محتاج اساعدك وبحمد ربنا اللى انت جتلى لحد عندى , ولو عاوز اى حاجة فى الفيسبا تعلالى ومتشلش هم الفلوس , وفعلا مرديش ياخد منى الفلوس , مع ان الشغلانه دى مش أقل من 30 جنية .
بقيت ماشى وعندى سعادة مش طبيعيه من اللى حصل معايا بس والله مش عشان الفلوس
بس السؤال هنا الناس دى كويسة معايا علشان أنا معوق , ولا هما فعلاً كويسين ؟
-
الناس الكويسه فى كل مكان
والدنيا فيها خير كتير
بس امشى بمبدا ان الوحش بيعم او بياخد فى وشه كتير
هى دى المشكله فينا كلنا
زى لو شكه دخلت فى صابعك هتلاقى جسمك كله سخن وايدك مش قادر ترحكها لقدر الله
وهتكره نفسك وهتحاذر بعد كدا من كل شىء
واكيد حضرتك بتعمل خير كتير غده بيعود عليك
كما تدين تدان
وكل سنه وحضرتك طيب
-
الشعب المصري أغلبه شعب طيب
ولو كان البعض منا قد أصابته الدنيا بالجشع وسوء الاخلاق
ولكن المناطق الشعبية مازالت تمتلئ بأصحاب الشهامة والمروءة
كل عام وانتم بخير
-
الشهامة والمروءة موجودة جوة كل واحد فينا لكن صعوبة الزمن و الظروف الى فى اللد خلت كتييير مننا يستغنى عنها !!
-
في اعتقادي شئ مؤسف ان الناس بتعامل ذوي الاحتياجات الخاصة بطريقة مبالغ فيها من الشفقة والعطف, تحس انها بتعمل معاك حاجز اسمه حاجز المعاقين. عاملني كشخص عادي حتى لو كنت معاق لإنّي مش معيوب.
مع الاسف الناس بتتضايق في الأوّل لكن بعدين بتتعود على المعاملة الخاصة دي ومبتفرقش معاها.
-
زي ما في معدومي الضمير و الاناني في برضه ناس طيبه و يستحقوا لقب إنسان زي اللي حضرتك قابلتهم دول و علي فكره مش موضوع أعاقه و لا موضوع محتاج او مش محتاج. ببساطه هما عايزين يعملوا حاجه كويسه وزي ما حضرتك اتبسطت من الحركه دي و ممتن ليهم لو عملتها في مجال عملك مع حد تاني ما تعرفوش برضه هيبقي مبسوط و يعملها مع حد تاني و هكذا و تخيل ساعتها المجتمع كله هيبقي عامل ازاي ؟ اكيد هيبقي حالنا افضل بكتير من الوضع الحالي
-
أكيد علشان أنت طيب وأبن خلال ربنا بيوقفلك ولاد الحلال ألي زيك ،
الخير موجود في كل مكان بس أحنا نشوفه .
-
ديه شهامة وأخلاق المصرى والعربى الاصيل
-
الموضوع مش موضوع أي حاجه غير أنها شهامه وضمير وناس حبت أنها تفرح غيرها زي لو أي حد طلب من حد طلب وعملهوله من غير مقابل دي بتبقى حاجه جميله وكويسه ويارب كل مصر تبقى كده نحب بعض ونخاف على بعض ومنعضش في بعض وكل سنه وحضرتك طيب
-
عن أبي هريرة أن رسول الله - صلى الله عليه وسلم - (1) قال: "إذا أحبّ الله عبدًا نادى جبريل -عليه السلام- (2) إني أحببت فلانًا فأحبه، قال: فينادي في السماء ثم تنزل له المحبة في أهل الأرض فذلك قوله -عَزَّ وَجَلَّ-: {إِنَّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَنُ وُدًّا (96)} (3) وإذا أبغض عبدًا نادى أني قد أبغضت فلانًا فينادي في السماء ثم ينزل له البغضاء في الأرض"
صدق رسول الله صلى الله عليه وسلم***لسة الدنيا بخير**
Content Relevant URLs by
vBSEO 3.6.0 PL2