-
استقسار بخصوص سجل تجارى
السلام عليكم و رحمه الله و بركاته
بصدد فتح محل بيع ملابس اطفال و محتاج اعرف تكلفه اصدار سجل تجارى و بطاقه ضريبيه و هل يتولى اصدارهم مكتب محاسبه ام محاماه؟
ما هو متوسط الضراب السنويه المتوقعه على محل صغير 32 متر و غالبا مش متوقع له ارباح ضخمه خلال عامه الاول؟
هل لو قررت اغلاق المحل فى اى وقت ساواجه مشاكل مع الضرائب؟
و جزاكم الله خيرا.
-
السجل والبطاقه ممكن محاسب هو اللى يستخرجهم لك
البطاقه الضريبيه مش بتصرف لكن السجل ممكن لانك بتدفع حسب راس المال اللى حضرتك فاتح بيه انصحك
تفتح براس مال 5 الاف مثلا هتدفع عليهم تقريبا 300 جنيه (رقم تقريبى )
ولو قفلت المحل عادى جدا هتعمل اخطار توقف للضرايب والمحاسب هيصفى لك بسيطه جدا ان شاء الله
وربنا يبارك لك فى حلالك ويرزقك ان شاء الله
-
كلها مصاريف هبله على رأس مال 5000 جنيه
-
انا متشكر جدا لردود حضراتكم
بالنسبه لاصحاب المحلات كيف تتعاملوا مع الضرائب و هل التقدير بيكون عشوائى ام بناء على الفواتير لانى متخوف منهم جدا
و شكرا
-
مفيش خوف ولا حاجه ياريت كل المؤسسات زى الضرايب انت تخاف من التأمينات وتخاف من الامن الصناعى (بيجيبوا حبس )لكن الضرايب محاسب وبيشيل عنك الليله
النظام الجيد انك انت اللى بتقول انا اشتغلت وكسبت ايه وعليك ضرايب ايه مش زى زمان يبعت لك رقم خرافى علشان انت تروح لهم تجرى وتطلب منهم تظلم ولجان تظلم وفحص وبترسى فى الاخر على الرقم الصحيح .. دلوقتى لانهم رفعوا الاعباء لصاحب الغمل ل 5000 جنيه الضريبه قلت تخيل هم عاملين لصاحب العمل اعباء معيشيه خمس الاف طبعا ميكفوش شهر مصاريف بس هو نظام عقيم
هتقولهم مكسبك كام وهتقدر لنفسك الضريبه لكن احترس من عينات الفحص العشوائى وبتنزل لك لجنه الله اعلم امتى وتفحص كلامك واقرارك الضريبى هل هو صحيح ولا خاطىء
متقلقش نهائى من الضرايب واعمل مشروعك وتوكل على الله
-
انا كتشكر جدا لجضرتك يا استاذ طارق و كلامك طمنى كتير ...جزاك الله خيرا
Content Relevant URLs by
vBSEO 3.6.0 PL2