ايه ياجماعه اسعار العربيات دي عاوز عربيه ودخلت علي كونتكت كل حاجه رافعه 10000 او 15000 ايه اللي حصل يعني البنزين غلي والعيشه كليها غليت والناس بترفع في اسعار العربيات اعمل ايه دلوقتي استني شويه ولا اشتري أي حاجه وخلاص ولا اعمل ايه
عرض للطباعة
ايه ياجماعه اسعار العربيات دي عاوز عربيه ودخلت علي كونتكت كل حاجه رافعه 10000 او 15000 ايه اللي حصل يعني البنزين غلي والعيشه كليها غليت والناس بترفع في اسعار العربيات اعمل ايه دلوقتي استني شويه ولا اشتري أي حاجه وخلاص ولا اعمل ايه
الاسعار بتغلى من سنه مش من دلوقتى
تهريج واستهبال وكل اللي معاه حاجه فكرها زيرو ده غير أن النت اتملي تجار كتير ومعارض من رأيي اشتري عربيه من حد تعرفه
فعلا اسعار العربيات فى تزايد مستمر ومحدش عارف ايه السبب
ده هبل واللي يجنك ان مع غلو البنزين و رفع سعره لمده 5 سنين
اصحاب السيارات السعات العاليه بيستعبطوا اكتر بدل مايخلص منها
انا عن نفسي بنزل 10000 من سعر العربيه علي النت عشان اعرف رنجها الطبيعي
العلاقة طردية بين سعر الجديد و المستعمل
كلما ارتفع سعر الجديد نظرا لتدهور قيمة الجنيه ارتفع سعر المستعمل
لان غالب من يعرض للبيع يكون بهدف الاستبدال بالاحدث
لذلك اسعار المستعمل ترتفع
سيارات مستعملة | تويوتا | كورولا | 1300 سي سي | موديل سنة 2007 - ContactCars.com اتفضلوا وبالذات اصحاب التويوتا بيقولك سعر مميز للجادين طالب 135 بتمن بي ام 2006 وباسات 2006 واغلي منها دي عينه بس
كله بيغلي بس لو هتشتري متشتريش من تجار
علشان الزيرو علي جدا فوق الطبيعي بكتير
المشكله ان في ناس كتير بتقيم عربياتها اعتمادا علي الإعلانات اللي حضرتك بتشوفها دي و ده بيؤدى الي انك بتلاقي الاسعار مرتفعه جدا و ممكن يطلع في الاخر ده بسبب تاجر او اتنين عاملين اعلان و طبعا بيبقي الموضوع بسنه الصنع و ملوش دعوه بحاله العربيه الفعليه و لا حتي عداد الكيلومتر. في ناس تانيه بتبقي عايزه تجيب موديل احدث و مع زياده الزيرو الزيادات الكبيره اللي حصلت في السنين اللي فاتوا - بيبقي عايز يقرب الفارق في السعر علي قد ما يقدر علشان يقلل المبلغ اللي هيدفعه في الجديده و بيبقي عامل حسابه لو جابت المبلغ ده هيبيع و يشتري الزيرو و الا هيكمل بيها و يلغي فكره تحديث الموديل و النوع ده من البائعين بيبقي غير مستعد للنقاش او الفصال و يستحسن تبعد عنه. النوع اللي ممكن تشتري منه هو اللي بيبيع علشان مسافر فعلا او محتاج الفلوس وده بيبان من الكلام مع البائع. لو عايز نصيحتي في ظل الظروف الحاليه و ان الاسعار كلها مرتفعه سواء بسبب او بدون سبب ، يبقي ما تدورش في موديلات قديمه زي 2006 و الأقدم و لكن خليك في موديلات 2010 فيما فوق و السبب انها موديل حديث و ده يقلل احتمال وجود أعطال او مشاكل و التكنولوجيا فيها اعلي و السعر بتاعها هيبقي معقول مقارنه بسعر الزيرو مع سنوات الاستخدام و عداد الكيلومتر فحتي ساعتها لو كانت أغلي حبتين الا انك هتاخد بيها حاجه مش زي القديم قوي اللي فيه مشاكل و كمان غالي
الاسعار على النت معظمها مش حقيقية ,, و اللى بيعلن قاصد يعمل كده لاسباب كتير
و ان كانت الاسعار فعلا كل شوية بتزيد بس مش للدرجة اللى هتحسها لما تدور على النت
السوق الحقيقى اسعاره اقل بفرق واضح بس المشكلة ف الناس اللى معندهاش خبرة خالص
و بيبنى وجهة نظره على الاسعار اللى على النت ,, دا بقى التعامل معاه بيبقى كارثة لما يجى
يبيع عربيته
مشكلتنا ف مصر ان البلد فقيره و العربية فيها سلعة معمرة بتورث لأجيال
و طالما الزيرو بيرفع يبقى لازم المستعمل هيرفع
الحقيقة مفيش اي حاجة غليت
ولكن قيمة الجنيه انخفضت ، وهو ما ينعكس على المستوى العام لجميع الاسعار
الناس تشتري زيرو غالي
ولا انها تشتري مستعمل ميستهلش سعره فرأي
اسعار النت دي اشتغاله
فعلا دا فى واحد كان حاطط 131 موديل 1979 ب 27 الف
استهبال و جشع بس كدا
مش فاهم بردو ايه علاقه النت بالموضوع مهو الناس اللى بتغلي كانت بتغلي اكيد بردو قبل النت