عرض للطباعة
السلام عليكم
بصو يا جماعة هو سؤال ساذج
بس أنا مش من القاهرة والمبلغ ده كل اللى حيلتى فعاوز أستثمر المبلغ فى عقار سعره يزيد
وفى نفس الوقت يبقى ليا مكان فى القاهرة لو احتاجت اعيش فيه فى اى وقت
انتو شايفين ايه المناطق اللى المبلغ ده يجيب فيها شقة ؟؟ ومواصفاتها ايه ؟؟
بس يفضل ما يكونش مكان شعبى ويفضل يكون قريب من المعادى والتجمع والمناطق دى
انا سمعت عن مكان اسمه عباد الرحمن وغيره
انتو رأيكم ايه ؟؟؟
عندي شقه في الشروق بالقاهره الجديده ف حدود 86 متر تعالي شوفها ولو عجبتك منختلفش ع السعر ان شاء الله
طبعا يجيبولك شقه
كل ما المكان يبقى اعلى من حيث الوسط, هيكون المساحه اقل
شوف انت عايز ايه بالظبط او فين
لان كده العمليه مفتوحه شويه
فى التجمع الاول اسكان الشباب ..
ممكن تلاقي ف الشروق شقق من 100_110م..
ودي منطقه كويسه جدا مش شعبيه خالص وقريبه من مدينتي والرحاب والتجمع
في مواقع مخصوص ع النت لبيع وايحار العقارات وتقدر تدور ف حدود المبلغ اللي معاك
معرفش مسموح اقول اسامي مواقع ولا لا بس ممكن تدور ع الجووجل وهتلاقي كل حاجه
شكرا جدا يا جماعة
[overline]اقتباس:
المشاركة الأصلية كتبت بواسطة 4fun14
طب دلوقتى أنا قرأت كتير ووصلت لأن الشروق والعبور منطقتين كويسين جدا
انت تفضل أنهى فيهم ؟؟
يعنى تكون حاجة
- كويسة كاستثمار
- كويسة كمعيشة
- متكونش محدوفة بعيد عن القاهرة يعنى تكون قريبة من كل المناطق
انتو شايفين ايه ؟؟[/overline]
كويسه كاستثمار تاخد الحصاد كمان قد ايه دي تفرق في المبلغ .. في مناطق ف التجمع الشقه مثلا توصل ل 600 الف
بتزيد كل فتره ودي قدامها قليل جدا وتعتبر استثمار كنت شوفت شقه اصدقائي اللي ليهم خبره قالولي عليها وقالولي هتزيد في خلال اسبوعين وده كان قمه دهشتي ان سعرها زاد 6000 في المتر و دي كان سعرها 700 الف ...
و ك معيشه في منطقه هتبقي راقيه في ف التجمع شقق ب 500 برده ف نفس حدود المترات بس لسه مسكنتش كلها ومجرد سكونها سعرها هيزيد مع العلم ان سعرها ف الاساس كان ف حدود 350 وزادت بسعر ملحوظ في وقت قليل .. و دي مكانها كويس للمعيشه والتأجير والمستقبل هيكون ليها ,, بعيد عن اسكان الشباب و المناطق الشعبيه ..
الشروق و بدر و المدن الجديده ميزتها دلوقتي ان سعرها كويس بس لسه مشتهرتش عشان هي علي نطاق اوسع ف هي اللي هتاخد المستقبل بعد التجمع وبعديها مدينه بدر ..
بالنسبه للمكان هتكون المنطقه بتاعت التجمع اللي بقول لحضرتك عليها في مشروع اسمه عصفور الجنه
تاني منطقه هتكون الشروق
تالت منطقه بدر