السلام عليكم
هو نيو صني 2014 مجهزه ل Parking sensor , , و وحده رفع ولو حد ركبهم في التوكيل
هل بيبقي انواع كويسه فعلا ؟
والتكلفه كام ياريت لو اي حد ركب يقولنا
السلام عليكم
هو نيو صني 2014 مجهزه ل Parking sensor , , و وحده رفع ولو حد ركبهم في التوكيل
هل بيبقي انواع كويسه فعلا ؟
والتكلفه كام ياريت لو اي حد ركب يقولنا
الباركينج سينسور و و حد الرفع يركبوا علي اي عربيه طالما الازاز كهرباء
والتوكيل لما يركبهم علي حسب هو هيركبلك ايه :)
انا مركب الوولف مصري في مكن الرفع الواحده بترفع ازازين ب 100 جنيه وكويسه مش وحشه بالمره
والباركينج سينسور اي حد ممكن يعملهالك مش صعبه خالص :)
طب خلاص ركبهم ف التوكيل .. واكيد لو ركبتهم بره هتخرج بره الضمان ف خليك ف السليم احسن
معظم التزكيلات بترخم قوى في موضوع تركيب كماليات أضافية , لما بيركبوها بيركبوها بخمس مرات أضعاف ما بتركب بره و علشان طبعا ما تخرجش بره الضمان بتضطر تركبه عندهم
ما دا ال بصراحه مزهقني يعني ايه المشكله ان انا اركبها من اي حته يعني دي كلها حاجات مش محتاجه
علي العموم انا مستني رأي الاعضاء لو حد ركب عندهم ان شاء الله
ولو في الاخر ما وصلتش لاي حاجه لما اروح انا ان شاء الله اول صيانه هقولكم الاسعار
شكرا ليك يا باشا
اولا . كل سنة وانتو جميعا بخير
ثانيا . انا ركبت parking sensor للنيو صني من حوالي شهر في اوتو ايجيبت ابورواش كلف حوالي 525 جنيه شامل السعر و التركيب و رش السنسور بنفس لون الاكصدام و ضريبة المبيعات و المصنعيات
ثالثا . حتي اﻻن مفيش وحدات رفع معتمده من التوكيل للتركيب في النيو صني وقاللولي ممكن كمان فترة يعتمدوا وحدات رفع عشان اي تركيب خارج التوكيل هيطلع الضفيرة من الضمان
هما ركبو الاربعة من ناحية الكفاءة بصراحة مش هاقدر افيدك اوى عشان اول مرة اركب سنسور بس هو بالنسبه لي كويس وبيؤدي الغرض
هو اساسا حجمه صغير ( مفيش مشاكل مع الشمس )ومركبينه بصراحة في مكان عاجبني فوق مرايه الصالون والسللك بتاعة متسقط حلو من السقف وتقريبا مش باين