مسافر و في ورطة و السبب غبور..ساعدوني يا رجال ؟!!

بإختصار غبور ال*** ربط العجل بمفتاح هواء بوظ الصواميل

-الكاوتش نام جيت أغير الاستبن 2 صمولة فوتوا و أنا في العلمين و محدش فاهم اعمل انا ايه اخد ونش اروح توكيل اسكندرية مفيش خراطين هنا بتوع الكاوتش مفيش مش فاهمين

المساعدة يا رجالة

خلى حد بتاع كاوتش يرفع العربية بالكوريك ويصلح الفردة و هيه راكبة فى العربية ... ولما ترجع بالسلامة ابقى ارجع للتوكيل خليهم يحلوها زى ما خربوها

-لا ما الصمولة بقت ولا بتفك ولا بتربط يعني لازم يتكسروا الصواميل :(

خلاص صلح بس الكاوتش دلوقتى وهوه راكب .. بتاع الكاوتش ينفخ العجلة و بشوية مايه وصابون فى ازازة يكشف عليها و يشوف فين مكان الخرم و يعمله خابور ... انا بعمل كده كتير لما بكون مستعجل و مش فاضى افك العجلة .. ولما ترجع ان شاء الله شوف مخرطة تعملك موضوع الصواميل ده

هى رأس المسمار نعمت ؟ يعنى بقت دائريه بدل ما تكون مسدسه ؟ لو كده فى مفتاح كلاب
( كللاب) بيكلبش فى المواسير الدائريه ويلفها تلاقيه عند بتوع العده . لو جنوط كروم جايز ماينفعش الحل ده انما ينفع لو ممكن تشيل الغطيان البلاستك للجنط الحديد . ربنا معاك وقول لنا عملت أيه

عادي

اكسرهم

والميكانيكي بيحل الطنبوره وهيه راكبه وبينطر المسمار

وتجيب عيره

متقلقش

Sent from my SM-N900 using Forum Runner

-مفيش ميكانيكية ..هو بتاع الكاتوش بس و مش لا قي خراط

-هل التوكيل يبعت ونش من أسكندرية لاني خلاص مش مأمن لحد من الصنايعية في المتطقة (مش فاهمين)₩

-عملوا كل الطرق مفيش حاجة بتتكسر أو تفك و ابتدوا يفتوا دلوقتي.

اقتباس:

---

المشاركة الأصلية كتبت بواسطة fo1fo

هى رأس المسمار نعمت ؟ يعنى بقت دائريه بدل ما تكون مسدسه ؟ لو كده فى مفتاح كلاب
( كللاب) بيكلبش فى المواسير الدائريه ويلفها تلاقيه عند بتوع العده . لو جنوط كروم جايز ماينفعش الحل ده انما ينفع لو ممكن تشيل الغطيان البلاستك للجنط الحديد . ربنا معاك وقول لنا عملت أيه

---

ﻷ سليمة بس بتلف على الهواء ولا بتفك خالص و لا بتربط خالص :(

اقتباس:

---

المشاركة الأصلية كتبت بواسطة دكتور خالد

خلاص صلح بس الكاوتش دلوقتى وهوه راكب .. بتاع الكاوتش ينفخ العجلة و بشوية مايه وصابون فى ازازة يكشف عليها و يشوف فين مكان الخرم و يعمله خابور ... انا بعمل كده كتير لما بكون مستعجل و مش فاضى افك العجلة .. ولما ترجع ان شاء الله شوف مخرطة تعملك موضوع الصواميل ده

---

-ما العجلة مش بتربط فمش عارف اسوق العربية

اقتباس:

---

المشاركة الأصلية كتبت بواسطة toty_305

-ما العجلة مش بتربط فمش عارف اسوق العربية

---

كده ملهاش حل غير ونش و تروح لخراط

حصلت معايا قبل كده
تروح تلحم مسمار علي المسمار اللي باظ و هيتفك بإذن الله
دي مشكله المسدس بتاع الضغط لو قرص علي المسامير هتطلع عين اللي يفك بعد كدا

اقتباس:

---

المشاركة الأصلية كتبت بواسطة adnfalcon

حصلت معايا قبل كده
تروح تلحم مسمار علي المسمار اللي باظ و هيتفك بإذن الله
دي مشكله المسدس بتاع الضغط لو قرص علي المسامير هتطلع عين اللي يفك بعد كدا

---

فعلا هو ده الحل الامثل

-حوار لحام ده لو فرده نامت تاني هزعل جامد

اللهم فك كربه وأبلغة مأمنه

والله حضرتك انا مش برد خالص بسبب ظروف عندى
اللى هاتعمله كالتالى
تروح ﻷى واحد بتاع كاوتش وتعمل الخرم بخبور وتمشى عليها وتروح ﻷى واحد بتاع لحام على سبيل المثال بتاع شكمانات
هايقصلك الصاموله وهاتروح بعدها لميكانيكى او تعملها بنفسك
طبعا هاتشترى 3 مسامير بصموله قبل ما تروح
اللى عرفته ان مسامير تويوتا النص نقل تنفع عندنا لو عربيتك النترا ﻷن المسامير بتاعت هيونداى وحشه والصواميل بتاعتها زباله
فيه طريقه تانيه بس عايزه حرفنه جامده وباور عالى .... انك تضغط على المسمار زى ما تكون عايز تتنيه ..... بس فعلا الطريقه ديه صعبه جدا

أسألكم الدعاء لوالدتى

اكتب رقم تليفونك

-الحمد لله يا جماعة زي ما أستاذ msobhy قال جيه السمكري و سخن المسمار و قطع و فك العجل و أشترى 4 مسامير و غيرهم

أنا إحتفظت بالقديم عشان هروح التوكيل افضحهم و هطلع الاستراحة اعرف الناس عربياتهم بيحصل فيها أيه

الحمد لله اتحلت المشكله

حمدالله عالسلامة يا كبير و الحمدلله انها جت على كده

حمدا لله علي سلامتك وفعلا غبور مش اول مره يعملها حصلت مع عضو هنا قبل كده والمسامير اتكسرت لانه مش بيظبط عزم المفك الكهربا اللي بيربط وبيدي عزم اكبر من عزم ربط المسمار فبيحصل كده