المشاركة الأصلية كتبت بواسطة tamermadi
السلام عليكم
و عليكم السلام و رحمه الله و بركاته
كل سنه وحضراتكم طيبين
وحضرتك طيب و بصحه وسلامه
انا عاوز اشتري ميجان وعندي شوية استفسارات هتعبكم معايا فيها شويه
الف مبروك مقدما
ميجان سيدان ٢٠٠٥ و ٢٠٠٦ phase 1 رينج اسعارهم ايه اول فئه اوتوماتيك عربيه كويسه عداد في حدود ١٠٠ ألف
المحترمه يا سيدي من 65 ل 70 الفئه دي و اللي اعلي منها
وهل في فرق كماليات وسعر كبير بينهم وبين phase II
الفروق الجوهريه شكل الفانوس الخلفي + شكل الاكصدام الامامي و الفوانيس الاماميه + علبه فيوزات الموتور و ضفيره الموتور + نور العدادات و الطابلوه برتقالي في PH 1و ابيض في PH 2+ شكل الجنوط الاسبور مختلف في الموديلين
البانوراما بيكون فيها مثبت سرعه ؟ رينج سعرها ايه برضو ؟
مش كلها على حسب بس غالبا اه
التكييف التاتش موجود في انهي فئه في phase I
موجود في اعلى فئه البانوراما
هل الكاسيت بتاع ٢٠٠٧ ال update list يتركب مكان ال tuner list ? والشاشه والمالتي هتشتغل ؟
بص انا عربيتي 2006 PH 1 و الكاسيت بتاعها Update list فمقدرش افيدك في الموضوع ده
اكشف على العربيه فين في اسكندريه ؟
افضل مكان التوكيل اللي في العامريه او في سموحه
الكشف على العربيه في توكيل سموحه او العامريه بكام ؟ وبياخد وقت قد ايه ؟ ولازم بالحجز ؟
حوالي 600 جنيه او اكتر مش فاكر بالضبط اخر سعر للكشف كام .. وده الكشف الكلي عالعربيه كلها شامل الصاج و الكهرباء و الميكانيكا و بتحجز قبلها برقم شاسيه العربيه و اسمك و هيحددولك ميعاد لو فاضيين هتنجز في نفس اليوم لكم لو في ضغط ممكن تبقى يومين
اسف يا جماعه على الاسئله الكتير دي
لا يا سيدي ولا يهمك اسأل كلنا هنا اخوه
شكرا
