السلام عليكم ياشباب
لو سمحت هو زيت التعاون التخليقى درجة لزوجتة كام وسعرة كام واية رايكم فية ؟؟
عرض للطباعة
السلام عليكم ياشباب
لو سمحت هو زيت التعاون التخليقى درجة لزوجتة كام وسعرة كام واية رايكم فية ؟؟
ابعد عنة البخر بتاعة عالى
طيب الحالة دية كانت مع حضرتك بس ولا مع كل اللى استخدمة؟
انا مستعملتوش بس في اعضاء كتير جربوة و قالو كدة
هههههههههه لا يبقى بلاش منة احسن مش ناقصة
لو كانوا اللي جربوه أصحاب سيارات أوروبية حديثة.. احتمال كبير ما ينفعش معاهم.. ﻹن العربيات الأوروبية عايزة زيوت ليها بعض المواصفات الخاصة.. والأكتر من كده لازم الزيت يكون معتمد من الشركة الأم.
ما اتوقعش الكلام ده يكون حاصل مع زيوت التعاون
إنما أعتقد إن لو العربيات كوري أو ياباني يبقى معندهاش مشكلة
...
طب و لما بخره يبقى عالى و النفس درجة حرارته اعلى من الزيوت العادية مع فيات128 و الخرطوم ينثنى من شدة الحرارة يبقى ايه نظامه ؟
هو فعلا صناعة الموتور بتفرق فى نوع الزيت مش المفروض انها مواصفات واحدة بس بتفرق فى الأضافات الخاصة بكل شركة
ماهو ده اللي بنقوله يا فندم
الزيت غير منسب لل128... مش علشان هو تخليقي.. لأ... علشان لزوجته غير مناسبة للموتور
المعروف إن الزيوت التخليقية لزوجتها منخفضة بشكل عام.. يعني بنتكلم على 5w-30 .. 5w-40
اللزوجة دي ممكن تكون مناسبة للاستخدام في المواتير الحديثة علشان الخلوصات بتاعتها بقت أضيق من المواتير بتاعت زمان
إنما لو حضرتك رجعت لأي كتالوج لعربية قديمة ( أقدم من 25 سنة ) كان لا يمكن تلاقيهم بيوصوا بزيوت أخف من 15w-40 إطلاقا.. وغالبا كان أنسب زيت للمناطق الحارة هو اللي لزوجته 20w-50
باختصار... الموتور سخن بالطريقة دي لإن الزيت مبقاش يعمل طبقة كافية للتزييت .. اللي بيها يسهل الحركة وبالتالي يمنع التآكل ويقلل من تكون الحرارة الزايدة..
هل حضرتك جربت زيت تخليقي تاني في العربية؟؟
أنا عن نفسي ما أتوقعش نتايج مختلفة.. حتى ولو جبت أغلى زيت في السوق.. علشان أي زيت لزوجته منخفضة ببساطة غير مناسب للعربيات القديمة في منطقتنا.
لو عايز تعرف ازاي تختار الزيت بشكل صحيح.. انصحك تقرا الموضوع ده
http://www.nilemotors.net/Nile/341680-a.html
...