استفسار عن المرور بالأجهزة الالكترونية من المطار وانت راجع مصر

السلام عليكم ورحمة الله

ياجماعة عدد من صحابى وقرايبى طلبوا منى اجيب لهم موبايلات وانا نازل مصر، وانا محصلش انى جبت عدد من نفس الحاجة وانا معدى من المطار. فعايز اعرف ايه النظام بالنسبة للجمارك فالمطارات، خاصة بعد السعر الكوميدى اللى وصله الجنيه المصرى، فالأسعار مبقيتش مستحملة جمرك.
هل اقدر اعدى عادى بموبايلين تلاتة غير موبايلى (الاستعمال الشخصى)؟ هل فى عدد معين اقدر اعدى بيه من غير جمرك (غير موبايلى)؟ هل فى اى حل للموضوع ده؟
أى معلومة زيادة او تعليق حيفيد، وشكرا

اعتقد حتي 5 موبايلات هتعدي ان شاء الله وانت ليك حتي 3 موبايلات استعمال شخصي
في ناس اعرفهم نزلوا قريب معاهم 4 موبايلات و2 لاب توب وعدوا تمام غير 2 موبايل استعمالهم الشخصي

مفيش حد بيفتش اساسا

شكرا ليكم جدا
انا اعرف ان جهاز الشنط بيشوف الاجهزة والشنط مقفولة. انا كنت قلقان من كده.
طيب يعنى لو الاجهزة جديدة والعلب متبرشمة بتعتبر من ضمن الاستعمال الشخصى عادى؟ ولا الاستعمال الشخصى يعنى العلب مفتوحة والموبايل مثلا فى جيبك؟