ركن السياره فى الشمس......ما هى الاضرار؟؟؟
عرض للطباعة
ركن السياره فى الشمس......ما هى الاضرار؟؟؟
علي المدي البعيد بهتان لون العربيه تشقق التابلوه الاجزاء البلاستيكيه في داخل العربيه بتتلف بصوره اسرع وشكرا
احتمالات شروخ الزجاج الامامى والخلفى
هل فتح الزجاج السياره اثناء الركن يقلل الضرر ،،؟
بالنسبه للتأثير علي جسم العربيه الخارجي ده لا مفر منه انما بالنسبه لداخل السياره ممكن تحط شماسات عند الزجاج الامامي و الجانبي اللي الشمس بتيجي عليه
و الله دي حركه باستغرب منها قوي لما باشوف ناس عاملينها و اعتقد ان ضررها اكتر من نفعها : فتح الزجاج هيخرج جزء من الهواء الساخن علي حسب نسبه فتح الزجاج و يجوز يقلل من تكوين شبوره علي الزجاج من الداخل لكن ملوش اي تأثير علي أشعه الشمس الداخله للعربيه و في الاغلب الجزء المفتوح بيبقي صغير فمش هيعمل تأثير ملحوظ مقارنه بقفل الزجاج عادي او فتحه قبل بدء التحرك بالسياره. بالنسبه بقي للعيوب و الموضوع برضه متوقف علي نسبه الجزء المفتوح هتلاقي انها ممكن تدخل حشرات او حتي عِرسه داخل السياره كما انها ممكن عن طريق تمكن حرامي من فتح العربيه عن طريق فتح المسوجر بالاستعانة يقطعه سلك و لو كان الجزء المفتوح صغير لتلافي المشاكل دي يبقي مش هيبقي ليه اي تأثير و زي قلته
شكرا ليكم جميعا
يجب فتح وغلق نوافذ السيارة من حين لآخر لتجنب انخفاض درجة حرارة السيارة، لأن عند تشغيل مكيف السيارة تنخفض درجة الحرارة بالداخل عن الخارج فتضغط على الزجاج مما يؤدى إلى ما يعرف بسرطان الزجاج.يعنى الحركه ديه المفروض تتعمل و التكييف شغال مش زى مالناس فاهمه تعملها و هى مركونه فالشمس
انا بفضل الغطا يبقي علي العربية دايما
حكاية فتح الزجاج ممكن تستبدلها بتغيير وضع التكييف ل فرش اير
الهدف ان الهوا ممكن يتمدد ولو العربية محكمة ممكن الزجاج يسرطن
المشكله من الفايبر بتاع العربيه من جوه ممكن يطق او يتشقق او كل ده
الدهان الخارجي والتبلوه
كنت قريت هنا معلومه في أخبار المنتدى بتقول إن ركن العربيات في الشمس ممكن يخلي العربيه تسييييييييييييح ..أيوه زي ما إتقريت كده ..تسيح ..أنا ضحكت قوي بصراحه ..وقلت إيه الهبل والسخف ده ..هي العربيه شمع وإلا إيه ..وبصراحه طنشت ..وقلت في نفسي ..إن الشمس آخرها ..تفرقع المعجون اللي على العربيه ..تبهت البويه ..الزجاج يضرب فيه السرطان أو يبقى ضعيف ..أهو أي حاجه إلا حكاية إنها تسيح ..بس الموضوع طلع بجد ..وإتأكدت لما كنت بتكلم مع واحد بوهيجي عربيات وبسأله على شغل هعمله في عربيتي ..شغل وش نضافه مش أكتر ..المهم البوهيجي وراني تقفيعات بسيييييييييييطه قوي في جناب العربيه وفي السقف ..وورهالي بطريقة معينة كده أنا نفسي لما روحت البيت وكنت عاوز اشوفها تاني معرفتش أجيبها ..جه على جنب العربيه كده وقام ماسح مسحه ..وبعدين قام جايب لمبه ومسلطها بزاويه معينة ..لقيت فعلا في تقفيعات خفييييييييييييييييييييييي فه ..ولما سألته من إيه ده ..قالي من الشمس ..وبعدين أنا بصراحه حسيته بيهبل ..قام مورهالي في عربيه تانيه واقفه جنب الورشه عنده .وعربيه تالته ..المهم بقيت وأنا ماشي أبص على العربيات اللي واقفه في الشارع عشان أشوف الموضوع ده موجود ولا لأ ..وفعلا ..لقيته موجود في عربيات كتير بس بنسب متفاوته ..قلت في نفسي ..يمكن الخبر اللي قريته على المنتدى صح
الغطا الحمايه الاكتر فعاليه في الموضوع دا ويكون من النوع اللي بيعكس مش بيمتص الاشعه