لوسمحتم أنا نويت أسقط موتور للعربية بس مش عارف موتور كامل ولا شورت بلوك ، هيبان لما أحل المكنه والميكانيكى يقرر ، وعاوز أعرف الاسعار .
فياريت لو عارفين أرقام تليفونات أفضل تجار الاستعمال فى اسكندرية أو بورسعيد علشان أتصل وأعرف الاسعار وهل الاسعار بتختلف فى بورسعيد عن اسكندرية . أرجو الاهتمام ولسيادتكم جزيل الشكر
1- العالمية بالدخيلة قريب من المحكمة
2- ثري ستارز يسري عبد العال امام موقف العامرية خلف كوبري القباري بس ده سفاح شوية ولكن عنده كل حاجة
3- الفرهدة اسامة النيلي
4- الرشيدي (ايمن الرشيدي ) الحمد ( محمد حسنين وابن عمه احمد )
5- الالمانية وانت جاي من العوايد علي الساعة وفي واحد اسمه رضا قبل منه بحوالي 200متر
6- المدينة المنورة - عمرو النمر- فنتازيا - فينيسيا - هؤلاء بمنطقة السيوف شماعة
7- عدس - نبيل النمر وهم بشارع العيسوي سيدي بشر وانت رايح علي سنترال ميامي
شكرا جزيلا أستاذ / حسن ، على سرعة الرد بس ياريت لو فى ارقام تليفونات هتريحنى كتير
1- ثري ستارز يسري عبد العال 01006756780بالقباري
2- الفرهدة اسامة النيلي 01227416379
3- الحمد ( محمد حسنين 01225796236 ) بصلاح الدين
4- الالمانية رامي 01223333120 بالسيوف
5- المدينة المنورة (عبدالله الكهربائي01004312468)بالسيوف
6- عمرو النمر (01207619450)بالسيوف
ألف شكر يا أستاذ / حسن _ على زوق واهتمام حضرتك وانى أزعجتك فى التليفون
وكل عام وحضرتك بخير
حضرتك الأول حدد انتا محتاج ايه موتور كامل بوحدات الغذية ولا شورط بلوك فقط ودا لو وش السلندر عنك حالتة كويسة يبقى هات شورط بلوك حيعمل فى حدود 1600 لاكن لو حتجيب الموتور كامل حيعمل فى حدود ال 3000 جنية فك الاول وشوف احتياجاتك بعدين انزل بور سعيد او اسكندرية حتلاقى طلبك بلاش اتصالات واشتغالت بص بعينك لأن غالبا الكلام فى التليفون زى بالظبط الكلام بتاع الفيس بوك بينزل على النص او اقل كمان***
برجاء تسبيت الموضع ليصبح دليل للاعضاء والكل يشارك مع ذكر المحافظة
يا تري وصلت لأيه بعد الاتصالات في موضوع الموتور والاسعار
مجهود مشكور من الاستاذ حسن
و ان شاء الله جارى الانتهاء من موضوع شامل للاماكن قطع الغيار على مستوى جمهورية مصر عربية و هيكون مقسم على محافظات مصر جميعا
حتى يكون دليل للاعضاء سكودا فى اى محافظة
وربك المستعان
و بالتوفيق ان شاء الله
سلامى لحضرتك يا استاذ / حسن
شكرا على اهتمامك ، والله أنا اتصلت بيهم كلهم والكل رد ان احنا فى أجازة عيد ، وكلام الاستاذ صبحى طلع مظبوط ان كلام التليفونات مش نافع ، المهم أنا امبارح حليت المكنة ولقيت الفارغة متاَكلة من عند مكان ربط مسامير وش السلندر والميكانيكى قللى نجيب مكنة كاملة وأنا صممت على شورت بلوك أو فارغة ، ورحت أنا والميكانيكى لفينا كتير ولقينا 90% من المحلات لسة فى أجازة العيد والمحلات اللى دخلناها لقينا فيها مكن كامل بس حالته مش كويسة واحنا ماشيين فى صلاح الدين على أساس اننا راجعين لقيت محل الرشيدى ولقينا عنده فارغة الميكانيكى قال حالتها كويسة وعلى بركة الله نجيبها ونحل محتوياتها وننضفها ونركب طقم شنبر وكله هيبقى تمام ، رجعنا بالليل وحلها ولقاها نضيفة من جوه وهو بينضف الوش لقاه محتاج يروح مخرطة علشان يتملى ويتقشط لأن فيه كام نقره بسيطة (الوش ده أنا كنت شاريه جديد غالى من سنتين ويارتنى كنت جبت استعمال ) وللأسف النهاردة الأحد والصنايعية أجازة وبكرة هاخد الوش وهأروح مخرطة (هشام) فى شارع 10 فى 45 وان شاء الله أنا متفائل خير
- الفارغة ب 1100 شاملة مصاريف تخليص الورق
- شنبر وجوانات 395
- زيت وفلتر وبنزين وسنفرة وسيلكون .. 135
-لسة مصاريف خرط الوش والمصنعية وعطلة الميكانيكى ، ودعواتكم ان ربنا يتمها على خير وتبقى كويسة
بالتوفيق ان شاء الله
هو لية سيادتك مسقطش موتور من بابه على الاقل هيجى استيراد مقفول ووش سليندر تمام و بلوك و شمايز و شنبر و كل حاجة تمام
و لو فى حاجة بيبقى على ضمان الميكانيكى
لانى انا شايف
الاسعار اللى انتا كاتبها
كالتالى
الفارغة ب 1100 شاملة مصاريف تخليص الورق
- شنبر وجوانات 395
تقريبا 1500 جنية انتا كنت رايحة دماغك و جيبت موتور من غير ادوات التغذية كان و هيكون تقريبا هيعمل من 2000 الى 2200 تقريبا و كنت هتكسب مكنة مقفولة بدل المصاريف و لسة هتفتح معاك
مصاريف خراط
ربك يسهل الحال
نصيحة منى يا صديقى العربية دى علمت الواحد حاجة
شراء العبد و له تربيته
ربك المستعان
شكرا لرد حضرتك يا بشمهندس أحمداقتباس:
المشاركة الأصلية كتبت بواسطة engahmedsayed
والله المكن اللى احنا شفناه تعبان وصعب يركب من غير ما تعمل فيه شغل ، والميكانيكى قللى ان مفيش حد بيديك المكنة دايره يعنى انت وحظك ، وبعدين أنا كنت ممكن أركب البلوكه زى ماهى وأركب عليها الوش وانت وحظك لكن أنا قلت للميكانيكى نعمل الصح لأنى مش عايز أحل كل شوية ،وبعدين أعتقد المكنة كاملة وحالتها ممتازه من غير أدوات التغذية سعرها يوصل 3000 وانت وحظك برده غير المصاريف التانية ، والامكانيات حاليا لا تسمح والحمد لله على كل حال
شوف هو كل شيئ بأمر الله والنصيب غلاب زي ما بيتقال ولكن انا من رأيي انك استعجلت شويهاقتباس:
المشاركة الأصلية كتبت بواسطة zizosobh
وانا لما قرات كلامك زعلت جدا انك اتسرعت ولو صبرت شوية كنت جبت موتور كامل بدون ادوات التغذية كان افضل من الشغل اللي ح يتعمل والتكلفة الزيادة وربنا معاك ويطلع الموضوع في الاخر بفائدة لك
بص انا من رايى لو الميكانيكى كويس وشاطر هيظبطلك الدنيا افضل من موتور استيراد الله اعلم بحاله
الموتور الاستيراد انت ونصيبك فيه بيبقى عامل زى البطيخة
ربنا يوفقك وتقبل تحياتى
شكرا لرد حضرتك ، وهو ده اللى أنا فكرت فيه ، أنا جبت العربية امبارح بالليل وأنا بأجرب ظهرت مشكلة فى البطارية والعربية ما دارتش الا بوصل من بطارية تانية وخدتها ومشيت بيها وعديت على كهربائى قاللى البطارية عايزة تتشحن (بطارية جافة ) وهى ونصيبها ، رحت شفت بتاع البطاريات لقيته قافل فقلت بكره أشوف الموضوع ده ، وانا ماشى لما كنت بأقف العربية بطلت مرتين ومادارتش غير زق ،والله الحاجات دى غطت على انى أتابع الموتور وأشوف نتيجته ، وشوية كده هاروح أشوف موضوع البطارية ،وأنا حاليا نفسيتى زى الزفت ، وأنا وصلت لدرجة انى مش طايق العربية وعاوز أبيعها . واسف على الاطاله .اقتباس:
المشاركة الأصلية كتبت بواسطة المنسي
اقتباس:
المشاركة الأصلية كتبت بواسطة zizosobh
انا معترض على ما فعلت و لاتعقيب الا ان اقول لحضرتك الله يتم ليك على خير**