عايز أشتري عربية أوتوماتيك زيرو و دلوقتي بفاضل بين السويفت و ال ٣٠١، و لو حد عنده خيارات تانية ياريت يفيدني.
عرض للطباعة
عايز أشتري عربية أوتوماتيك زيرو و دلوقتي بفاضل بين السويفت و ال ٣٠١، و لو حد عنده خيارات تانية ياريت يفيدني.
اخر سقف الفلوس كام ؟
انا بافضل السويفت وان شاء الله حاحجز سويفت سيدان
إذا كانت المقارنه بين السويفت و البيجو 301 . . . تفوز السويفت بإستحقاق و جداره و لكن إن إحتملت توكيل سوزوكى (مودرن موتورز)
هو ممكن الواحد يجيب العربية سويفت ويصلحها عند اى ميكانيكى بره بعيد عن التوكيل خالص ولا ما ينفعش
المشكلة توافر قطع الغيار و دى لازم هتكون موجودة طبعا عند التوكيل
وهو التوكيل عيوبه ايه مع انه نفس توكيل نيسان والناس بتشترى نيسان ومش خايفة
بيجو 301 أكييد
ارجو الرد
هو ممكن الواحد يجيب العربية سويفت ويصلحها عند اى ميكانيكى بره بعيد عن التوكيل خالص ولا ما ينفعش
المشكلة توافر قطع الغيار و دى لازم هتكون موجودة طبعا عند التوكيل
وهو التوكيل عيوبه ايه مع انه نفس توكيل نيسان والناس بتشترى نيسان ومش خايفة
البيجو طبعاً احسن وده ميمنعش ان السويفت كمان حلوة بالعكس دي تحفة .. بس مش بالموتور ال 1200 سي سي ولا بالسعر ده كله.. انا شايف انها بالموتور ده بقت فئة اقل من البيجو
ولو يهمك توفير بنزين يبقي هاتها وطبعاً هتستغني عن حاجات كتير تانية
البيجو اكيد
سوزوكى سويفت يابانى آه (دا لو كانت يابانى)
إنما زى هوندا او تويوتا طبعا لأ
سوزوكى سويفت يابانى تقفيل هندى
فى مقارنة السعر يبقى بيكانتو ما تستهلش السعر ده كله برده وعربيات تانية كتير
بصوا ياجماعة احنا لو في بلد محترمة كانت السويفت نزلت بمبلغ مش هيزيد عن 45 الف .. ولو كانت نزلت من سنتين او 3 هيا والاتراج سعرهم مكانش هيزيد عن 70 الف زي ماكانت السبارك وال i10 والبيكانتو بالسعر ده تقريباً لان كلهم نفس الفئة
الاتراج تبداء من 97000 مانيوال 3 فئات
البيكانتو تبداء من حاجة وتسعين اكثر من فئة
301 تبداء 110000 مانيوال ثلاث فئات
سويفت 99000 اتوماتيك فئة واحدة بس
الاسعار زادت قوى عن قيمة السيارات الفعلية
ممكن نستنى الجنيه يعلى !!!
حتستنا كتير قوى طول ما احنا مش عارفين نصنع محرك عربية
بسم الله الرحمن الرحيم
أخى الفاضل
أعتذر عن التأخير على حضرتك فى الرد ثم أما بعد.
أود أن أخبر حضرتك بأمرين:
الأول:
نظرآ لإرتفاع أسعار الوقود و التى لن تتوقف فإن ثقافة المحرك الكبير تتغير إلى العكس ليصبح البطل هو المحرك الصغير ذو القدره الكبيره. ولو لاحظت و دققت الملاحظه ستجد أن الوكلاء داخل مصر بدأوا فى إستيراد سيارات ذات محرك صغير عقب قرار رفع أسعار الوقود
الثانى:
إن أحببت أن تنتقد سيارات سوزوكى فستجد الكثير لتنتقده و تعيبه ولكنى لن تستطيع الإقتراب من محركات سوزوكى أبدآ. و إن من وجهة نظرى الشخصيه و من خبرتى مع سوزوكى 5 سنوات أؤكد لك هذه الحقيقه. محركات سوزوكى قويه و طويلة العمر
و أخيرآ . . . ظهرت مشاكل بالمحرك و الفيتيس بالسياره بيجو 301 و فى رأى الشخصى . . الوقت مبكر جدآ لأن تظهر العيوب فى سياره جديده (نفس العيوب ظهرت فى السيتروين سى إليزيه أيضآ). وإن أحببت أن تتابع هذه الأخبار فتفضل بزيارة قسم بيجو و سيتروين لمزيد من التفاصيل.
هداك الله لأرشد أمرك و أقومه
السلام عليكم ورحمة الله و بركاته
بسم الله الرحمن الرحيم
أخى الفاضل
ما إقترحته أنت هو ما أقوم أنا به بالفعل و لكن مع سيارتى الماروتى.
إن أصعب ما يواجه أى ميكانيكى هو:
1 - التشخيص الصحيح للعطل
2 - ثم التحدى الأقل صعوبه وهو التركيب الصحيح ثم التقفيل الدقيق
و إستنادآ على ذلك قد يصعب تشخيص بعض الأعطال على الميكانيكى لأن بالقطع هناك مجموعات من قطع الغيار الجديده و التى تمثل تكنولوجيا جديده تؤدى وظائف جديده لا يعلم الميكانيكى أصلآ عن وجودها
الإستنتاج بكلمات قليله:
تستطيع ذلك و لا تقلق من قطع الغيار لأنها متوفره فى أكثر من مكان و لكن إعلم أنك لن تغطى كل الأعطال و حتمآ ستضطر لأن تلجأ للتوكيل فى بعض الأعطال.
ما سبق ينطبق على:
1 - بعض موديلات نيسان (مثال: النيسان صنى الجديده)
2 - بعضها يمكن إصلاحه بالكامل عند الميكانيكى(مثال: كل موديلات الصنى السابقه للصنى الجديده)
3 - بعضها لا يمكن للميكانيكى الإقتراب منه (مثال: القاشقاى)
و هذا هو شأن كل الماركات الأخرى و ليست النيسان فقط.
السلام عليكم ورحمة الله و بركاته
ملاك العربية دى مش مخليين صغيرة و لا كبيرة الا و بيقولوها ، اللى الكاوتش بيتخرم بييجى يعمل موضوع ، اللى العربية بتتحك بيعمل موضوع ، اللى بيختار لون بييجى يعمل موضوع ، اللى بيتصل بالتليفون بالتوكيل بييجى يحكى المكالمة باسماء الناس !!!
متهيألى لوطبقنا الكلام دا على بقية الماركات عربيات كتير هتسقط بجدارة
زميلى مثلا معاه ريو بيشتكى من سخونة عن الماسك الاكواب !!!
لو سعر السويفت الاوتوماتيك 99 الف زى ما مكتوب يبقى صاحب الموضوع اولى ب 25 او38 الف جنيه
شكراً للرد بس انا أعرق ناس من ملاكها و نفوا الموضوع الخاص بأعطال الفتيس و قالوا انها حالات فردية و تم حلها مجاناً بسوفتوير جديد في التوكيل مع وجود نتشة بسيطة ممكن تفاديها بعد التعود على قيادة العربية. لكن أداء العربية جيد جداً مع التكييف. معرقش بس انا أشك ان السويفت بموتورها ال1200cc هيبفى أدائها مرضي خصوصاً لو العربية كاملة العدد و في الجو اللي احنا فيه ده
Kia rio or 301