مشكله غريبه فى فيرنا اتوماتيك (للخبراء فقط)
كل سنه و انتم طيبين و ربنا يعود علينا العيد دايما بسعاده
دلوقتى انا معايا فيرنا اتوماتيك بيحصل فيها كام حاجه غريبه جدا كلهم متعلقين بالفتيس
1- السفر او جوه البلد فى الحر الجامد يعنى اكتر من 30 درجه مثلا (اكيد بالنهار بس) العربيه ممكن تجيب الرابع او لآ من غير تكييف و مع التكييف مستحيل تجيب الرابع و انا مسافر مثلا لما اجى افرمل علشان مطبات التحويلات بحس بالنقلات و هى بتغير للأقل و للأكتر لما اجى اتحرك تانى
2- باليل او فى درجات الحرارة المنخفضه نسبيا - الكلام ده مبيحصلش و كانى غيرت العربيه اصلا و ركبت فتيس زيرو - مفيش احساس بالنقلات و بتجيب الأربع نقلات عادى ولا كأن كان فيها حاجه اصلا
انا مرضتش اكشف لحد ما اشوف الأراء و لو حد واجهته مشكله زى ده قبل كده
انا مغير زيت الفتيس من 5000 كيلو (ليكوى مولى المانى) و قلتر كامل بالصفايه و الموضوع محصلش من بعد تغير الزيت لكن بعدها ب 2000 كيلو مثلا او اكتر شويه و كشفت على الزيت اللزوجه تمام و مش ناقص
ملحوظه يمكن يكون ليها علاقه
وانا واقف و مدور الأر بى ام ساعات بينزل ل 0,5 و يطلع للعادى تانى اللى هو 0,7 و الموضوع ده ممكن يتكرر مرتين او تلاته فى خلال 10 دقايق وقوف سواء n او p و ده انا شاكك انه الأيدل بس معرفش اذا كان ليه علاقه باللى بيحصل فى الفتيس ولا لآ
