عرض للطباعة
السلام عليكم و كل عام و انتم بخير .
عندي استفسارين يا شباب الله يكرمكم :
1- مرور فيصل فيه دفع المخالفات لحد البيت ؟؟ لو اه ازاي الله يكرمكم ؟
2- انا اشتريت عربيه مرور فيصل اللي انا تبعه .. لازم افحص قبل ما نقلها باسمي ؟؟
يعني هو تاريخ الفحص 2015 و انا هاسجلها في نفس المرور لازم افحص ؟؟
و شكراااااااااااااا
انا حلاص عرفت اجابه سؤال ٢
لازم فحص طالما هانقل ملكيه
السؤال الاول ازاي ادفع المخالفات من البيت؟
حسب علمي مينفعش الا فى حالة ان العربية معلهاش مخالفات فى الحالة دى تطلب شهادة مخالفات تيجى لحد البيت
و عليكم السلام و رحمة الله و بركاته
معرفش هل مرور فيصل مفعل الخدمة دي و لا لأ
. لكن علشان تجيب مخالفات في أسرع وقت حضرتك تكون أمام الوحدة 8.15 و تجيب نموذج بيانات للنيابه و تديه لموظف شهادات البيانات هايطلعلك الرقم القديم في خلال ربع ساعة و يديك النموذج .. تختمة من باب رئيس الوحدة في دقيقتين و تطلع علي النيابة (خلف المرور) في حوالي 1/2 ساعة هايكون مع حضرتك شهادة المخالفات
مش صعبة
باقي الإجراءات
هاتطلع تفحص ..طابور الفحص و يكون مع حضرتك طفاية ساريه تحمل رقم شاسيه العربيه أو من غير أرقام (ميكونش عليها أرقام عربيات تانيه) و شنطة إسعافات و مثلث عاكس و ملف فحص
تفحص و تطلع العربيه بره و ترجع تكمل ورق الطفايه و الشنطه و البيئة و تختم من الظابط
و تطلع علي الوحده لو العربيه فيها ضريبه مدفوعة (الرخصة ساريه) هاتاخد ملحق تأميني من الشركة اللي أسمها في الرخصه و لو عاوز تزود ترخيص تدفع فترة تامينيه جديده
تصور بطاقة حضرتك و العقد المسجل (صورة العقد لك) و الرخصة
لو لاقيت إن الساعة عدت 10 يبقي بلاش إرهاق و كمل الإجراءات في اليوم التالي أو أي يوم تاني في خلال 15 يوم
تسلم الورق و تقدر الضريبه و الرسوم و تدفع في الخزنه و ترجع للشباك بالوصل و تنتظر الرخصه
هو ده اللي بيحصل في مرور فيصل
أهم شئ متروحش يوم سبت و لا تفكر تروح المرور بعد الساعة 10 نهائي و أحترس من العيال النصابين اللي بتقول لحضرتك (عايز تخلص) مبيعملوش حاجه غير إنهم بيقفو في الطابور بدل حضرتك و بياخدو فلوس و يغالطو في الحساب
بالتوفيق
شكرا يا حسام عل الرد .... و التفصيل الجميل ده
جزاك الله خيرا ....
بس اللي اعرفه ان فيه خدمه الحساب من المنزل تيجيلك المخالفات البيت و تدفعها نظير 10 ج زياده ..
و فيه كمان :
موبينيل عملت الخدمه دي انها بتدفعلك فواتيرك و شهاده المخالفات كمان
بس مش عارف الاجراءات او حد جرب ده و للا لا
و شكراا
المخالفات
بتدخل على موقع المخالفات
بتكتب بيانات العربية
وتمشى ورا الاختيارات
لو قالك استخراج شهادة الوفاء فى حالة ان مش عندك مخالفات
بتكتب الرقم القومى للبائع وعنوان الاستلام
بتيجى العنوان المكتوب
فيه اختيار للدفع
بس مجربتوش
اعتقد مفعلة لكل المرور
الشهادة اللى بتيجى بتكون اصل عليها النسر وتوقيع وكيل نيابة عادى
شكرا ياشباب..
في حد تاني جرب الحكايه دي ؟؟
اللي اقصده اني جربت الخدمة عل عربيتين من مرور فيصل :
اول واحده كان ممكن ادفع الخدمه دي عن طريق الموقع - قصدي اعمل طلب و ييجي المحصل يستلم الفلوس و يسلم الشهاده
وتاني واحده ما فيهاش الامكانيه دي ؟؟ يعني يديلك قيمه الغرامات بس
مش غريبه ؟؟؟؟؟؟
معقوله ياشباب ماحدش جرب ؟؟
هاه ؟؟ ايه الاخبار ؟ظ