ياريس الجديدة بعد الحفر خرفت !!!
السلام عليكم
السادة الافاضل كل عام و انتم بخير
سؤالى لموقف اتعرضتله امبارح بالليل
الطريق الدولى عندنا فى اسكندرية بعد ما تعدى ش 45 و انت رايح على كارفور بالليل بيبقى ضلمة
عتمة المهم و انا ماشى و نازل من على الكوبرى التانى فى تكسير و اصلاحات فى الشارع - هوة فى الحقيقة تكسير مافيش اصلاحات - المهم كنت ماشى على 110 كم و رشقت بسبب الضلمة فى الحفر دى.... طبعا العربية مش محتاج اقولكم كانت بتعمل ازاى
المهم و صلت كارفور بصيت بالنظر على العربية مافيش حاجة ملحوظة بالنظر
خلصت مشوارى و انا رايح أدور العربية ابتدى التخريف كالتالى :-
- نور الصالون انا عامله مع فتح و قفل الباب المهم النور مانورش و بعد شوية نور .. المفروض لما اقفل الابواب يطفى .. ما طفاش و قعد شوية و بعدين طفيته بإيدى
- المفتاح بدور زى مايكون معصلج فى حاجة مارديتش اضغط جامد احسن اكسر المفتاح او ابوظ حاجة فى الكونتاكت .. المهم شمال يمين واحدة واحدة دار معايا بس عمل تكة زى مايكون كان شاحط فى حاجة .. طبعا المفتاح كان بيدور زى الفل
- روحت افول بنزين و انا مروح المهم فولت التانك ببص على المؤشر لقيته ماتحركش من مكانه
رجعت البنزينة و قولت للراجل قاللى نفول تانى المهم يدوب بيحط المسدس قاللى بص البنزين على الاخر
مشيت شوية بالعربية ابتدى المؤشر يعلى بعد حوالى 15 دقيقة من نفسه !!
مش عارف ممكن يكون ايه اللى حصل سينسور و لا حاجة تانية ربنا يستر
فى انتظار اراء حضارتكم و نصايحكم ممكن يكون ايه اللى حصل ؟؟؟
و شكرا جزيلا مقدما