استلمت نيسان صني الشكل القديم 2015 و لسه مرخصتش و عايز ابيع و عايز رايكم

السلام عليكم و رحمة الله و بركاته
كل عام و اتتم بخير .....

انا استلمت صني الشكل القديم موديل 2015 مثبت سنة الموديل في خطاب المرور و الفاتورة... المهم استلمت العربيه علي خير و الحمد لله و لسه مرخصتش مستني اجازة العيد و كنت ناوي السبت ارخص بس دلوقتي انا بفكر ابيع بجواب المرور قبل ما ترخص و اجيب شارك بدلها علما ان العربيه عامله 75 كم لسه و لونها اسود و الفيلم الاييض بسه عليها فعايز اعرف تساوي كام و اللي انا بعمله ده صح ولا لا انا مجنون عربيات تماما و عمري ما ارتحت في عربيه ركبت كورولا 2013 هاي لاين لقيتها غاليه و فقيرة جدااااا و ركبت كروز 2010 تحفه بس لولا مشكلة السحب دي و ركبت اوبترا اوتو و مانيوال و مش مرتاااااااح نهائيا لاني كنت راكب اوبل لاكشري الماني 2000 سي سي 95 و ظافرها يرقبه كل اللي انا ركبته ده

بيعها لو مش مستريحلها

جبتها بكام وسبب البيع اية
وجبتها معرض ولا توكيل ؟؟

ورايى الشخصى
انك مادام مترحتش فى كل العربيات دى اكي مش هترتاح فى الصنى القديمة

دي جبتها ازاي وبكام

انا مدير شركة صناعات غذائية ولينا عقود توريد مع الفرع الرئيسي نيسان مودرن موتورز و كنا حاجزينها باسم الشركة من شهر و مش اقدر اقول علي سعر الاستلام لان اللي بيشتري مش مشكلته ... المهم هوا مستعد يدفع كااااااام

اقتباس:

---

المشاركة الأصلية كتبت بواسطة eng . Megoo

انا مدير شركة صناعات غذائية ولينا عقود توريد مع الفرع الرئيسي نيسان مودرن موتورز و كنا حاجزينها باسم الشركة من شهر و مش اقدر اقول علي سعر الاستلام لان اللي بيشتري مش مشكلته ... المهم هوا مستعد يدفع كااااااام

---

سعرها رسمى فى التوكيل 102
التجار بيبيعوها ب114 و116 بالاوفر برايس استلام فورى لانها مش موجوة فى التوكيل
لو زى ما بتقول ممشتش وباللزق الابيض ولسة معلقتش نمر
ممكن تجبلك 110 فى المعارض وانت وشطارتك

وهستأذنك تبعتلى سعرها على الخاص لو ينفع
ومتقلقش مش هقولك اشتريها منك ولا حاجة

ممكن تجبلك 105

شوف كذا معرض واللى يجبلك اكتر سعر بيع ليه

شوف لو انت شايل منها او تقنع نفسك بيها بس هتتعب شويا لف علي معارض الزيرو وشوف الدنيا فيها ايه وحاول تبعد عن التجار ولف بس بسرعه بس بصراحه الشراك جميله جدا بس دقق في اختياراتك وربنا يوفأك

و الله انا محتااار جدااااا

اشتري البروتون بيرسونا بس كده قريبة من الالماني في حاجات كتير

كل العربيات اللي ركبتها قبل كده افضل من الصني !
رأيي انك تبيع وأرشحلك الشارك

اقتباس:

---

المشاركة الأصلية كتبت بواسطة windofchange

اشتري البروتون بيرسونا بس كده قريبة من الالماني في حاجات كتير

---

من نحيت اية قريبة من الالمانى ؟

طالما مش مستريح محدش جابرك بيعها وهات اللي انت عايزوا .. و حتي لو هتدفع فرق بس هتكون بتشتري راحتك وطالما هتجيب الشارك هاتها الهاي لاين و استمتع بيها ^_^

باشا انا عارف حيرتك علشان انا متعلم على نفس الاوبل دى بيعها و هات رينو فلونس او شوف حاجة بيجو الصنى القديمة دى هتحس انك جايب عربية 1998!!

يا عم احمد ربنا انك جبت الشكل القديم ...اذا كانت الشكل الجديد كنت هقولك بيعها وانت مغمض ..الشكل الجديد فيه عيوب كتير...ممكن تنزل على دوبزيل

على فكرة العربية ديه محترمة جدا
وعملية جدا وعن تجربة
بس هى مشكلتها فى سحبها العالى للبنزين وبتخف شوية بشوية
وكمان الموديلات العالية بقت عالية عن الارض وسحبها رائع
انصحك بلاش الشارك
سعر اعادة البيع سئ جدا مقارنة بالصنى

اقتباس:

---

المشاركة الأصلية كتبت بواسطة maxds

من نحيت اية قريبة من الالمانى ؟

---

الثبات (عفشة لوتس) ,قوة الصاج ,قوة الموتور (موتور لوتس انجليزي شركة عربيات سباق) ,ايموبلايزر اساسي فيها مش اوبشن

اشتريها ب 90 الف

اقتباس:

---

المشاركة الأصلية كتبت بواسطة bedo84

اشتريها ب 90 الف

---

كده انا بطلت ابيع

اقتباس:

---

المشاركة الأصلية كتبت بواسطة windofchange

الثبات (عفشة لوتس) ,قوة الصاج ,قوة الموتور (موتور لوتس انجليزي شركة عربيات سباق) ,ايموبلايزر اساسي فيها مش اوبشن

---

ده يخليها كده قريبة من الاوستن مارتن .. انجليز بقى زي بعض .. بس الشركة ماليزي للاسف

اقتباس:

---

المشاركة الأصلية كتبت بواسطة ibrahim88

باشا انا عارف حيرتك علشان انا متعلم على نفس الاوبل دى بيعها و هات رينو فلونس او شوف حاجة بيجو الصنى القديمة دى هتحس انك جايب عربية 1998!!

---

طب ليه مش 1997 ؟! وايه رأي حضرتك في اللوجان اللي حضرتك راكبها تحسسك انك راكب سنة كام ياترى ؟

شوف يافندم مادام عاملة بس 75 كلم ومارخصتش يبقى ممكن ترجعها وتخسر فيها مبلغ بسيط جدا .. قريبي اشترى سيراتو اول فئة اتوماتيك ومشى بيها كلم قليل جدا وحب يبدلها بالفئة الاعلى قبل مايرخص وعمل كده وخسر تقريبا 2000 جنية .. بالتوفيق

يا باشا عربيتك بتتباع فى المعارض 2015 يسعر 120000 جنية وده للعلم لو حضرتك عرضتها 115000 جنية او 110000جنية هتلاقى 1000 مشترى

انا معنديش قكرة انته اشترتها بكام،
بس ممكن لو فيه نصيب اشتريها منك لو قررت البيع، مع تحفظي على اللون الاسود

اقتباس:

---

المشاركة الأصلية كتبت بواسطة dr ahmed bream

انا معنديش قكرة انته اشترتها بكام،
بس ممكن لو فيه نصيب اشتريها منك لو قررت البيع، مع تحفظي على اللون الاسود

---

بلاش الاسود
هو اة سيد الالوان
لكن فى بلدنا المحروسة هتكره عربيتك كل لما تبصلها من كتر ما الخرابيش اللى ظاهره فيها :(

نصيحه خليك فيها دى مش هتتكرر كتير كانت معايا وعامله 130 الف كيلو صفر ﻻعطال واعتماديه بشكل غير عادى وتكيف اسطوره هي تتباع ب115 عادي دى زيرو بس انت الخسران واقل عربيه بعدها على الاقل هتدفع 50 الف ومش فئه عاليه يعنى هتكون سيراتو او ايلانترا مثﻵ

مطلوب فيها كام نهائى ياباشا

نهائي 112 الف نهاااااااااااائي

الشكل القديم عربية جميلة
وبتستحمل عموما لو هتبيع
امسك فسعر كويس لان العربية مطلوبة

انا شاري 113

اقتباس:

---

المشاركة الأصلية كتبت بواسطة eng . Megoo

نهائي 112 الف نهاااااااااااائي

---

العربية زيرو سعرها 118 الف في المعارض ليه تخسر في عربية زيرو 6000 جنية ؟؟؟؟؟؟؟؟؟؟؟

اليوم ب 119 فى المصرية

لو مش مرتاح في اي عربية جرب المرسيدس لو مرتحتش مفيش قدامك غير الطيارات

اقتباس:

---

المشاركة الأصلية كتبت بواسطة eng . Megoo

السلام عليكم و رحمة الله و بركاته
كل عام و اتتم بخير .....

انا استلمت صني الشكل القديم موديل 2015 مثبت سنة الموديل في خطاب المرور و الفاتورة... المهم استلمت العربيه علي خير و الحمد لله و لسه مرخصتش مستني اجازة العيد و كنت ناوي السبت ارخص بس دلوقتي انا بفكر ابيع بجواب المرور قبل ما ترخص و اجيب شارك بدلها علما ان العربيه عامله 75 كم لسه و لونها اسود و الفيلم الاييض بسه عليها فعايز اعرف تساوي كام و اللي انا بعمله ده صح ولا لا انا مجنون عربيات تماما و عمري ما ارتحت في عربيه ركبت كورولا 2013 هاي لاين لقيتها غاليه و فقيرة جدااااا و ركبت كروز 2010 تحفه بس لولا مشكلة السحب دي و ركبت اوبترا اوتو و مانيوال و مش مرتاااااااح نهائيا لاني كنت راكب اوبل لاكشري الماني 2000 سي سي 95 و ظافرها يرقبه كل اللي انا ركبته ده

---

انت مجنون عمرك مرتحت فى عربيه يبقى هات طياره احسن وجرب

اقتباس:

---

المشاركة الأصلية كتبت بواسطة احمد فهمى

نصيحه خليك فيها دى مش هتتكرر كتير كانت معايا وعامله 130 الف كيلو صفر ﻻعطال واعتماديه بشكل غير عادى وتكيف اسطوره هي تتباع ب115 عادي دى زيرو بس انت الخسران واقل عربيه بعدها على الاقل هتدفع 50 الف ومش فئه عاليه يعنى هتكون سيراتو او ايلانترا مثﻵ

---

فعلا زي ماقلت ..زيرو اعطال واعتمادية جدا ....ومش بابالغ انها اعتمادية عن اﻻالنترا والاوبل والميتسوبيشي و البرتون ﻻ اكتر كمان انها الاكثر اعتمادية في مصر بدون تحيز

من شهر كانت في اوتو ايجيبت زيرو ب 112000

انا عاوز اشتري نيسان صنس شكل قديم وممكن اشتريها منك لو تحب ويكون في وفر لي خصوصا أنا كنت عاوز لون ذهبي وحضرتك بلغت أنها سوداء لو كده ممكن نتواصل

اقتباس:

---

المشاركة الأصلية كتبت بواسطة arc_sherif_81

من شهر كانت في اوتو ايجيبت زيرو ب 112000

---

حاليا عند سمير ريان ب 140000 الف