عرض للطباعة
نازل سوق الجمعة بتاع القاهرة اشوف عربية دايهاتسو تيريوس
ياريت اللي يعرف اقرب مركز خدمة للفحص او توكيل دايهاتسو قريب نكشف علي العربية -لو لقينا باذن الله-
كمان الواحد المفروض يدفع كام عربون وازاي اعرف العربية مش مسروقة يعني هل فيه مكان للمرور
وهل الشهر العقاري اللي في السوق -زي ما سمعت- بيبقي فاتح يوم الجمعه ؟
ياريت اللي عنده معلومة يفيدني او حتي لينك لموضوع متعلق بالحكاية دي يفيدني او يسيب لينك الموضوع
شكرا جزيلا
++++++111111111اقتباس:
المشاركة الأصلية كتبت بواسطة dr.adelelgd
اهم حاجة يا باشا تكون واخد بالك منها قبل حتى ما تتفرج على العربية انها تكون العربية بأسمه وتكون رخصة مش تصريح وحاول بقدر الامكان تبعد عن اى عربية مرورها مش جيزة او قاهرة وبلاش تشترى عربية بتوكيلات اقصاها توكيل واحد بس وتكون شايف ان صاحب العربية اللى معاه التوكيل انسان محترم
الف شكر ليك ياافندم علي اهتمام حضرتك واجابة حضرتك الجميلة وجزاك الله خير
الديهاتسوا مش هتلاقيها هناك كتير بس موجودة طبعاً
أهم حاجة متشتريش من تاجر نهائى وهتلاقى التوكيل فاتح يوم الجمعة هتلاقيهم موجودين يمين السوق
طريقة الشراء
أدخل السوق من بدا]ة أول عربية واقفة خارج السوق
أول ما تلاقى تريوس , أتفرج عليها وأسال صاحبها على الاتى
الموديل , مانيوا أم اتوماتيك , كام كيلو , ومرور أية ( ابعد عن أى مرور خارج القاهرة والجيزة والقليوبية ) ودة أفضل , وسوف الرخصة سارية ولا لأ ومهاها شهادة مخالفات وببيانت ولا لأ
وأخيراً اسأل على السعر , وخد رقم تليفون صاحب العربية
وخليك على كدة لحد ما تخلص السوق وبعد كدة قارن وابدأ تانى بس من أوحسن عربية قابلتك
وربنا يوفقك ونصيحى لاخ
( خالى بالك جداً ,, جداً ,, جداً , ومتستعجلش )
أخوك / أبو يوسف
بلاش السوق ودور وسط المعارف انا لسة كنت قاعد مع اصحاب ليا تجار سيارات من الاخر شغل العربيات في السوق 90 في المية شمال ومدشمل وقرف اصبر ودور وسط حبايبك وناسك ومعارفك والوسيط ولما تلاقي اطلع علي توكيل ديهاتسو ادفع ان شاءالله 500 ج كشف كامل وطمن نفسك ... ربنا يكتبلك الخير
شوف عربيه من واحد معرفه افضل واضمن وبلاش سوق
مع الاحترام الكامل للزملاء اللى بيقولو بلاش السوق
السوق برضه بيبقى فيه ناس عاديه بتبيع مش كله تجار
فلنل شايف انو لو اخد بكلام اخونا ابو يوسف ودور بتأنى هيلاقى حاجه كويسه
http://www.nilemotors.net/Nile/433089-2000.html
الموضوع دا لعضو كان عارض تيريوس
حضرتك اهم حاجه خد معاك حد بيفهم فى العربيات ميكانيكى او سمكرى لان التجار هناك معظمهم كدابين اخر حاجه .فى بنزينه قدام السوق تقدر ترفع العربيه فيها وتشوف حالتها .الشهر العقارى شغال يوم الجمعه عادى جدا .مش تقلق خالص من فكره العربيه فيها توكيلات لانك لو ربنا كرمك واشتريت هتروح الشهر العقارى وهناك طبعا بيعرفو التوكيلات دى سليمه او مزوره . بس نصيحه منى بلاش تكتب عقد ابتدائى وتدفع مبلغ وتبقى ترجع بعد يوم تاخد العربيه لو فى حاجه عجبتك خدها واطلع خلص ورقك ودلوقتى فى على موقع الحكومه الالكترونيه تقدر تعرف المخالفات اللى على العربيه هى طبعا مش شهاده براءه زمه من نيابه المرور بس بتعرفك المخالفات اللى على العربيه وصاحب العربيه يدفعهم وتخلص عربيتك فى نفس اليوم.وربنا يباركلك وتلاقى حاجه مناسبه يارب