الله ينور يا ياسر بيه وشكرا علي مشاركتنا المعلومه القيمه دي
عرض للطباعة
الله ينور يا ياسر بيه وشكرا علي مشاركتنا المعلومه القيمه دي
و الله انا ما كنتش عايز اكتب تانى فى الموضوع ده لانه ما بقاش له طعم . بس لقيت من الامانه انه عرفت معلومه قلت انقلها خصوصا لقيت ناس كتير بتحب الفلوينس بس حيرانه فى الشرا و ناس ملاك شاغلهم الموضوع . كلنا دافعين فلوس و مش قليله و لا نتمنى انه يكون فيه حد متضايق او حيران و الحمد لله طبعا على كل شئ
فعلا معلومات قيمه ........ وبيزيد الواحد ثقه في رينو وتوكيبل رينو
حتي مع حبي لبيجو 508 ........ الا ان توكيلها مايجيش اي حاجه فى امانة واحترام توكيل رينو
فى امان الله
أولا : جزاك الله خيراً لطرح هذا الموضوع وإيضاح هذا الغموض حول موضوع نقص الزيت الذى إشتكى منه البعض - وإن كنت لم أتابع إلا مشكلة واحدة فقط بشكل تفصيلى وشامل وهى مشكلة الأخ mostafa magdy - والتى تم حلها بتغيير الموتور بالكامل .
مع العلم بأن هذا الموضوع لم يؤثر على شخصيا فى إتخاذ وتنفيذ قرار شراء الفلوانس لثقتى أن الموضوع مشكلة فردية خصوصا أن هذا المحرك هو المستخدم فى أكثر من موديل سواء كان لرينو او نيسان ولم تظهر المشكلة إلا فى حالات تعد على أصابع اليد .
ثانيا : أعتقد فعلاً أن هذا الخبر يهم الكثير من المقبلين على الشراء والذى أجل بعضهم تنفيذ الشراء لحين إستيضاح أبعاد المشكلة وأسبابها خوفاً على فلوسهم وهذا حقهم .
أما بالنسبة للملاك الحاليين الذين أصابهم القلق من هذا الموضوع فأعتقد ان هذا الخبر يضع نهاية لحالة "الوسوسة" أو بمعنى آخر "الهسهس" من متابعة وقياس مستوى الزيت بشكل يومى .
شكراً لك وجزاك الله كل الخير
وتقبل تحياتى ،،،
كل الموضوع يا باشا انه الموتور جديد عليهم و اعترفوا بده صراحه . المشكله كانت فى valve البخر بتاع موتور نيسان مع زيت توتال اللى بيستخدموه لمواتير رينو . الفالف متبرمج على نسبة بخر معينه تطلع لما ضغط الموتور الداخلى يوصل لحد معين و لو قلنا مثلا 50 علشان يحافظ على الموتور . الزيت اللى بيتسخدموه نسبة بخره عاليه . و على فكره ده مش زيت الفبريكه اللى احنا عارفينه من زمان و اللى بيتغير على 1000 كم . ده زيت توتال مخلق 10000 كم عادى . بسبب نسبة بخره العاليه الضغط داخل الموتور بيعلا اكتر عن المتبرمج عليه الفالف و بالتالى ما فيش ادام الفالف غير انه يطلع نسبه اكبر من بخر الزيت علشان يوصل لمعدل الضغط اللى متبرمج عليه .
البهوات بيحطوا زيت توتال اللى مخصص لمواتير رينو بتاعت الميجان و الفلوينس القديمه . مع العلم انه نيسان مصنعه زيت براند خاص بها و بيحمل اسم نيسان و متصنع فى توتال و يحمل اسم nissan elf و ادخله على النت و شوفوه . المشكله كانت فى النقطه دى و همه مش عارفين الا لما اتبعت الموتور فرنسا . و طبعا رينو متعاقده مع زيوت توتال من 45 سنه و شريك مؤسس فيها . المشكله ما ظهرتش فى اى دوله علشان غصب عنهم بيستخدموا الزيت المنصح به و علشان الخوف من القوانين و حقوق المستهلك حلو برضه
أولا : إللى فهمته من كلامك أن رينو مصر فقط التى تشترط وضع زيت توتال علشان التربيطات والتعاقدات والذى منه ....
فهل المصنع فى تركيا ايضاً قام بوضع زيت توتال الذى تنزل به السيارة لمصر والذى هو سبب المشكلة الخاصة ببخر الزيت على حد قولك ؟
ثانيا : موضوع أن نيسان تصنع زيت خاص بمحركاتها وتوصى به .. ألا يعنى ذلك أن كل شركة تبحث عن مصلحتها ومكسبها أولا وأخيراً ؟
يعنى لما نيسان تعمل زيت nissan elf يبقى من حق رينو تتمسك بزيوت توتال إللى مساهمة فى شركتها !!
لأن موضوع الزيوت ولزوجتها ومعدل بخرها وما إلى ذلك هو موضوع مواصفة وليس موضوع ماركة .
أرجو الإيضاح ولك الشكر ،،،
جزئية انه الزيت اللى بيتحط فى تركيا اللى هو مصنع رينو الاساسي هو ده اللى فى العربيه و ﻻ التوكيل هو اللى بيحطه هنا بعد العربيه ما بتوصل و يفضى زيت الفبريكه انا مش متأكد منها .
بس مصنع تركيا ده بيصنع موديلات تانيه كتير مواتيرها رينو مش نيسان زى الميجان 3 اللى بتنزل لاوروبا 1400سي سي مش 1600 و زى الكليو كلهم مواتير رينو . مش عارف هل استخدموا نفس زيوتهم مع الفلوينس 2014 اللى هيه موتور 1600 ؟ و ده ما بينزلش اوروبا و ﻻ التوكيل هنا اللى حطه ؟ التوكيل برضه بيحاسب رينو و توتال على نسبة استهلاكه .
جزئية انه نيسان او اى شركه تدور على مكاسب من تصنيع الزيت ما اعتقدش . مش شركه زى نيسان و ﻻ تيوتا و لا بي ام اللى هايدوروا على جزئيه مش بتاعتهم و ﻻ لعبتهم و خصوصا مجال الزيوت فيه شركات عملاقه مش قابله للمنافسه من شركات سيارات . اعتقد السبب الرئيسى انه فعلا الشركات دى محتاجه مواصفات خاصه لمواتيرهم و ظروف التشغيل و زى ما حضرتك شايف التقدم فى التكنولوجيا فى تقليل استهلاك البنزين مع هورس باور عالى مع اداء تكييفات عاليه ازاى . كل ده بيحتاج مواصفات خاصه لكل شركه فعلا و ده مش هاتقدر توفروا توتال او شل او موبيل ﻻنها بتصنع انواع لها مواصفات عامه . النوع الواحد زى موبيل وان مثلا ينفع لعربيات موديلات 2000 و لغاية الان . طبعا مش معقول .
المشكله كانت فى برمجة الفالف مع نوع زيت الموتور و امتى يقفل و يفتح و الكميه اللى يخرجها و همه ما كانوش عارفين الموضوع ده و كل اللى عندهم جهاز بيتأكد من برمجة الفالف سليمه و لا ﻷ ؟ عن طريق الكومبيوتر و ما عرفوش الا لما شحنوا الموتور لفرنسا و اتعمل عليه تجارب على الواقع و هو مفكوك و دلوقتى يا بيغيروا الفالف يا بيعيدوا برمجته و الجديد جاى متظبط جاهز
رينو متمسكه بتوتال جدا لانها شركتها و مساهمه فيها
مش رينو مصر اللى متعاقده بس مع توتال و تركيا كمان اللى هو المصنع الرئيسي بتاعهم
استاذ ياسر لو ينفع معلومات اكتر عن الميجان بلاي وايه امكانيتها وكده وشكرا لحضرتك