بطارية سايلة أحسن ولا جافة ؟؟ وأنه نوع ؟؟

**Qamar** · 21-10-2008 04:58 AM

يا جماعة كونها تقعد سنتين أو تلاتة ده بيعتمد على حاجات كتير هاقول اللى اعرفه منها:
1- الصيانه الدورية
2- الجري الكتير على السريع ما بيستهلكش زي وسط البلد
3- الدوارة و أسلوب تعاملك معاها ( خليك حنين)
طبعا ده للجافة و السايلة.
ربنا يباركلك فيها

**Kareem Khattab** · 21-10-2008 06:59 AM

الجافة احسن طبعا

**sab3aawy** · 21-10-2008 07:46 AM

الجافة ميزتها انها مبتبوظش حوض الموتور حواليها ومبتحتاجش صيانة من اى نوع

اللى متجربين فى مصر وسمعتهم كويسة هم طبعا الإيه سى ديلكو والفارتا

**Ahmed Hamdy** · 22-10-2008 12:02 PM

أنا كنت عايز أجيب فارتا بس لقيتها غالية بصراحة .. وكمان قالولى انها مبقتش ألمانى .. بقت اتحاد أوروبى ..
فقلت أجيب Acdelco بس للأسف ملقتش 40 .. سألت فى كذا مكان وملقتش وكنت عايز أجيبها بسرعة بأه عشان العربية كانت مزهقانى كل شوية زق ..

فجبت الكورى دى .. كنت كل ما أروح محل وأسأل على الـ Acdelco يقولى ما تاخد الكورى دى أحسن بكتير .. حتى هى أغلى سنة ..
فجبتها بأه وربنا يسهل وتطلع كويسة ..

فى دلوقتى أنواع كتير كورى .. أنا جبت نوع اسمه Aurora شكلها نضيف ..

**osamaelbaz** · 22-10-2008 02:49 PM

هى البطاريات الى بتنزل فى العربية وهى زيرو بيكون نوعها اية سايلة ولا جافة واعرفها ازاى انا معايا ماتريكس 2008 ومعرفشى البطارية الى فيها نوعها اية

**Ahmed Hamdy** · 22-10-2008 03:07 PM

المشاركة الأصلية كتبت بواسطة osamaelbaz

هى البطاريات الى بتنزل فى العربية وهى زيرو بيكون نوعها اية سايلة ولا جافة واعرفها ازاى انا معايا ماتريكس 2008 ومعرفشى البطارية الى فيها نوعها اية

أعتقد انها بتفرق من عربية للتانية ..
بس عموما افتح الكبوت وبص على البطارية حتلاقى نوعها مكتوب عليها :)
والسايلة بيكون فيها عيون عبارة عن فتحات عليها غطيان بتتفك عشان تتملى مية ..
الجافة مفيهاش .. بس فى انواع فيها عين صغيرة ملهاش غطا بتبين حالة البطارية (لو خضرا تبقى كويسة - لو سودا تبقى عايزة شحن - لو بيضا تبقى عايزة تغيير)

**Ramy_Ali** · 22-10-2008 05:17 PM

بس لو سافرت هتبقى مشكلة انها هتبوظ وتترمى (الجافة)
السائلة بتملها مية وتشحنها وخلاص

**waleedrahmy** · 22-10-2008 05:29 PM

السائلة أقوي وعمرها أكثررررررررررررررررررر بس حط كيس بلاستيك تحتها وصينها بمتابعة مستوي الحامض

**mrghost** · 23-10-2008 12:44 AM

المشاركة الأصلية كتبت بواسطة waleedrahmy

السائلة أقوي وعمرها أكثررررررررررررررررررر بس حط كيس بلاستيك تحتها وصينها بمتابعة مستوي الحامض

+100000000000000000000

**جمال** · 23-10-2008 03:00 PM

الجافة كما يسمونها هى احسن بمراحل( هى سائلة برضه بس مغلقة و عديمة الصيانة لعدم تبخر السوائل منها )
انا ال AC Delco استمرت قعدت معايا 4 سنين بدون اى مشاكل
وال فارتا استمرت معايا 3 سنين لحد مابعت العربية وكانت زى الفل
بالنسبة لانتهاء العمر فجأة فده فى كل البطاريات الجافة و السائلة الجديدة زى بعض تمام
انا كان معايا سائلة و الصبح ادور بيها كويسه جدا و انا راجع الظهر تكون مافيهاش الهوا و انتهت فجأة

الموضوع: بطارية سايلة أحسن ولا جافة ؟؟ وأنه نوع ؟؟

LinkBack

أدوات الموضوع

عرض

-

-

-

-

-

المواضيع المتشابهه

ماسعر بطارية جافة 55

طلب مساعدة في بطارية سايلة

احسن نوع بطارية جافة اية؟

جافة ولا سايلة

بطارية جافة

الكلمات الدلالية لهذا الموضوع

المفضلات

المفضلات

ضوابط المشاركة