بطارية سايلة أحسن ولا جافة ؟؟ وأنه نوع ؟؟

**mrbond88** · 23-10-2008 03:08 PM

انا كنت جايب عندي acdelco , وكان الدينامو عندي الكتاوت مش مظبوطة وكنت بشغل التكيف والعربية واقفة وعملت في البطارية كل حاجة لحد ما باظت مني في الساحل الشمالي وطرشقت من الجناب لان الدينامو وقف في الطريق وكنت مسافر على البطارية تقريبا

**Sameh** · 23-10-2008 03:43 PM

المشاركة الأصلية كتبت بواسطة mrbond88

انا كنت جايب عندي acdelco , وكان الدينامو عندي الكتاوت مش مظبوطة وكنت بشغل التكيف والعربية واقفة وعملت في البطارية كل حاجة لحد ما باظت مني في الساحل الشمالي وطرشقت من الجناب لان الدينامو وقف في الطريق وكنت مسافر على البطارية تقريبا

إيه كل ده !! أنا جالى إكتئاب !!!

بهزر طبعاً :)

لو إشتغلت معاك بالطريقة دى يبقا مؤشر كويس مش كدة

**mr_kenawy** · 25-10-2008 03:47 PM

يا جماعة مفيش اى نوع من انواع المقارنة , انا ندمان على كل لحظة استخدمت فيها البطارية السائلة و لولا انها جاية مع العربية ما كنتش استخدمتها و لو كنت اعرف عيوبها ما كنتش برده استخدمتها , انا عربيتى نوبيرا 2006 و انا محافظ عليها جدا و العربية الحمد لله ما فيهاش خدش , لكن عيبها الوحيد دلوقتى هى البارومة اللى كلت الحوض تحت البطارية بسبب استخدام البطارية السائلة , لعن الله البطاريات السائلة , اى حد بيخاف على عربيته ياريت ما يستخدمهاش و لو عنده بالفعل يرميها فى الزبالة و يروح فورا يجيب بطارية جافة.

**amirhamed** · 25-10-2008 03:56 PM

بطاريه جافة وانا لولا ان العربية جايبها فيها بطاريه سائله جديده كنت جبت جافة.

**Badrowi** · 10-01-2009 08:45 PM

طيب وانا اعرف انها عامله بلروما تحت منها ازاى
افكها ولا بيبان
وهى بتعمل باروما اصلا ليه مش هى المفروض انها محكمة

**megodahab** · 11-01-2009 05:24 AM

لا لا السائله افضل كتير لانها بتتشحن تاني غير الجافه اللي لو سافرت شهر وسبت العربيه ترجع ترمييها عالطول بالاضافه ان السائله بتحزرك انها بتودع غير التانيه الجافه اللي بتموت فجأه وخليها توسخ الحوض امال احنا جايبين العربيات ليه مهو علشان يطلع عينها وتأدي مصالحنا مش كده ولا ايه

**kharabish** · 11-01-2009 08:08 AM

جافة جافة حتي الرمق الأخير هي الأحسن
عجربت الفارتا ملهاش حل بس سمعت انا ضمانها في الكلتش
انا مجرب حاليا rocket كوري روووعة صرااااحة وسيارتي كريسيدا 1981

**جمال** · 11-01-2009 02:24 PM

المشاركة الأصلية كتبت بواسطة megodahab

لا لا السائله افضل كتير لانها بتتشحن تاني غير الجافه اللي لو سافرت شهر وسبت العربيه ترجع ترمييها عالطول بالاضافه ان السائله بتحزرك انها بتودع غير التانيه الجافه اللي بتموت فجأه وخليها توسخ الحوض امال احنا جايبين العربيات ليه مهو علشان يطلع عينها وتأدي مصالحنا مش كده ولا ايه

اسمح لى اخالفك
الجافة من مميزاتها انها لو ركنت العربية مدة تدور علطول عكس السائلة
الجافة بها بيان لحالة الشحن عكس السائلة التى تموت فجأة
ده غير انها ( الجافة ) لاتحتاج الى صيانة و تزويد ميه

**Karim_Mohy** · 23-02-2009 12:25 PM

ازاي يا استاذ جمال لو ركنت العربية فترة ترجع تدورها علي طول؟؟؟
دة لو سبت العربية 3 ايام ممكن تنام و زقة باه و المشاكل دة

الموضوع: بطارية سايلة أحسن ولا جافة ؟؟ وأنه نوع ؟؟

LinkBack

أدوات الموضوع

عرض

-

-

-

-

-

المواضيع المتشابهه

ماسعر بطارية جافة 55

طلب مساعدة في بطارية سايلة

احسن نوع بطارية جافة اية؟

جافة ولا سايلة

بطارية جافة

الكلمات الدلالية لهذا الموضوع

المفضلات

المفضلات

ضوابط المشاركة