بطارية سايلة أحسن ولا جافة ؟؟ وأنه نوع ؟؟

عايز أجيب بطارية بس مش عارف أجيب ايه ..
أنا كنت ناوى أجيبها جافة .. بس الكهربائية بيقولولى هاتها سايلة أحسن عشان ممكن تتشحن لكن الجافة لأ ..

بس أنا عارف إن الجافة أحسن انها مش بتحتاج صيانة ..

أنا كنت ناوى أجيب Acdelco عشان سعرها كويس "أنا عربيتى ماروتى بتاخد بطارية 40" .. سعرها فى حدود 280 .. الفارتا 360 تقريبا ..

بس نزلت امبارح أجيبها ملقتهاش وكذا محل يقولى عندى نوع كورى أحسن ميت مرة من الـ Acdelco .. بس أنواع غريبة الصراحة معرفهاش .. نوع اسمه Nova بـ 360 .. ونوع تانى مش فاكر اسمه بـ 300 .. بس قلقت انى أجيب نوع غريب معرفش حد جربه ..

رأيكوا ايه يا جماعة ؟؟؟
أجيبها جافة ولا سايلة ؟؟
ولو سايلة تبقى ايه ولو جافة تبقى ايه .. بس لا تتعدى 300 جنيه .. ؟؟

إن الجافة أحسن انها مش بتحتاج صيانة
وعلشان تجيبها رخيصه انزل التوفيقيه فى محلات بتاعة بطاريات امام سنترال رمسيس بيبيعوا باسعار كويسه وممكن تلاقى عنهم acd delco

Ac Delco

عن تجارب ناس

انا عندي فارتا من 3 سنين ونشكر ربنا شغاله بكفائه كويسه

أنا نزلت تانى النهاردة ملقتش برضه Acdelco .. جبت واحدة كورى اسمها Aurora بـ 300 جنيه بعد خصم القديمة ..
الراجل قعد يشكرلى فيها ويقولى انها أحسن من الـ Acdelco ..

جبتها من محل من اللى قدام سنترال رمسيس ..

ربنا يسهل وتطلع كويسة ..

اقتباس:

---

المشاركة الأصلية كتبت بواسطة Ahmed Hamdy

أنا نزلت تانى النهاردة ملقتش برضه Acdelco .. جبت واحدة كورى اسمها Aurora بـ 300 جنيه بعد خصم القديمة ..
الراجل قعد يشكرلى فيها ويقولى انها أحسن من الـ Acdelco ..

جبتها من محل من اللى قدام سنترال رمسيس ..

ربنا يسهل وتطلع كويسة ..

---

الف مبروك
المهم لو كانت سائله تروحله كل 15 يوم تعمل صيانه قياس كثافه وشحن ويختم لك على الضمان
لو جافه تروحله كل شهر تقيس الشحن ويختم لك على الضمان

هى جافة ..

وقالى ضمانها سنة و نص .. تيجى كل شهرين تقيس شحن الدينامو ..

عن تجربة ناس معرفة ان الجافة مرة واحدة ما بتلاقيهاش يعنى تكون شغالة 100/100 و الصبح تلاقيها 0/100 اما السايلة بتقعد قبل ما تبوظ ب 3 شهور تقريبا تخسع و تبقى مش تمام يعنى بتديك انذار

السائله وحشه بتفور و تبوظ المنطقه اللى تحتيها و تلاقيها صدت و تكرهك فى العربيه

السايله عايزه عناية وتزويد مايه الجافه بترميها فى الكابوت لغاية ماتبوظ انا عندى الجافه قعدت معاية سنتين مالهاش مشاكل

يا جماعة كونها تقعد سنتين أو تلاتة ده بيعتمد على حاجات كتير هاقول اللى اعرفه منها:
1- الصيانه الدورية
2- الجري الكتير على السريع ما بيستهلكش زي وسط البلد
3- الدوارة و أسلوب تعاملك معاها ( خليك حنين)
طبعا ده للجافة و السايلة.
ربنا يباركلك فيها

الجافة احسن طبعا

الجافة ميزتها انها مبتبوظش حوض الموتور حواليها ومبتحتاجش صيانة من اى نوع

اللى متجربين فى مصر وسمعتهم كويسة هم طبعا الإيه سى ديلكو والفارتا

أنا كنت عايز أجيب فارتا بس لقيتها غالية بصراحة .. وكمان قالولى انها مبقتش ألمانى .. بقت اتحاد أوروبى ..
فقلت أجيب Acdelco بس للأسف ملقتش 40 .. سألت فى كذا مكان وملقتش وكنت عايز أجيبها بسرعة بأه عشان العربية كانت مزهقانى كل شوية زق ..

فجبت الكورى دى .. كنت كل ما أروح محل وأسأل على الـ Acdelco يقولى ما تاخد الكورى دى أحسن بكتير .. حتى هى أغلى سنة ..
فجبتها بأه وربنا يسهل وتطلع كويسة ..

فى دلوقتى أنواع كتير كورى .. أنا جبت نوع اسمه Aurora شكلها نضيف ..

هى البطاريات الى بتنزل فى العربية وهى زيرو بيكون نوعها اية سايلة ولا جافة واعرفها ازاى انا معايا ماتريكس 2008 ومعرفشى البطارية الى فيها نوعها اية

اقتباس:

---

المشاركة الأصلية كتبت بواسطة osamaelbaz

هى البطاريات الى بتنزل فى العربية وهى زيرو بيكون نوعها اية سايلة ولا جافة واعرفها ازاى انا معايا ماتريكس 2008 ومعرفشى البطارية الى فيها نوعها اية

---

أعتقد انها بتفرق من عربية للتانية ..
بس عموما افتح الكبوت وبص على البطارية حتلاقى نوعها مكتوب عليها :)
والسايلة بيكون فيها عيون عبارة عن فتحات عليها غطيان بتتفك عشان تتملى مية ..
الجافة مفيهاش .. بس فى انواع فيها عين صغيرة ملهاش غطا بتبين حالة البطارية (لو خضرا تبقى كويسة - لو سودا تبقى عايزة شحن - لو بيضا تبقى عايزة تغيير)

بس لو سافرت هتبقى مشكلة انها هتبوظ وتترمى (الجافة)
السائلة بتملها مية وتشحنها وخلاص

السائلة أقوي وعمرها أكثررررررررررررررررررر بس حط كيس بلاستيك تحتها وصينها بمتابعة مستوي الحامض

اقتباس:

---

المشاركة الأصلية كتبت بواسطة waleedrahmy

السائلة أقوي وعمرها أكثررررررررررررررررررر بس حط كيس بلاستيك تحتها وصينها بمتابعة مستوي الحامض

---

+100000000000000000000

الجافة كما يسمونها هى احسن بمراحل( هى سائلة برضه بس مغلقة و عديمة الصيانة لعدم تبخر السوائل منها )
انا ال AC Delco استمرت قعدت معايا 4 سنين بدون اى مشاكل
وال فارتا استمرت معايا 3 سنين لحد مابعت العربية وكانت زى الفل
بالنسبة لانتهاء العمر فجأة فده فى كل البطاريات الجافة و السائلة الجديدة زى بعض تمام
انا كان معايا سائلة و الصبح ادور بيها كويسه جدا و انا راجع الظهر تكون مافيهاش الهوا و انتهت فجأة

انا كنت جايب عندي acdelco , وكان الدينامو عندي الكتاوت مش مظبوطة وكنت بشغل التكيف والعربية واقفة وعملت في البطارية كل حاجة لحد ما باظت مني في الساحل الشمالي وطرشقت من الجناب لان الدينامو وقف في الطريق وكنت مسافر على البطارية تقريبا

اقتباس:

---

المشاركة الأصلية كتبت بواسطة mrbond88

انا كنت جايب عندي acdelco , وكان الدينامو عندي الكتاوت مش مظبوطة وكنت بشغل التكيف والعربية واقفة وعملت في البطارية كل حاجة لحد ما باظت مني في الساحل الشمالي وطرشقت من الجناب لان الدينامو وقف في الطريق وكنت مسافر على البطارية تقريبا

---

إيه كل ده !! أنا جالى إكتئاب !!!

بهزر طبعاً :)

لو إشتغلت معاك بالطريقة دى يبقا مؤشر كويس مش كدة

يا جماعة مفيش اى نوع من انواع المقارنة , انا ندمان على كل لحظة استخدمت فيها البطارية السائلة و لولا انها جاية مع العربية ما كنتش استخدمتها و لو كنت اعرف عيوبها ما كنتش برده استخدمتها , انا عربيتى نوبيرا 2006 و انا محافظ عليها جدا و العربية الحمد لله ما فيهاش خدش , لكن عيبها الوحيد دلوقتى هى البارومة اللى كلت الحوض تحت البطارية بسبب استخدام البطارية السائلة , لعن الله البطاريات السائلة , اى حد بيخاف على عربيته ياريت ما يستخدمهاش و لو عنده بالفعل يرميها فى الزبالة و يروح فورا يجيب بطارية جافة.

بطاريه جافة وانا لولا ان العربية جايبها فيها بطاريه سائله جديده كنت جبت جافة.

طيب وانا اعرف انها عامله بلروما تحت منها ازاى
افكها ولا بيبان
وهى بتعمل باروما اصلا ليه مش هى المفروض انها محكمة:star1:

لا لا السائله افضل كتير لانها بتتشحن تاني غير الجافه اللي لو سافرت شهر وسبت العربيه ترجع ترمييها عالطول بالاضافه ان السائله بتحزرك انها بتودع غير التانيه الجافه اللي بتموت فجأه وخليها توسخ الحوض امال احنا جايبين العربيات ليه مهو علشان يطلع عينها وتأدي مصالحنا مش كده ولا ايه

جافة جافة حتي الرمق الأخير هي الأحسن
عجربت الفارتا ملهاش حل بس سمعت انا ضمانها في الكلتش
انا مجرب حاليا rocket كوري روووعة صرااااحة وسيارتي كريسيدا 1981

اقتباس:

---

المشاركة الأصلية كتبت بواسطة megodahab

لا لا السائله افضل كتير لانها بتتشحن تاني غير الجافه اللي لو سافرت شهر وسبت العربيه ترجع ترمييها عالطول بالاضافه ان السائله بتحزرك انها بتودع غير التانيه الجافه اللي بتموت فجأه وخليها توسخ الحوض امال احنا جايبين العربيات ليه مهو علشان يطلع عينها وتأدي مصالحنا مش كده ولا ايه

---

اسمح لى اخالفك
الجافة من مميزاتها انها لو ركنت العربية مدة تدور علطول عكس السائلة
الجافة بها بيان لحالة الشحن عكس السائلة التى تموت فجأة
ده غير انها ( الجافة ) لاتحتاج الى صيانة و تزويد ميه

طيب يا جماعه اعرف منين اذا كانت بطاريتى جافه ولا سائله ؟

هومكتوب فى المانوال 12v 38B20R (28AH/5HR)

العربيه ماروتى

ازاي يا استاذ جمال لو ركنت العربية فترة ترجع تدورها علي طول؟؟؟
دة لو سبت العربية 3 ايام ممكن تنام و زقة باه و المشاكل دة

و خصوصا العربيات القديمة ؟؟؟

اقتباس:

---

المشاركة الأصلية كتبت بواسطة Karim_Mohy

ازاي يا استاذ جمال لو ركنت العربية فترة ترجع تدورها علي طول؟؟؟
دة لو سبت العربية 3 ايام ممكن تنام و زقة باه و المشاكل دة

---

انا بيحصل معايا كدة فعلا
اسيب العربية اسبوع و ارجع ادور عادى جدا من اول كونتاكت
عربية ابنى مسافر و سبتها شهر راكنه تحت المنزل و لما دورتها دارت علطول
وهى دى اساسا ميزة البطارية الجافة كما فى الكتالوج بتاعها

بالنسبه ل حضرتك ممكن تراجع على توصيلات السيارة ممكن حاجة تكون بتسرب كهرباء او حاجة بتستهلك كهرباء بسيطة , زى الانذار مثلا
انا عندى العربيتين مافيهمش انذار ريموت للسنتر فقط

شكرا للتوضيح يا استاذ جمال ...فعلا الموضوع ده حصل مع سيارة حد من صحابي و لما رجع دارت عادي مع العلم سيارته حديثة
اما العربيات القديمة فالازم تدور ع الاقل يوم و يمم لانها للاسف بتنام

هو سعر البطاريه 88 امبير الفارتا الالماني الجافه تعمل لها حوالي كام؟
الحاجه الثانية البطارية اللي عندي كلوريد سائلة 70 امبير البلاستيك بغطاء احمر ؛ وضبطت المياة عند الكهربائي من وغيرت الكتاوت من كتاوت روسي خارجي الي كتاوت تركي خارجي علماالكتاوت الاصلي بتاعها كان الماني نظام فيشة علي الدينامو ؛ وجدت امبارح المياة في البطارية تقريبا ناشفة علي الاخر فزودتها مياة نار تركيز 30 فوجئت ان المياة بتتسرب من الجانب ؛ علما بان لمبة الكونتاك بطفي لما ازود سرعه الماتور بس وكنت قيست شحن الدينامو عند كذا واحد قالوا لي ان الشحن كويس حوالي 13.5 ؛فهل المياة اللي بتسرب من الجانب طبيعي وهل هذة البطارية ممكن تتصلح ؟
علما بان نوع العربية مرسيدس 200
الحاجه الثانية جهاز شحن البطارية المنزلي ؛ انواعه ايه ؟

هو سعر البطاريه 88 امبير الفارتا الالماني الجافه تعمل لها حوالي كام؟
الحاجه الثانية البطارية اللي عندي كلوريد سائلة 70 امبير البلاستيك بغطاء احمر ؛ وضبطت المياة عند الكهربائي من حوالي شهرونصف وغيرت الكتاوت من كتاوت روسي خارجي الي كتاوت تركي خارجي علماالكتاوت الاصلي بتاعها كان الماني نظام فيشة علي الدينامو ؛ وجدت امبارح المياة في البطارية تقريبا ناشفة علي الاخر فزودتها مياة نار تركيز 30 فوجئت ان المياة بتتسرب من الجانب ؛ علما بان لمبة الكونتاك بطفي لما ازود سرعه الماتور بس وكنت قيست شحن الدينامو عند كذا واحد قالوا لي ان الشحن كويس حوالي 13.5 ؛فهل المياة اللي بتسرب من الجانب طبيعي وهل هذة البطارية ممكن تتصلح ؟
الحاجه الثانية جهاز شحن البطارية المنزلي ؛ انواعه ايه ؟

السائلة احسن طبعآ انا بزودلها ميه كل 6 اشهر و غلاج مشكلة المية اللى بتنزل على الصاج تعمل بارومة عى حرطوم فايظ يركب فى فتحة التصريف للبطارية زلاى ما انا عامل

اقتباس:

---

المشاركة الأصلية كتبت بواسطة shoudy2005

السائلة احسن طبعآ انا بزودلها ميه كل 6 اشهر و غلاج مشكلة المية اللى بتنزل على الصاج تعمل بارومة عى حرطوم فايظ يركب فى فتحة التصريف للبطارية زلاى ما انا عامل

---

100*100 مضبوط وحط كمان حته مشمع تحت البطارية تحوش لو ميه نار خرت من البطارية

البطارية عملتها معايه أمبارح وكانت الغلطة غلطتي أن أنا مشيت تقريبا ما يقرب من 5شهور بدون عمل صيانة ليها وفجاءة بدور العربية مش بدور وزقت العربية ودارت روحت للكهربائي ووجدت أن البطارية مافيهاش نقطة مياه وللأسف البطارية تلفت
وأشتريت بطارية أمبارح 40أمبير نوع كوري أسمة سوليت أو سولايت سائلة لو أمكن ممكن أعرف من أهل الخبرة النوع ده كويس ولا لاء؟؟
عليها ضمان سنة وأخذ التالفة بعشرين جنية وثمن البطارية الجديدة 240جنية

الجافة طبعا