الموضوع: محتار بجد فى موضوع الجامعه

المشاركة الأصلية كتبت بواسطة legendjo

انا لسه مخلص ثانوية عامه زيك، بس لو كنت مكانك مكنتش هسافر.. الموضوع أكبر من اللي انت فاكره.

طب أكبر فى ايه بالظبط ؟؟؟

اخر الاخبار

1 - فيه 4 جامعات فى المانيا بيدرسوا المناهج بالانجليزى بس الراجل قالى يفضل بالالمانى لان حياتك كلها فى المانيا بالالمانى فقط وكشغل بعد كده والالمان نفسهم ميحبوش يتكلموا غير بالالمانى بس و لو كلمتهم انجليزى يفتكرك بتشتمه

2 - لما بقدم ورقى للشركة اللى هتسفرنى بيبعتوا ورقى لكذا جامعة المانية والجامعة اللى هتقبلنى هى اللى انا هدخلها

3 - اتعاب الشركة اللى هتسفرنى 500 يورو شاملة الفيزا و الاستقبال فى المطار

4 - ممكن لو معايا المستوى الاول فى الالمانية اسافر المانيا و اكمل دراسة اللغة هناك بس حسبتها لاقيت ان الكورسات هنا اسعارها ارخص

5 - قالى علشان انت اخترت لغتك التانيه فى ثانوية عامه المانى و بقالك 3 سنين بتدرسها دى حاجة كبيرة اوى ليهم و يحترموك جدا بسببها

6 - ينفع تشتغل و من غير ضاريب على الطلبة الاجانب وسعر الساعه من 8 ل 10 يورو يعنى مرتب واحد مثلا بيغسل صحون فى الشهر فى حدود 3000 يورو يعنى 30 الف جنيه مصرى علشان تساعد فى مصاريفك الشهرية

7 - كل الطلبة اللى مقدمين فى الشركة هيبتدوا دراسة فى شهر 2

تم الارسال عبر الخاص

المشاركة الأصلية كتبت بواسطة mohab.nabil

بص يا باشا لو الموضوع وردى كده محدش كان غلب انت حسب كلامك كده قول هتصرف الف يورو فى الشهر و كده كده الجامعة ببلاش و هتعمل 3 الاف فى الشهر يعنى مكسب صافى الفين يورو فى الشهر صدقنى لو الدنيا سهلة كده مكنش حد غلب ..

و تانى انا مش عايز احبطك بس الناس اللى بشترحلك الصورة ديه مخلينها وردى بزيادة اوى يعنى كده انت بتقول كل اللى محتاجه عشان تدخل جامعة المانية شهادة ثانوى مصرى و 500 يورو ؟! يا راجل ده كان نص الشعب المصرى عمل كده او حتى على الاقل اللى اهلهم بيدفعوا ليهم فى جامعة خاصة

و على فكرة 3 الاف يورو دا مرتب مش بسيط فى اوروبا يعنى مش اى حد بياخد 3 الاف يورو و عمره ما يبقى مرتب student شغال بيغسل اطباق !!

ماهو فيه شرط نسيت اقوله و ده اللى بيفرق وبيخلى ناس من الطبقة المتوسطة متقدرش تسافر المانيا وهو انى لازم افتح حساب فى بنك المانى اول ما اوصل و احط فيه مبلغ 8150 يورو يعنى حوالى 81500 جنيه مصرى وده مش ليهم طبعا بس بيكون مبلغ علشان لو اتزنقت فى مبلغ اقدر اسحب منه

ليا اصدقاء اتعرفت عليهم و بيدرسوا طب هناك فى المانيا و مبسوطين جدا


بالنسبة لمرتبات الشغل مفيش حاجة اسمها مرتب فيه حاجة اسمها انك هتشتغل اكتر تاخد فلوس اكتر مش هتشتغل مش هتاخد فلوس علشان كده عاملين الساعه الشغل من 8 ل 10 يورو


تحياتى